Lomɛŋ 6:18 - Eka Eswhī

¹⁸ Ndém a lē ŋkɛ́ʼɛ ŋkhʉ mefa á ntɔ̄ŋ pɛ, pɛ cʉ́ʼ ŋkwa zi ánɛ leghʉ anu ndeŋ ndeŋ.

Lomɛŋ 6:18 Iomraidhean Croise

Lúkási 4:18

«Azwakne Atsyapuɔ Ndém ánɛ meŋ, melaʼ mīi a ke chʉ́ á gá, ńtó á gá ŋ́gɛ, meŋ egʉɔ ntswī ŋke mbɔŋ á mbū wɔ te kuʼ ánɛ azō. Ŋ́gɛ, meŋ egʉɔ esáʼ ŋ́gɛ, mɛ́ e shʉʼ ekɛ́ʼɛ ŋkhʉ á ntɔ̄ŋ megaŋ atʉɛ́. Wɔ efʉʉ́‑menēk e epiŋ njʉ́ɔ ejʉʼ. A ke zéŋ ntó á gá ŋ́gɛ, meŋ egʉɔ ŋghʉ̄, epuɔ pīi mɛ́ swɛ́tɛ á wɔ́p, e etó á ntē ŋgʉɔ̄ʼ.

Jáaŋ 8:32

Púp, pɛ ezhɛ́ á anu zīi á anuúnē ánɛ Ndém, anuúnē mɛ́t a epiŋ ŋghʉ̄, pɛ é le zɛ́t epuʼ ɔ́. »

Jáaŋ 8:36

Á épúp tɛ́, Méŋ Ndém, a fhɔ́ɔ á ŋgyā ŋkwa efók á wɛ́, mbɔ pɛ puú te zɛ́t epuʼ ɔ́.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:22

Á piīŋ ŋgɔ́ tsetsɔŋɔ, mbɔ Ndém a kʉʉ̄ŋ ŋkɛ́ʼɛ ŋkhʉ mefa, á ntɔ̄ŋ pɛ, pɛ cʉ́ʼ meŋkwa mí. Púp, pɛ ecʉ́ʼɛ ŋghʉ̄ɛ áa ajū mīi, á ghʉ, pɛ ecʉ́ʼ epuɔ Ndém, apɛ a piŋ ŋgɔ́ á wɛ́ á lefū ntā á lezēŋ Ndém.

Lomɛŋ 6:7

melaʼ mīi, ŋiŋ a piīk tɛ ŋkwhʉ́ páʼā, ŋkhʉ anu tepɔŋ é fhó ánɛ yí ŋkɛ́ʼɛ.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Galat 5:1

Klísto a le kɛʼɛ́ ŋkhʉ apuʼ á ntɔ̄ŋ pímpɛ, ńdɔkɔ ŋ́gɛ, ḿpɛ enáŋ á ŋga athū pímpɛ. Pɛ ekāk ete, ndɛ́ʼ pɛ evéŋ, mɛ́ zéŋ nnéŋ akʉɔʼté meŋkwa, á ntɔ̄ŋ pɛ.

1 Piɛ 2:16

Pɛ egɔ́ páʼ epuɔ pīi, pɔ́ naáŋ á ŋga athū pɔ́p lā. Táʼ, ndɛ́ʼ pɛ ké ndɔ̄k épúp, ńjɔ́ʼɔ ŋkʉŋɛ́, ńdʉɔne ŋghʉ̄ menu tepɔŋ. A cʉ́ʼɛ épúp, pɛ eké ŋghʉ̄ áa páʼ megaŋ afaʼ Ndém, é pɔŋteé á leghʉ épúp.