Lomɛŋ 6:21 - Eka Eswhī

²¹ A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 6:21 Iomraidhean Croise

Lomɛŋ 1:32

Tɛ mbɔɔ páʼ pɔ́ é si ncūŋtɛ nzhɛ́ páʼ, lepé Ndém é leé ŋ́gɛ, epuɔ pīi pɔ́ fʉʼtɛ ntií menu jʉɔ mɛ́t, pɔ́ gɔ le vūʼu lā. Pɔ́ té lɛ efʉ̄ʼte ntií menu jʉɔ mɛ́t ndaʼá, pɔ́ zeéŋ ntswíʼte epuɔ pīi, pɔ́ é si efʉ̄ʼtɛ.

Lomɛŋ 5:12

Mefa é le gē ekó á ŋgɔŋ, ńzápa ánɛ taʼ ŋiŋ, lezēŋ ŋgaŋ é gɔ́ lɛ Ádam. Mefa é le gē ekó á ŋgɔŋ épúp, ńdɔ̄k á lewhʉ̄ eshʉ̄ʼ. Á shʉʼ épúp, ḿbú ŋkó ánɛ ŋiŋ ntsem, melaʼ mīi mmɔʼ ŋiŋ té fa, a te éwú ú.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

Lomɛŋ 8:13

Á páʼā ŋgɔ́ éyi, pɛ ziŋɛ páʼ mbe nnɛ̄t zɛ mé tshónɛ á wɛ́, mbɔ pɛ e kwhʉ́. Táʼ, a piŋɛ ŋgɔ́ éyi, pɛ é si nzīŋɛ páʼ, Azwakne Ndém á si ŋkɔ̄ŋɔ, mbɔ á páʼā, pɛ elɔ̄kɔ nzwhíɛ anu tepɔŋ zīi, á ntē pɛ, Ndém a eláʼ ŋghʉ̄, pɛ egɔ́ éwú.

Lomɛŋ 8:6

Ŋiŋ a ziīŋ páʼ, mbe nnɛ̄t zi mé si ntshónɛ á yí ŋ́gɛ, a ezīŋ épúp páʼā, ńdɔkɔ nzīŋɛ ánɛ mɛnzhɛ lewhʉ̄. Ŋiŋ á piŋ nzīŋ páʼ Azwakne Ndém mé si nzɛ́ttɛ épúp páʼā, ńdɔkɔ nzīŋɛ ánɛ mɛnzhɛ yīi, Ndém a a ghʉ, a egɔ́ éwú, ŋ́gwɛ̄ apwɛne.

2 Kɔlɛŋte 4:2

Pek le pú ndʉ̄ʼ ajūɔ tsem zīi, mɛ́ kɔ́ŋne kɔŋné tɛ́ ŋghʉ̄, ńdʉ̄ʼ ajūɔ tsem zīi, á gɔ enéŋ esē á athū pek. Pek te si mbɔ̄ptɛ epuɔ ɔ́. Pek te si ŋkúmnɛ anu zīi, ashuŋne Ndém á si ndʉ́ɛ́. A cʉ́ʼɛ épúp, mbɔ pek é si ŋghʉ̄ɛ mɛ́ zhɛ́ɛ anuúnē ndeŋ ndeŋ, ńdɔkɔ efāʼa á leghʉ, epuɔ menɔŋ metsem, é zhɛ́ á légɛ, pek é si ŋgɔ́ epuɔ ndeŋ ndeŋ, á mvhɔ Ndém.

2 Kɔlɛŋte 7:11

Pɛ eké mbīŋ njʉ́ɔ ajū mīi, lege meke, mbɔ Ndém mé kɔŋ, á ke ghʉ̄ ánɛ pɛ: á ke ghʉ̄ʉ̄, pɛ te zéŋ eféŋ alɔ́ʼ ŋiŋ ɛ́. Ŋ́ghʉ̄, pɛ egákne mvéŋ mefa mɛ́. Ŋ́ghʉ̄, esē é kú á wɛ́ ánɛ menu mīi, pɛ ke fʉʼtēē. Ŋ́ghʉ̄, pɛ ecɔʼ apiŋ ŋghʉʉ́‑menu mɛ́. Ŋ́ghʉ̄, pɛ etsá á lezēŋ njʉ́ɔ á gá. Ŋ́ghʉ̄, pɛ ekhʉ́ne á leghʉ afaʼ Ndém. Ŋ́ghʉ̄, pɛ ekɔ̄ɔŋ á letswā ŋiŋ ŋgʉɔ athʉ́ lepé. Pɛ ke tswī ánɛ meshhʉ̄ metsem á légɛ, pɛ lɛ á ntē anu mɛ́t páʼā, ŋ́gɔ́ áa ndendem.

Fílíip 3:19

Epuɔ puɔ mɛ́t, pɔ́ é si nzīŋɛ ánɛ mɛnzhɛ yīi, a a láʼ eghʉ pɔ́ elákne, melaʼ mīi, pɔ́ lē ndɔk levem tsɔ́p, ŋ́ghʉ̄ ewɔp Ndém. Pɔ́ ghʉʉ̄ menu mīi esē é ke gɔ́ é kú á wɔ́p éwú, ḿbiŋ ŋgɔ́ si ŋkáka. Ntē wɔ́p é tshí áa ánɛ tsitsi ndo esī atsetsáʼ.

Eble 10:29

Tɛ ŋgʉɔ shɔ́ʼɔ́ á mbū ŋiŋ yīi, a á wák á Méŋ Ndém, a te lɔ̄k metshi eka mīi, mɛ́ le lɔ̄k esok á yí, ńtɔ́ŋ á azō ɔ́, ńzɔ̄te Azwakne Ndém zīi, á ghʉɛ anu mbɔŋ té ndhʉ á mbū epuɔ menɔŋ ŋ̄? Pɛ ka jʉ́ɔ á légɛ, ezi ŋgʉɔ̄ʼ e pɔŋteé á lezā ntɔ́k ezi ŋgaŋ á lɛ̄?

Eble 6:8

Á piŋɛ ŋgyá menzɔ̄ŋ pɔ́ tepɔŋ mvēŋ, mbɔ mɛ́ e pú etó éwú. Mbɔ á cʉʉ́ʼ ŋgʉɔ mbīa, Ndém a enéŋ ndɔ éwú, épiŋ ege emakne, élɔk mmók eghʉ, a elákne.

Jáak 1:15

Mekwaŋte mɛ́t, é zīi nnáŋ á ntē ŋiŋ, ńzí, ńcʉ́ʼ mefa. Mefa é kó ŋgáʼ, ŋ́ghʉ̄, ŋgaŋ á kwhʉ́.

Jáak 5:20

Pɛ ezhɛ́ á légɛ, ŋiŋ yīi, a á ghʉ, taʼ ŋgaŋ mefa á fhó ánɛ mɛnzhɛ tepɔŋ mbīŋ nzem, a á páʼā, ńdɔkɔ ntswítɛ á yí, á lelāʼ ntā á lezēŋ Ndém. ńzéŋɛ ndɔkɔ ntswítɛ á yí ŋ́gɛ, Ndém a elēkne á tɛnzá mefa yi.

1 Piɛ 4:17

Njhʉ̄ e é kuʼ zīi, Ndém a gʉɔ me nzaáʼ ntsaŋ zɔp a epuɔ menɔŋ. A á ké ezi mvhɔ, ézáʼ ezi epuɔ alāʼ pí. A piŋɛ nzī á lezāʼ ezímpɛ épúp, mbɔ a a kó ánɛ epuɔ pīi, pɔ́ é si ndʉ̄ʼɛ á wɔ́p á levēŋ ŋke mbɔŋ yí, azɔ́p anu a egɔ́ é lɛ akɔ̄?

1 Jáaŋ 2:28

Púp me ewɔŋkhʉ̄ pá, pɛ elɛ̄tne ánɛ yí, ńzhɛ́ páʼ, aleʼé zīi a piŋɛ nzem, ḿpɛ é le amɔ̄ʼ azō pɔ́k, ńnɔŋ nzhɛ́ɛ á légɛ, a gɔ le fhó á mvhɔ yí, ńjūŋ á yímpɛ, esē é kú á yímpɛ aleʼé mɛ́t ɛ́.

Menjʉɔ te lí 16:6

Páʼ, epuɔ menɔŋ é le pfɛttē metshi epuɔ pīi é epú, mbɔɔ emi metswi‑ŋke pú lā, o ó zéŋ ŋgyā á wɔ́p áa metshi, ŋ́gɛ pɔ́ enú. Á si ŋgɔ́ á apiŋ mefaʼ mɔ́p. »

Menjʉɔ te lí 20:14

Mɛ́ maʼ á lewhʉ̄ pɔ́ apwɛt, á ntē mía mía mmók. Lemaʼ á wɔ́p, á ntē mía mía mmók mɛ́t, a á si ŋgɔ́ á lezēŋ ŋkwhʉ́ mmɔʼ legʉɔ.