Lomɛŋ 6:3 - Eka Eswhī

³ Pɛ é si ncuŋtɛ nzhɛ́ɛ á légɛ, ḿpɛ metsem pīi, mɛ́ le nōʼ á yímpɛ á ntshi, ŋ́gɛ ḿpɛ a Yɛɛ́so Klísto, e etemte ncʉ́ʼ á taʼ lā, á lɛ páʼā, ḿpɛ a pɔ́p é lɔkɔ mbútɛ ŋkwhʉ́ɛ.

Lomɛŋ 6:3 Iomraidhean Croise

Matío 28:19

Púp, pɛ egʉ̄ɔ á ŋgɔŋ ŋgɔŋ, ŋ́ghʉ̄ epuɔ menɔŋ e ecʉ́ʼ megaŋ nnɔ pá, ńnōʼ á wɔ́p á ntshi ánɛ lezēŋ Mɔʼɔ́, ánɛ lezēŋ Mɔ́, mbɔɔ ánɛ lezēŋ Azwakne Ndém,

Mefaʼ Meziŋ-ntō 19:5

Pɔ́ júʼ anu Pɔ́ɔl, ḿvéŋ ŋ́gɛ mɛ́ enōʼ á wɔ́p á ntshi ánɛ lezēŋ Atsyapuɔ Yɛɛ́so.

Mefaʼ Meziŋ-ntō 2:38

Piɛ á pwɛt ŋ́gɛ: «Pɛ egɔ̄ nnɛ̄t zɛ, ŋgwáʼ atswhī tepɔŋ zɛ́, awíɛ awíɛ a evéŋ, mɛ́ enōʼ á yí á ntshi, páʼ a á néŋ ntē yí ánɛ Yɛɛ́so Klísto. Pɛ eghʉ̄ épúp, Ndém a elēkne mefa mɛ́, ḿbiŋ ŋgyá á wɛ́ Azwakne zí.

Mefaʼ Meziŋ-ntō 8:16

melaʼ mīi, Azwakne Ndém á le zɛ́t te kó tsɔ ánɛ taʼ ŋiŋ wɔp. Mɛ́ le nōʼ á wɔ́p á ntē ntshi, áa ndaʼ páʼ pɔ́ é fɛ́ nnɛ̄t ŋgyá á mbū Atsyapuɔ Yɛɛ́so.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:8

Páʼ ḿpɛ a Yɛɛ́so é lē ŋkwhʉ́ lā, ḿpɛ é si ncuŋtɛ nzhɛ́ɛ á légɛ, ḿpɛ a pɔ́p e láʼ ezéŋ egɔ́ éwú.

Lomɛŋ 7:1

Epɔ̄ memía, anu zīi meŋ gɔ á eshúŋɔ la, meŋ á kwaŋ ŋ́gɛ, pɛ é si nzi nzhɛ́ɛ, pɛ zhɛɛ́ anu ánɛ lepé Mɔɔ́sɛ. Pɛ é si nzhɛ́ɛ á légɛ, lepé é saáʼ á ŋiŋ, áa afʉʼ zīi a zɛɛ́t á ŋgɔŋ.

1 Kɔlɛŋte 10:2

Á si ndɔk ŋgɔ́ páʼ, Ndém a le nōʼ á wɔ́p metsem á ntē ntshi, mbɔɔ á ntē alɔ ŋ́gɛ, pɔ́ a wɔ Mɔɔ́sɛ e epúte ncʉ́ʼ á taʼ lā.

1 Kɔlɛŋte 12:13

Ńdɔkɔ ŋ́gɛ, mɛ́ le nōʼ á yímpɛ metsem á ntshi páʼā, mete ndaʼ Azwakne Ndém, é ghʉ, ḿpɛ púu ncʉ́ʼ á taʼ mbe nnɛ̄t. Tɛ o láʼa ké gɔ́ á ŋiŋ Yúda kɛ́ á ŋiŋ yīi, a te ŋiŋ Yúda á. Tɛ o láʼa ké gɔ́ ŋkwa, kɛɛ́ á ŋiŋ yīi, a naáŋ á ŋga athū yí lɛ́ɛ, mbɔ taʼ Azwakne mé le kó ánɛ pímpɛ.

1 Kɔlɛŋte 15:29

A gɔ́ éyi mɛ́ té e fú ezím ánɛ lewhʉ̄ ɛ́, mbɔ melaʼ akɔ̄ emɔ̄ʼ epuɔ é veéŋ ŋ́gɛ, mɛ́ enōʼ á wɔ́p á ntshi ánɛ ajʉʼ mepfhō ō? Pɔ́ véŋɛ ŋ́gɛ mɛ́ enōʼ á wɔ́p á ntshi, ánɛ ajʉʼ mepfhō páʼā, ńdɔkɔ efāʼa akɔ̄?

1 Kɔlɛŋte 3:16

Pɛ ka zhɛ́ á légɛ, pɛ é si ŋgɔ́ ŋgyā Ndém, Azwakne zí á piŋ nnáŋ ánɛ pɛ ɛ́ lɛ̄?

1 Kɔlɛŋte 5:6

Á ka pɔ̄ŋ ŋ́gɛ, pɛ ezéŋ ŋŋīa á. Pɛ ka zhɛ́ á légɛ, mefa é si ŋgɔ́ páʼ méŋ agáʼ levwi yīi, a ghʉɛ mblɛ é kɔ́ʼɔ lā lɛ̄.

1 Kɔlɛŋte 6:19

Pɛ ka zhɛ́ á légɛ, mbe nnɛ̄t zɛ e é si ŋgɔ́ á Mía Ŋgyā Azwakne Ndém ɛ́ lɛ̄? Ndém a le yá Azwakne mɛ́t ŋ́gɛ, a egɔ́ á ntē pɛ. Púp, pɛ é le zéŋ mbɔ́ŋ mbe nnɛ̄t zɛ́ ɛ́, Ndém mé ecʉ́ʼɛ mbɔ́ŋɔ á wɛ́.

1 Kɔlɛŋte 6:9

Pɛ te si nzhɛ́ɛ á légɛ, wɔ ghʉ‑anu tepɔŋ, é té láʼ ewɛ azɔ́p ajʉʼ á ntē Lefɔ Ndém ɛ́ lɛ̄? Ndɛ́ʼ azō á kʉɛ leghi tsɛ́. Megaŋ agā, mbɔɔ epuɔ pīi, pɔ́ wuʼtɛ mesī, mbɔɔ wɔ wɛ‑mɛgap, mbɔɔ mbaŋa zīi, é véŋɛ ŋ́gɛ, mɛ́ elɔ̄k á wɔ́p ŋghʉ̄ wɔnzwí, mbɔɔ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ,

1 Kɔlɛŋte 9:13

Pɛ é si nchʉ́ɛ nnɛ̄t nzhɛ́ɛ á mbɔŋɔ́ á légɛ, epuɔ pīi pɔ́ ghʉɛ afaʼ, á Mía Ŋgyā Ndém, etsō tsɔ́p é fhó áa ánɛ ecū mīi, epuɔ é ŋgyá á Mía Ŋgyā Ndém mɛ́t. Epuɔ pīi pɔ́ nɔŋɔ epɔʼ, etsɔ́p etsō é fhó áa ánɛ ecū mīi, mɛ́ é lɔk nnɔ̄ŋ epɔʼ.

1 Kɔlɛŋte 9:24

Pɛ é si nzhɛ́ɛ páʼ wɔ ghʉɛ‑mɛntáʼa ntáʼa ánɛ atetá zīi mɛ́ kʉʉ éwú, pɔ́ kʉʉ̄ metsem páʼā, mɛ́ kó ntáŋ áa ŋiŋ yīi, a á kʉ á lelʉɛ. Púp, pɛ efók mbʉʼ ŋkʉ̄, tɛ eshʉ̄ʼ ntswí ntaŋá.

2 Kɔlɛŋte 13:5

Pɛ méŋwɛ̄t e etsāʼ nnɛ̄t zɛ, ńjʉ́ɔ kɛ pɛ zɛɛ́t ntswiʼnɛ efíɛ́ nnɛ̄t ŋgyáa á mbū Yɛɛ́so lɛ́. Awíɛ awíɛ a ethú alɔ́ʼ zí méŋwɛ̄t. Pɛ te si nzhɛ́ɛ á légɛ, Yɛɛ́so Klísto a á ntē pɛ ɛ́ lɛ̄? Ńdaʼ yīi, awíɛ awíɛ a á tsaʼ nnɛ̄t zi, ńjʉ́ɔ pɔ́ yí é gɔ́ té nnɔ ɔ́.

Galat 3:27

Á épúp, melaʼ mīi, mɛ́ le nōʼ á wɛ́ metsem á ntshi páʼā, ńdɔkɔ ntséknɛ á wɛ́ á mbū Klísto. Pɛ lɔ̄kɔ ncʉ́ʼɛ azɛ́ ndeŋ ndeŋ, páʼ Klísto a á épúp.

Jáak 4:4

Pɛ é páʼ megaŋ agā wɔnzwí lā, pɛ te si nzhɛ́ɛ á légɛ, ŋiŋ a neéŋ ntē yí áa ánɛ tsitsi ŋgɔŋ wuɔ páʼā, ńdɔkɔ ŋgɔ́ á ŋgaŋ mbo Ndém ɛ́ lɛ̄? Ŋiŋ a nɔŋ ŋkɔ̄ŋɔ á yí á lelɔk tsitsi ŋgɔŋ wuɔ, ŋ́kwɛ́t ntwɛt yí, á zhɛ́ á légɛ, yí é ŋgaŋ mbo Ndém.

1 Piɛ 3:21

Ntshi wuɔ mɛ́t, é lɛ ayiŋne á lenoʼ epuɔ á ntshi, páʼ Ndém a á ayáʼa, ńzápa éwú, ŋ́ghʉ̄ɛ pɛ tswɛ́tɛ lā. Lenoʼ pɛ á ntshi wuɔ mɛ́t, a te á lelɔk esōk nchʉ́ ánɛ mbe nnɛ̄t ɛ́, a gɔ́ áa á lelɔk ntswī á légɛ, pɛ é véŋ á lekūʼte á Ndém mé taʼ ntē. Ndém a á si nzápa ánɛ lenoʼ pɛ á ntshi, ŋ́ghʉ̄ɛ pɛ tswɛ́tɛ, melaʼ mīi, a le ghʉ̄ʉ̄, Yɛɛ́so á zím ánɛ lewhʉ̄.