Lomɛŋ 6:19 - Eka Eswhī

¹⁹ Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 6:19 Iomraidhean Croise

Matío 4:23

Á tɔ́k épúp, Yɛɛ́so á kʉ́ʼne á ntē metésɔŋ Ŋgaliléa ntsem, ńzíʼne epuɔ anu Ndém, á ntē meŋgyā aswiŋte pɔ́p. Ńzéŋ nnɔŋ ntswīi ŋke mbɔŋ, ésáʼa eshúŋɔ páʼ Lefɔ Ndém é épúp. Ńnɔŋ ŋghʉ̄ɛ, ŋiŋ yīi a á ŋgwɛ̄ eziɛ́ ntií agɔ lɛ́, mbɔɔ ŋiŋ yīi a á ŋgwɛ̄ eziɛ́ ntií alɔʼ lɛ́, á ntē alāʼ, á tʉɛ.

Lomɛŋ 15:1

Pek pīi pek teteē ánɛ lefɛ̄ nnɛ̄t ŋgyá á mbū Yɛɛ́so, pek pɔŋteé á lepʉ̄ʼte epuɔ pīi, pɔ́ é si ŋkáa ánɛ lefɛ̄ nnɛ̄t, ŋ́gē eghʉ épúp, pek é le ghʉ̄ ajū mīi, á pɔŋ áa wék ɛ́.

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 7:23

Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

Lomɛŋ 8:26

Ndeŋ ndeŋ épúp, ḿpɛ nɔɔ̄ŋ ŋkáa páʼā, Azwakne Ndém mé tɔ́te á yímpɛ. Á gɔ́ páʼ, ḿpɛ te zhɛ́ á leswīŋte á Ndém páʼ, á zi nzɛ́tte épúp ɔ́. Azwakne Ndém méŋwɛ̄t, mé laā eswíŋte á Ndém á athū pímpɛ, mé meshuŋne mīi, ŋiŋnɔŋ a gɔ le zhɛ́ á leshūŋ ɔ́.

1 Kɔlɛŋte 5:6

Á ka pɔ̄ŋ ŋ́gɛ, pɛ ezéŋ ŋŋīa á. Pɛ ka zhɛ́ á légɛ, mefa é si ŋgɔ́ páʼ méŋ agáʼ levwi yīi, a ghʉɛ mblɛ é kɔ́ʼɔ lā lɛ̄.

1 Kɔlɛŋte 6:11

É páʼa, ḿbú ŋgɔ́ ecū mīi, emɔ̄ʼ epuɔ á nnɔ pɛ, é lɛɛ́ mbúu ŋghʉ̄ɛ. Táʼ, Azwakne Ndém yímpɛ, á le sōk mefa mɛ́, ŋ́ghʉ̄ pɛ ecʉ́ʼ epuɔ Ndém, ńzéŋ ŋghʉ̄ pɛ ecʉ́ʼ epuɔ ndeŋ ndeŋ, ńzápa ánɛ Atsyapuɔ Yɛɛ́so Klísto, tɛ́ ŋghʉ̄ épúp.

1 Kɔlɛŋte 9:8

Menu mīi meŋ shúŋɔ lāa, é té lɛ ŋgɔ́ áa menu mīi epuɔ menɔŋ mé kwaŋtɛ ɛ́, é si ŋgɔ́ menu, mbɔ mɛ́ le zéŋ ntí á ntē aŋwaʼne mbé Ndém épúp.

Galat 3:15

Epɔ̄ memía, meŋ a pɛ́ efʉʼ ánɛ menu mīi, ḿpɛ é si njʉ́ɔ eleʼé tsem, élɔk ekɛ́ʼte, éshúŋ á wɛ́. Ŋiŋ pɔ́ ŋiŋ é cuŋteē anu á mbɔŋɔ́ tɛ nzyɛ̄t péʼe, ŋ́gɔ́ éyi ŋiŋ a gɔ eshʉ̄ʉʼ mbík anu mɛ́t e? Ŋ́gɔ́ éyi ŋiŋ a gɔ eshʉ̄ʉʼ ntswīʼne anu éwú u?

Eble 12:15

Pɛ epá, tɛ ŋiŋ a á le kʉ̄ŋne ajūɔ mbɔŋ zīi, Ndém a yáa á mbū epuɔ ɔ́. Ḿbá, tɛ ŋiŋ a á le gɔ́ páʼ mekāŋ lā á, ḿbɔ́k á lelɔk á yí á lewhi, ḿmāʼ á atāk á tsetsɛlɛ alúŋ epuɔ Yɛɛ́so.

Eble 4:15

Kwaʼ nnɔŋ‑epɔʼ eyi ndʉɛ yīi, ḿpɛ wɛɛ̄, a kuūʼ á yí á letswīte á yímpɛ, ánɛ lepwɛ̄t yímpɛ. Metáté é le shʉ̄ʼ á mbū yí, ánɛ meshhʉ̄ ntsem, páʼ é shʉʼɛ á mbū pímpɛ lā, á ké te ánɛ mefa whʉ̄ʉ.