Lomɛŋ 7:1 - Eka Eswhī

¹ Epɔ̄ memía, anu zīi meŋ gɔ á eshúŋɔ la, meŋ á kwaŋ ŋ́gɛ, pɛ é si nzi nzhɛ́ɛ, pɛ zhɛɛ́ anu ánɛ lepé Mɔɔ́sɛ. Pɛ é si nzhɛ́ɛ á légɛ, lepé é saáʼ á ŋiŋ, áa afʉʼ zīi a zɛɛ́t á ŋgɔŋ.

Lomɛŋ 7:1 Iomraidhean Croise

Lomɛŋ 1:13

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, meŋ ndé zii ŋkwāŋte á gá á leshʉʼ á alāʼ pɛ, táʼ, azō á piŋ mvɛ́ne á gá tɛ ntshí tsetsɔŋɔ. Meŋ nde nɔ̄ŋ ntsáa á gá á leshʉʼ épúp, ŋ́ghʉ̄, afaʼ zá, á zém ntá á alāʼ pɛ azɛ́, ńdeŋ ndeŋ páʼ, á si nzémɛ ntá épúp, á tsetsɛlɛ emɔ̄ʼ melāʼ.

Lomɛŋ 10:1

Epɔ̄ memía, ajū mīi meŋ á ntē meŋ ntsáa, ńnɔŋ eswíŋtɛ á Ndém á athū epuɔ Yúda melaʼ aziɛ́, á si ŋgɔ́ á légɛ, pɔ́ evéŋ, Ndém a eghʉ̄ pɔ́ etswɛ́t.

Lomɛŋ 10:4

Lepé Mɔɔ́sɛ é le gʉ̄ɔ tɛ ntsóʼne áa ánɛ Klísto, tɛ́ Ndém a etɔ́ŋ epuɔ metsem pīi, pɔ́ fɛɛ́ nnɛ̄t ŋgyá á mbū Klísto lɛ, epuɔ ndeŋ ndeŋ.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:3

Pɛ é si ncuŋtɛ nzhɛ́ɛ á légɛ, ḿpɛ metsem pīi, mɛ́ le nōʼ á yímpɛ á ntshi, ŋ́gɛ ḿpɛ a Yɛɛ́so Klísto, e etemte ncʉ́ʼ á taʼ lā, á lɛ páʼā, ḿpɛ a pɔ́p é lɔkɔ mbútɛ ŋkwhʉ́ɛ.

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

1 Kɔlɛŋte 9:8

Menu mīi meŋ shúŋɔ lāa, é té lɛ ŋgɔ́ áa menu mīi epuɔ menɔŋ mé kwaŋtɛ ɛ́, é si ŋgɔ́ menu, mbɔ mɛ́ le zéŋ ntí á ntē aŋwaʼne mbé Ndém épúp.

Galat 4:21

Pɛ pīi pɛ kɔŋɔ ŋ́gɛ, mbé Mɔɔ́sɛ mé esáʼ á wɛ́, pɛ eshúŋ á gá. Pɛ te si ncūŋtɛ nzhɛ́ɛ ajū mīi, mbé mɛ́t é lʉ́ɛ́ ɛ́.