Lomɛŋ 6:23 - Eka Eswhī

²³ Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 6:23 Iomraidhean Croise

Matío 25:46

Epuɔ puɔ mɛ́t, e egʉ̄ɔ mé alāʼ ŋgʉɔ̄ʼ te mi. Wɔ júʼ‑nchu Ndém, e egʉ̄ɔ mé lezēŋ Ndém, pɔ́ a pɔ́p mé ecʉ́ʼɛ mbúu nnáŋa. »

Jáaŋ 10:28

Meŋ ghʉʉ̄ pɔ́ gɔ́ éwú, éfú ntā á lezēŋ Ndém. Pɔ́ gɔ́ le fú mbí í. Ŋiŋ a piŋɛ ŋgɔ́, a á le fú aleʼé, éfhó á mbū meŋ ŋkú á wɔ́p ɔ́.

Jáaŋ 17:2

O le yá mete á mbū yí, ánɛ epuɔ menɔŋ metsem. A a fhó ánɛ mete mɛ́t, éyá á lefū ntā á lezēŋ Ndém, á mbū epuɔ metsem pīi, o le tsekné á mbū yí.

Jáaŋ 3:36

Ŋiŋ yīi, a fɛɛ́ nnɛ̄t ŋgyá á mbū Méŋ yi mɛ́t, a á ndáʼ nzī á leta á lezēŋ Ndém. Ŋiŋ yīi a te si njúʼɔ nchu Méŋ yi mɛ́t ɛ́, a te e fú ewɛ lenāŋ cʉɔ mɛ́t ɛ́. Ndém a naáŋ efʉʼ metsem, ńzáŋ á lɔ́ŋ á mbū yí. »

Jáaŋ 4:14

Ŋiŋ a ke mbīŋ nnú ntshi yīi, meŋ mé yá á yí, mbɔ nzi ntshi e te eláʼ ezéŋ á yí ezáŋ á. A cʉ́ʼɛ épúp, mbɔ ntshi yīi, meŋ á yá á yí, e kó ánɛ yí, écʉ́ʼ lesaʼá‑ntshi tsīi, é ghʉɛ mɛ́ taa á lezēŋ Ndém. »

Jáaŋ 4:36

Efaʼ‑etsō, a á ndáʼ nzī á letswī ntsɔʼɔ́ afaʼ yí, a á si ndāka etsō, ńtáŋa á lezēŋ Ndém. Púp, mbhi‑etsō pɔ́ efaʼa, é si mbúu ŋkáka.

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Jáaŋ 6:27

Ndɛ́ʼ pɛ efók mbʉʼ ndɔ̄k ŋghʉ̄ afaʼ zīi, a yá á wɛ́ etsō lejhʉ̄ tsīi, é gɔ epék. Pɛ efók mbʉʼ ndɔ̄k ŋghʉ̄ afaʼ zīi, a yá á wɛ́ áa etsō lejhʉ̄ tsīi, é gɔ le mīi, étsi ŋiŋ a pfɛ́tɛ, á láʼ ntā á lezēŋ Ndém. Ecʉɔ etsō mɛ́t, Méŋ‑Ŋiŋnɔŋ wuɔ mé shʉʼ eyá á mbū pɛ, melaʼ mīi, yí tɛ́ Ndém Mɔʼɔ́, a á si mvéŋɛ a ajū mīi a ghʉɛ. »

Jáaŋ 6:40

Ajū mīi Mɔʼɔ́ ga a á si ŋkɔ̄ŋɔ, a ajʉɔ: ŋiŋ ntsem yīi, a á jʉ́ɔ á gá meŋ Méŋ yi, éfɛ́ nnɛ̄t ŋgyá mé meŋ, a a fú eta á lezēŋ Ndém. Meŋ ndáʼ ánɛ nzoknzem aleʼé, ŋ́ghʉ̄ a ezím ánɛ lewhʉ̄. »

Jáaŋ 6:68

Simɔŋ Piɛ á pwɛt á mbū yí ŋ́gɛ: «Mɔʼɔ́ wek, o ó páʼā ŋ́gɛ, pek egʉɔ njʉ́ɔ á awɔ́? O wɛɛ̄ meshuŋne mīi, é ghʉɛ mɛ́ taa á lezēŋ Ndém.

Lomɛŋ 1:32

Tɛ mbɔɔ páʼ pɔ́ é si ncūŋtɛ nzhɛ́ páʼ, lepé Ndém é leé ŋ́gɛ, epuɔ pīi pɔ́ fʉʼtɛ ntií menu jʉɔ mɛ́t, pɔ́ gɔ le vūʼu lā. Pɔ́ té lɛ efʉ̄ʼte ntií menu jʉɔ mɛ́t ndaʼá, pɔ́ zeéŋ ntswíʼte epuɔ pīi, pɔ́ é si efʉ̄ʼtɛ.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 5:12

Mefa é le gē ekó á ŋgɔŋ, ńzápa ánɛ taʼ ŋiŋ, lezēŋ ŋgaŋ é gɔ́ lɛ Ádam. Mefa é le gē ekó á ŋgɔŋ épúp, ńdɔ̄k á lewhʉ̄ eshʉ̄ʼ. Á shʉʼ épúp, ḿbú ŋkó ánɛ ŋiŋ ntsem, melaʼ mīi mmɔʼ ŋiŋ té fa, a te éwú ú.

Lomɛŋ 5:17

Á épúp, lewhʉ̄ a gɛ ndɔ̄kɔ epuɔ lɔke, melaʼ taʼ ŋiŋ, melaʼ mefa taʼ ŋiŋ. Azi afaʼ Yɛɛ́so Klísto, á le pīŋ ntswhi tswhi. Melaʼ mí, melaʼ mí ndaʼ, tɛ́ epuɔ menɔŋ e fú eta á lezēŋ Ndém, égɔ́ wɔ asaʼa‑ndʉɔ́ʼ. Épuɔ pīi, Ndém a wɛɛ̄ apɔŋɔ́ ntē te ndhʉ ánɛ pɔ́p, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:21

A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 8:13

Á páʼā ŋgɔ́ éyi, pɛ ziŋɛ páʼ mbe nnɛ̄t zɛ mé tshónɛ á wɛ́, mbɔ pɛ e kwhʉ́. Táʼ, a piŋɛ ŋgɔ́ éyi, pɛ é si nzīŋɛ páʼ, Azwakne Ndém á si ŋkɔ̄ŋɔ, mbɔ á páʼā, pɛ elɔ̄kɔ nzwhíɛ anu tepɔŋ zīi, á ntē pɛ, Ndém a eláʼ ŋghʉ̄, pɛ egɔ́ éwú.

Lomɛŋ 8:38

Meŋ á si ncuŋtɛ nzhɛ́ɛ á légɛ, amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́, tɛ a láʼa ŋgɔ́ á lewhʉ̄ ká á legɔ̄ éwú. Tɛ é láʼa ŋgɔ́ mecɔʼ Ndém ká emɔ̄ʼ ecū mīi, é sáʼa ndo esī atsetsáʼ. Tɛ é láʼa ŋgɔ́ menu mīi, é tsetseŋɔ ntɔ́kɔ, ká emi é shʉʼ tɛ́ shʉʼe. Tɛ é láʼa ŋgɔ́ emɔ̄ʼ mete ndɛʼɛ.

Lomɛŋ 8:39

Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

Lomɛŋ 8:6

Ŋiŋ a ziīŋ páʼ, mbe nnɛ̄t zi mé si ntshónɛ á yí ŋ́gɛ, a ezīŋ épúp páʼā, ńdɔkɔ nzīŋɛ ánɛ mɛnzhɛ lewhʉ̄. Ŋiŋ á piŋ nzīŋ páʼ Azwakne Ndém mé si nzɛ́ttɛ épúp páʼā, ńdɔkɔ nzīŋɛ ánɛ mɛnzhɛ yīi, Ndém a a ghʉ, a egɔ́ éwú, ŋ́gwɛ̄ apwɛne.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Tíit 1:2

Ŋ́gē enáŋ épúp, ńnɔŋ nzwíʼtɛ á lefū ntā á lezēŋ Ndém, páʼ a le laʼnē épúp, tɛ nzɛ́t áa te nɔŋ ŋgɔŋ. Ndém mɛ́t a te láte.

Jáak 1:15

Mekwaŋte mɛ́t, é zīi nnáŋ á ntē ŋiŋ, ńzí, ńcʉ́ʼ mefa. Mefa é kó ŋgáʼ, ŋ́ghʉ̄, ŋgaŋ á kwhʉ́.

1 Jáaŋ 2:25

Pɛ eké njʉ́ɔ ajū mīi, Klísto a le laʼnē á mbū pímpɛ: á lefū ntā á lezēŋ Ndém.

Menjʉɔ te lí 21:8

Ḿbiŋ ŋgɔ́ mé epuɔ pīi pɔ́ cɔ̄ʼe, ŋ́gɔ́ mé wɔ te júʼ‑nchu Ndém, ŋ́gɔ́ mé epuɔ pīi athū zɔ́p á lē mbék, ŋ́gɔ́ mé wɔ zwhíte‑epuɔ, ŋ́gɔ́ me megaŋ agā, ŋ́gɔ́ mé megaŋ lekaŋ, ŋ́gɔ́ mé wɔ wuʼte‑mesī, mbɔɔ wɔ táŋ‑mela metsem, mbɔ azɔ́p ajʉʼ á ntē mía mía mmók meka yīi, é si ŋgīʼnɛ. Wɔ́p á legɔ̄ á ntē mmók ega mɛ́t, a á si ŋgɔ́ á wɔ́p á lezēŋ ŋkwhʉ́ emɔ̄ʼ legʉɔ. »