Lomɛŋ 6:4 - Eka Eswhī

⁴ Mɛ́ le nōʼ á yímpɛ á ntshi páʼā, ḿpɛ a pɔ́p é lɔkɔ mbútɛ ŋkwhʉ́ɛ, mɛ́ lɔkɔ nnéŋɛ á yímpɛ a pɔ́p á ntē lesi, tɛ́ a etsīa páʼ, Ndém Mɔʼɔ́ a á lɔk á mía mía mete mí, ŋ́ghʉ̄ á zím ánɛ lewhʉ̄ lā, ḿpɛ ewɛ̄ azímpɛ lenāŋ leswhī.

Lomɛŋ 6:4 Iomraidhean Croise

Jáaŋ 11:40

Yɛɛ́so á ké ntsɔ́ʼ á mbū yí ŋ́gɛ: «Nɔ́ŋ ŋ́gɛ meŋ á ndáʼ eshúŋ á wú ŋ́gɛ, o fíɛ́ nnɛ̄t jú ŋgyá á mbū meŋ, mbɔ o o jʉ́ɔ páʼ, Ndém a tswii mete mí. »

Jáaŋ 2:11

E é páʼa, ŋgɔ́ mvhɔ ŋkʉʼne anu zīi, Yɛɛ́so a le ghʉ̄ʉ̄. Ŋ́ghʉ̄ɛ épúp á tésɔŋ Kána, á ntē apak ŋgɔŋ Ŋgaliléa, ńdɔkɔ ntswīi á shʉ́shɔ́k yi. Megaŋ nnɔ pí é jʉ́ɔ épúp, éfɛ́ nnɛ̄t ŋgyá mé yí.

Mefaʼ Meziŋ-ntō 2:24

Púp, ŋ́kɛ́ʼte meŋkhʉ lewhʉ̄ ánɛ yí, ŋ́ghʉ̄ á zím, melaʼ mīi, lewhʉ̄ a le gɔ a á le kūʼ á lekūʼte á yí, páʼ ŋgaŋ atʉɛ́ lā á.

Mefaʼ Meziŋ-ntō 2:32

Ŋiŋ wuɔ mɛ́t, a á Yɛɛ́so. Ndém a ke ghʉ̄ʉ̄, á zím ánɛ lewhʉ̄. Pek, épuɔ Yɛɛ́so, é si ŋgɔ́ wɔ njhʉɛ‑njʉɔ́ metsem.

Lomɛŋ 6:19

Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 6:3

Pɛ é si ncuŋtɛ nzhɛ́ɛ á légɛ, ḿpɛ metsem pīi, mɛ́ le nōʼ á yímpɛ á ntshi, ŋ́gɛ ḿpɛ a Yɛɛ́so Klísto, e etemte ncʉ́ʼ á taʼ lā, á lɛ páʼā, ḿpɛ a pɔ́p é lɔkɔ mbútɛ ŋkwhʉ́ɛ.

Lomɛŋ 6:8

Páʼ ḿpɛ a Yɛɛ́so é lē ŋkwhʉ́ lā, ḿpɛ é si ncuŋtɛ nzhɛ́ɛ á légɛ, ḿpɛ a pɔ́p e láʼ ezéŋ egɔ́ éwú.

Lomɛŋ 6:9

Ḿpɛ é si ŋké nzhɛ́ɛ á légɛ, páʼ Ndém a le ghʉ̄ʉ̄, Klísto á zím ánɛ lewhʉ̄ lā, a te ndáʼa nzéŋɛ ŋkwhʉ́ ɛ́. Lewhʉ̄ a te zɛ́t mbɔ́ŋ mete ánɛ yí í.

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

1 Kɔlɛŋte 6:14

Yí mé láʼ ezéŋ elɔk mete mí eghʉ, ḿpɛ ezím azímpɛ ánɛ lewhʉ̄, páʼ a le ghʉ̄ʉ̄, Atsyapuɔ á zím ánɛ lewhʉ̄ lā.

2 Kɔlɛŋte 13:4

Á anuúnē á légɛ, mɛ́ le kwɛtē á yí ánɛ mbaŋne paŋné páʼā, á lɔkɔ esóʼnɛ nnɛ̄t zi, tɛ ncʉ́ʼɛ apwɛɛ́t‑ŋiŋ. Táʼ, á ké ŋgɔ́ tsetsɔŋɔ, mbɔ Ndém a lē ndɔk mete mí, ŋ́ghʉ̄ á cʉ́ʼ nte. Páʼ pek lɛtneē ánɛ yí lā, pek zeéŋ ŋgɔ́ azék epwɛɛ́t‑epuɔ. Táʼ, Ndém a shʉʼ elɔk mete mīi a wɛɛ̄ ánɛ pek, éghʉ, pek egɔ́ azék nte. A a shʉʼ elɔk á leghʉ afaʼ á tsetsɛlɛ pɛ, tɛ́ etswi.

2 Kɔlɛŋte 5:17

Ŋiŋ a lɛtneē ánɛ Klísto páʼā, ńcʉ́ʼ á ŋiŋ eswhī, mbɔ nzwiŋ atswhī ŋgaŋ, a á mi. Á cʉ́ʼɛ ŋgwɛ̄ áa atswhī eswhī.

Efɛze 4:17

Anu zīi meŋ gɔ á eshúŋɔ la, meŋ ndɔkɔ lezēŋ Atsyapuɔ tɛ́ eshúŋɔ, á gɔ́ ajʉʼ éwú ŋgɔ́ épúp: ndɛ́ʼ pɛ ezéŋ nnáŋ páʼ, wɔ te zhɛ́‑kwaʼ Ndém. Akwaŋte zɔ́p, á té gʉɔ tɛ ntsóʼne ánɛ amɔ̄ʼ azō ɔ́.

Efɛze 5:8

Á lɛ amɔ̄ʼ afʉʼ, pɛ náŋ áa ntē nzém, á ké mbiŋ ŋgɔ́ tsetsɔŋɔ, mbɔ pɛ kʉʉ̄ŋ ncʉ́ʼ ŋkaʼ, éfhó ánɛ páʼ pɛ lɛtneē ánɛ Atsyapuɔ. Púp, pɛ enáŋ páʼ epuɔ pīi, pɔ́ naáŋ á ntē ŋkaʼ lā.

Kɔlɔs 3:10

Pɛ kʉʉ̄ŋ ncʉ́ʼ epuɔ meswhī, épuɔ meswhī pīi, Ndém, á Mbɔ yímpɛ, a á efʉʼ metsem, ŋ́ghʉ̄ pɔ́ swhí á yí, éfāʼa ŋ́gɛ, pɛ etswiʼne nzhɛ́ á yí.

Kɔlɔs 4:1

Ŋ́gɔ́ á mbū pɛ memɔʼɔ́ apuʼ, mbɔ pɛ elɔ̄k á ndeŋ ndeŋ pɔ́ anuúnē tɛ́ ndɔk ŋgwɛ̄ epuʼ tsɛ́, ńnɔ̄ŋ nzhɛ́ɛ á légɛ, pɛ wɛɛ̄ azɛ́ á taʼ Mɔʼɔ́ á athʉ́ lephū.

1 Piɛ 3:21

Ntshi wuɔ mɛ́t, é lɛ ayiŋne á lenoʼ epuɔ á ntshi, páʼ Ndém a á ayáʼa, ńzápa éwú, ŋ́ghʉ̄ɛ pɛ tswɛ́tɛ lā. Lenoʼ pɛ á ntshi wuɔ mɛ́t, a te á lelɔk esōk nchʉ́ ánɛ mbe nnɛ̄t ɛ́, a gɔ́ áa á lelɔk ntswī á légɛ, pɛ é véŋ á lekūʼte á Ndém mé taʼ ntē. Ndém a á si nzápa ánɛ lenoʼ pɛ á ntshi, ŋ́ghʉ̄ɛ pɛ tswɛ́tɛ, melaʼ mīi, a le ghʉ̄ʉ̄, Yɛɛ́so á zím ánɛ lewhʉ̄.

1 Jáaŋ 2:6

Ŋiŋ a nɔŋ ndʉ́ɛ́ ŋ́gɛ, yí lɛtneē ánɛ Ndém, ŋgaŋ á ziŋ azí ánɛ mɛnzhɛ yīi, Yɛɛ́so a le zīŋ azí éwú.