Lomɛŋ 6:22 - Eka Eswhī

²² Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

Lomɛŋ 6:22 Iomraidhean Croise

Matío 13:40

Ndeŋ ndeŋ páʼ mɛ́ tsɔ́ʼɔ á tepɔŋ mvēŋ mmāʼa á mmók lā, a láʼ ezéŋ egɔ́ ndeŋ ndeŋ épúp, á afʉʼ zīi, ŋgɔŋ e gɔ á mmiī.

Matío 13:43

Epuɔ pīi, pɔ́ ghʉʉ̄ ajū mīi, Ndém a á si ŋkɔ̄ŋɔ, e eŋwāŋne páʼ lezēk nnu lā, á ntē lefɔ Mɔʼɔ́ wɔp Ndém. Ŋiŋ a wiɛ metuúŋ á lelɔk njúʼ ejʉʼ, á júʼ. »

Matío 19:29

Ŋiŋ ntsem yīi, a á tshi mba zi nnéŋ, ńtshī epɔ̄ memía pí, épi wɔnzwí mbɔɔ epi mbaŋa nnéŋ, ŋ́gwáʼ á mɔʼɔ́ yi, ŋ́gwáʼ á mɛ́ wɔp, ŋ́gwáʼ ewɔŋkhʉ̄ pí mbɔɔ meŋkāʼ mí melaʼ má, a a shʉʼ ewɛ ecʉɔ etsō mɛ́t tɛ e ezá ntɔ́k. Ndém a epiŋ ŋghʉ̄, pɔ́ yí mé ecʉ́ʼɛ mbúu nnáŋa.

Matío 25:46

Epuɔ puɔ mɛ́t, e egʉ̄ɔ mé alāʼ ŋgʉɔ̄ʼ te mi. Wɔ júʼ‑nchu Ndém, e egʉ̄ɔ mé lezēŋ Ndém, pɔ́ a pɔ́p mé ecʉ́ʼɛ mbúu nnáŋa. »

Jáaŋ 15:16

Pɛ mé lɛ te gá kaŋ, meŋ mé le tsɔ́ʼ á wɛ́, ńchʉ́ á wɛ́, ŋ́gɛ pɛ egʉɔ nzém ntá mbɔŋ, ńtá mbɔŋ zīi é náŋa náŋa. Tɛ́ ajūɔ tsem zīi, pɛ é lɔk lezēŋ tsá ndɔ́ á Mɔʼɔ́ ga, a eyá á mbū pɛ.

Jáaŋ 15:2

Apū athʉ́ tɛ ntɔ̄ʼne ánɛ meŋ, ḿbiŋ nnɔ̄ŋ te nzémɛ ntá á, a kʉɔ́ʼē. Azi á si nzémɛ ntá, á cuŋte ŋkíŋte ŋ́gɛ, a etswiʼne nzém á mbɔŋɔ́.

Jáaŋ 4:36

Efaʼ‑etsō, a á ndáʼ nzī á letswī ntsɔʼɔ́ afaʼ yí, a á si ndāka etsō, ńtáŋa á lezēŋ Ndém. Púp, mbhi‑etsō pɔ́ efaʼa, é si mbúu ŋkáka.

Jáaŋ 8:32

Púp, pɛ ezhɛ́ á anu zīi á anuúnē ánɛ Ndém, anuúnē mɛ́t a epiŋ ŋghʉ̄, pɛ é le zɛ́t epuʼ ɔ́. »

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:18

Ndém a lē ŋkɛ́ʼɛ ŋkhʉ mefa á ntɔ̄ŋ pɛ, pɛ cʉ́ʼ ŋkwa zi ánɛ leghʉ anu ndeŋ ndeŋ.

Lomɛŋ 6:21

A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 7:25

Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 7:4

Á zeéŋ ŋgɔ́ ndeŋ ndeŋ épúp, á mbū pɛ me epɔ̄ memía pá. Lepé é té zɛ́t esáʼa á wɛ́ ɛ́, melaʼ mīi, Yɛɛ́so a le kwhʉ́ ánɛ mbaŋne paŋné páʼā, pɛ pīi pɛ lɛtneē ánɛ yí, é lɔkɔ ŋkwhʉ́tɛ ánɛ lepé. Á tsetsɔŋɔ, ŋiŋ ndɛʼɛ mé cʉ́ʼɛ mbɔ́ŋɔ á wɛ́, á ŋiŋ yīi, Ndém a le ghʉ̄ʉ̄, á zím ánɛ lewhʉ̄, ńdɔkɔ efāʼa ŋ́gɛ, ḿpɛ ezém ntá zīi, é pɔŋ á Ndém.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

1 Kɔlɛŋte 7:22

Ndɛ́ʼ o zóko nzāpa nnɛ̄t ju melaʼ mīi, ŋiŋ yīi a á ŋgɔ́ á apuʼ, tɛ Atsyapuɔ Ndém á lɔk á yí ŋghʉ̄ á ŋiŋ yi, ŋgaŋ a te zɛ́t á apuʼ ɔ́, melaʼ mīi Atsyapuɔ Yɛɛ́so Klísto a á záʼ ŋkhʉ á ntɔ̄ŋ yí. Ndeŋ ndeŋ épúp, ŋiŋ yīi a á ŋgɔ́ á ŋga athū yí, Ndém á piŋ ndɔ̄k á yí ŋghʉ̄ á ŋiŋ yi, ŋgaŋ a cʉʉ́ʼ ŋkwa Klísto.

2 Kɔlɛŋte 3:17

Atsyapuɔ a á si ŋgɔ́ Azwakne. Ajʉʼ zīi Azwakne Atsyapuɔ á piīŋ ŋgɔ́ éwú, epuɔ menɔŋ é ajʉʼ mɛ́t, ńnáŋ á ŋga athū pɔ́p.

Galat 1:10

Pɛ é kwaŋ ŋ́gɛ á tsetsɔŋɔ, meŋ nɔ̄ɔŋ efāʼa ŋ́gɛ, epuɔ menɔŋ e ekɔ̄ŋte á gá lɛ́? Ŋgáŋ, meŋ á si efāʼa ŋ́gɛ, Ndém a ekɔ̄ŋte á gá. Meŋ te si efāʼa á gá á leghʉ ajū mīi, epuɔ menɔŋ é lɔk ewuʼte á gá á. Á ŋgwíʼe ŋgɔ́ éyi, meŋ á si ntsáa á gá á leghʉ, epuɔ menɔŋ é wuʼte á gá, mbɔ meŋ gɔ le ghʉ̄ épúp, ḿbiŋ ŋgɔ́ á ŋgaŋ afaʼ Klísto ó.

Galat 5:13

Ŋ́ké ŋgɔ́ mé pɛ me epɔ̄ memía, mbɔ Ndém a lɛɛ́ ntɔ́ŋɔ á wɛ́ páʼā, ŋ́gɛ pɛ enáŋ á ŋga athū pɛ. Ńdaʼ ŋ́gɛ, ndɛ́ʼ pɛ elɔ̄ɔk á légɛ, pɛ naáŋ á ŋga athū pɛ, ńcʉ́ʼɛ ŋghʉ̄ɛ ajū mīi, mbe nnɛ̄t zɛ é si ntshónɛ á wɛ́ ŋ́gɛ pɛ eghʉ̄. Tɛ ncʉ́ʼ épúp, pɛ elɔ̄ɔk páʼ ŋkɔŋne e é tsetsɛlɛ pɛ lā, ńtswíte mennɛ̄t mɛ́,

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 5:9

Ŋiŋ yīi a naáŋ á ntē ŋkaʼ, a eghʉ̄ menu membɔŋ, ńzīŋ ndeŋ ndeŋ, ńnáŋ mé anuúnē.

Fílíip 1:11

Yɛɛ́so mɛ́t, a a shʉʼ eghʉʉ, ajūɔ tsem zīi, pɛ ghʉɛ, a egɔ́ áa mbɔŋ. Epuɔ menɔŋ e ejʉ́ɔ épúp, ŋ́ghʉ̄ mekuʼ Ndém, ńzéŋ ŋgūʼte á yí.

Fílíip 4:17

Meŋ ndʉ́ɛ́ páʼa, meŋ te ndɔ̄kɔ ŋ́gɛ, meŋ á si ntshíɛ ntē gá ánɛ ecū mīi, mɛ́ e yá mé meŋ ɛ́. Ajū mīi meŋ á si ntsáa, á gɔ́ áa lɛ, Ndém a elɛ nzápa ánɛ ecū mīi, pɛ gɔ eyá mé meŋ, ńnéŋ mbwɛ́né ánɛ pɛ.

Kɔlɔs 1:10

Púp, ńdɔk nnáŋ páʼ Atsyapuɔ a á si nzɛ́ttɛ. Ŋ́gɔ́ efʉʼ metsem, ŋ́ghʉ̄ ajū mīi, á pɔŋ á yí, e elɔk ŋgɔ́ ntá mbɔŋ zīi, pɛ zémɛ. Ńtswiʼne nzhɛ́ á Ndém, ńdɔk ŋgʉ̄ɔ mé mvhɔ.

Kɔlɔs 4:12

Epaflas, ńzéŋ ŋgɔ́ azí á ŋiŋ alāʼ wɛ, a á si ntsāʼtɛ á wɛ́. A zeéŋ ŋgɔ́ á ŋgaŋ afaʼ Yɛɛ́so Klísto. A neéŋ athū zí tɛʼ, á leswīŋte á Ndém á athū pɛ ŋ́gɛ, Ndém a elɛ ŋghʉ̄, pɛ etswiʼne ntēte ánɛ lefɛ̄ nnɛ̄t, ŋ́gyá á mbū Yɛɛ́so. Ńtswiʼne ntswhí, ánɛ anu Ndém. Ńnéŋ á ntē pɛ, á legɔ̄ efʉʼ metsem, ŋ́ghʉ̄ ajūɔ ntsem zīi, Ndém mé si ŋkɔ̄ŋɔ.

Tíit 1:1

Meŋ Pɔ́ɔl ŋgaŋ afaʼ Ndém, ŋ́gɔ́ á nziŋ‑ntō Yɛɛ́so Klísto, á leghʉ epuɔ pīi Ndém a le tsɔ́ʼ á wɔ́p, é fɛ́ nnɛ̄t ŋgyá á mbū yí, mbɔɔ á leghʉ pɔ́ zhɛ́ anuúnē ánɛ Yɛɛ́so, ńdɔk nnáŋ páʼ Ndém a á si ŋkɔ̄ŋɔ.

Eble 12:14

Pɛ enáŋ mé apwɛne, á tsetsɛlɛ epuɔ metsem. Ńnáŋ efʉʼ metsem, ńdɛ̄tne áa ánɛ Atsyapuɔ Ndém, melaʼ mīi, ŋiŋ a gɔ te lɛ̄tne ánɛ Ndém ɛ́, mbɔ a te e láʼ ejʉ́ɔ á yí í.

Jáak 1:1

Meŋ Jáak, ŋ́gɔ́ á njuʼ‑nchu Ndém, mbɔɔ eyi Atsyapuɔ Yɛɛ́so Klísto, meŋ mé tíi ndɔkɔ ntsāʼtɛ epuɔ, ánɛ etseŋ ŋgyā Islaɛl ntsɔp pīa mé legēm, épi pɔ́ naŋteé á nzem apɛ́.

1 Piɛ 1:9

Ŋ́káka épúp melaʼ mīi, pɛ wɛɛ̄ ajū mīi, pɛ lɛɛ́ efíɛ́ nnɛ̄t ŋgyáa á mbū Yɛɛ́so páʼā, melaʼ aziɛ́. Azō mɛ́t á gɔ́ páʼ Ndém a á ghʉ, pɛ tswɛ́t.

1 Piɛ 2:16

Pɛ egɔ́ páʼ epuɔ pīi, pɔ́ naáŋ á ŋga athū pɔ́p lā. Táʼ, ndɛ́ʼ pɛ ké ndɔ̄k épúp, ńjɔ́ʼɔ ŋkʉŋɛ́, ńdʉɔne ŋghʉ̄ menu tepɔŋ. A cʉ́ʼɛ épúp, pɛ eké ŋghʉ̄ áa páʼ megaŋ afaʼ Ndém, é pɔŋteé á leghʉ épúp.

Menjʉɔ te lí 7:13

Mmɔʼ ŋiŋ á nnɔ epɔ̄ melʉɛ pwɔ̄, á tswí ashuŋne, ńzɛ́tte á gá ŋ́gɛ: «Epuɔ puɔ pīi, pɔ́ maāʼ mefhɔ́ menzhó lā, pɔ́ wɔ awɔ́, ḿbiŋɛ efhɔ́ɔ egɔ́?»