Lomɛŋ 6:17 - Eka Eswhī

¹⁷ Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

Lomɛŋ 6:17 Iomraidhean Croise

Mefaʼ Meziŋ-ntō 11:18

Epuɔ é júʼ anu Piɛ jʉɔ mɛ́t, tu wɔp á pwɛ́t. Pɔ́ zi á lewuʼte á Ndém ndé ŋ́gɛ, Ndém a lɔkɔ ntsɔ́ʼɔ nzhɛ ŋ́gɛ, epuɔ pīi, pɔ́ té epuɔ Yúda á, e egɔ̄ nnɛ̄t zɔp, ŋ́gwáʼ atswhī tepɔŋ zɔ́p, a eghʉ̄ pɔ́ eláʼ ntā á lezēŋ yí.

Mefaʼ Meziŋ-ntō 28:15

Pek le kó á Puzɔl, epuɔ Yɛɛ́so pīi pɔ́ tésɔŋ Lóma, é tshí njúʼ á légɛ, pek é si eshʉ̄ʼɛ mé Lóma. Ńnáte eshʉʼ ńzáʼte á wék á mɛnzhɛ, pek a epi emɔ̄ʼ é pote á ndo esaá yīi, mɛ́ tɔ́ŋɔ lɛ «Apius. » Pek a epi emɔ̄ʼ é zéŋ ŋkó mbōte á amɔ̄ʼ ajʉʼ, mɛ́ tɔ́ŋ lɛ «Meŋgyā mege mɛ́ ntɛ́t. » Pɔ́ɔl á ziŋɛ njʉ́ɔ epɔ̄ memía épúp, ésyáknɛ á Ndém, ḿbiŋ ntswīʼne ŋkāk ete.

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 1:8

Meŋ a ge ezi mvhɔ, étsia á nzem Yɛɛ́so Klísto, ésyákne á Mɔʼɔ́ yímpɛ Ndém á athū pɛ metsem. Ésyáknɛ épúp, melaʼ mīi, mɛ́ é ejʉʼ tsem á ndo esī atsetsáʼ, ésáʼa eshúŋɔ páʼ, pɛ fɛɛ́ nnɛ̄t épúp, ŋ́gyá á mbū Yɛɛ́so.

Lomɛŋ 15:18

Meŋ ŋaʼaá nchu gá, ńdɔk eshúŋ áa ajū mīi, Klísto a le zapá ánɛ meŋ ŋghʉ̄, tɛ́ epuɔ pīi é té epuɔ Yúda á, é júʼ nchu Ndém. A le zapá ánɛ meshuŋne má, mbɔɔ ánɛ ega leghʉ, tɛ́ ŋghʉ̄ épúp.

Lomɛŋ 16:26

Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 2:8

Ḿbiŋ ŋgɔ́ mé epuɔ pīi, pɔ́ teē athū á mbū yí, pɔ́ té kɔ̄ŋ á leziŋ páʼ anuúnē á si ndʉ́ɛ́ épúp ɔ́, ŋ́kɔ̄ŋ á leziŋ áa ánɛ mɛnzhɛ ŋgɛ́tté, a ezáŋ á alɔŋ ánɛ pɔ́p, ńtswá á wɔ́p á tepɔŋ ŋgʉɔ athʉ́ lepé.

1 Kɔlɛŋte 1:4

Meŋ á si esyáknɛ á Ndém té ká á athū pɛ, melaʼ anu mbɔŋ té ndhʉ zīi, a á si ntsīa ánɛ Yɛɛ́so Klísto, ŋ́ghʉ̄ɛ ánɛ pɛ.

1 Kɔlɛŋte 14:6

Tsetsɔŋɔ me epɔ̄ memía, ḿpɛ elɛ ndé ŋ́gɛ, meŋ á shʉʼ á alāʼ pɛ, ńdɛ nzī á gá á leshūŋne á mbū pɛ, mé alāʼ zīi, pɛ te si njúʼu, mbɔ meŋ ka lɔ̄k épúp, ńtswíte á wɛ́ á leghʉ amɔ̄ʼ azō ɔ́, melaʼ mīi, ashuŋne zá á ka tswíte á wɛ́ á lezhɛ̄ anuúnē zīi, á fhɔ́ɔ á mbū Ndém ɛ́. Á té tswíte á wɛ́ á lezhɛ̄ ajūɔ eswhī ɛ́, á té tswíte á wɛ́ á lejūʼ ŋke yīi, é fhɔ́ɔ á mbū Ndém ɛ́, ḿbiŋ te á wɛ́ anu eswhī zíʼne.

2 Kɔlɛŋte 2:14

Awuʼte a eké ŋgɔ́ á mbū Ndém. A á efʉʼ metsem, ŋ́ghʉ̄ pek gɔ́ á nnɔ wɔ asaʼa‑ndʉɔ́ʼ, Klísto á tshí mvhɔ. A zapaá ánɛ pek, ŋ́ghʉ̄ mɛ́ zhɛ́ á Klísto ejʉʼ tsem, páʼ azík alamńda á jhʉ́ɛ ejʉʼ tsem lā.

Efɛze 1:16

meŋ te si nnéŋɛ té kím lezēŋ tsɛ́, á afʉʼ zīi, meŋ á si eswíŋtɛ á Ndém ɛ́. Meŋ á si esyákne á yí, ánɛ athū zɛ́ efʉʼ metsem.

1 Tesalonik 3:9

Pɛ é si ŋghʉ̄ɛ, ntē wék é gáŋtɛ á mvhɔ Ndém yímpɛ. Pek zi mbú esyákne á yí, ánɛ athū zɛ́ melaʼ épúp tɛ ŋgā lɛ́, á le kūuʼ.

2 Tesalonik 1:3

Epɔ̄ memía, pek pɔɔ́ŋ á lesyākne á Ndém té ká, ánɛ athū zɛ́. Á zi ŋgɔ́ ndeŋ ndeŋ ŋ́gɛ, pek eghʉ̄ épúp, melaʼ mīi pɛ é si ntswhíɛ tɛʼ, ánɛ lefɛ̄ nnɛ̄t. Ŋkɔŋne zīi pɛ wɛɛ̄ á tsetsɛlɛ pɛ, é nɔŋ ntswhíɛ á ntē awɔ́ ŋiŋ wɛ lɛ́, ŋgʉ̄ɔ mé mvhɔ,

2 Timotɛ 1:13

Cʉ́ʼ, meshuŋne mīi é ke tó á nchu meŋ, ŋ́gɔ́ á anuúnē, e egɔ́ efʉʼ á mbū wu, á lelɔk nzíʼne emɔ̄ʼ epuɔ. Ŋ́gē ezíʼne epuɔ, ńnɔŋ efíɛ́ nnɛ̄t ŋgyáa á mbū Yɛɛ́so Klísto, ŋ́kɔ̄ŋ epuɔ melaʼ mīi, o lɛtneē ánɛ yí.

Filemɔŋ 1:4

Filemɔŋ, meŋ nɔɔ̄ŋ eswíŋtɛ á Ndém efʉʼ akɔ̄ lɛ́, ŋ́kím lezēŋ cú, ésyákne á yí melaʼ mú.

Eble 11:8

Á le fhó ánɛ páʼ, Ablaham a le fɛ́ nnɛ̄t épúp, ŋ́gyá á mbū Ndém, tɛ́ Ndém á tɔ́ŋ á yí, á lɛ mvéŋ, ŋ́gʉ̄ɔ mé alāʼ zīi, Ndém a le phʉ́ á leyā á mbū yí ŋ́gɛ, a ecʉ́ʼ azí. Ŋ́gē egʉɔ, a te nzhɛ́ ajʉʼ zīi, a gʉɔ mé éwú ú.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.

1 Piɛ 1:22

Pɛ ke lɔ̄k á leziŋ páʼ ashuŋne Ndém á si ndʉ́ɛ́ épúp, ésōk ntē wɛ́, ńdɔkɔ efāʼa á lewɛ kwaʼ ŋkɔŋne á tsetsɛlɛ epɔ̄ memía, ŋ́kɔŋne te sɛt. Púp, pɛ elɔ̄k á taʼ ntē, ńchʉ́ nnɛ̄t ŋkɔ̄ŋne mennɛ̄t mɛ́, éfʉʼ metsem.

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.

1 Piɛ 3:1

Ndeŋ ndeŋ páʼ wɔ ghʉ‑afaʼ á mba epuɔ, é pɔŋteé á lenɔŋ nnɛ̄t á esī á mvhɔ memɔʼɔ́ afaʼ pɔ́p lā, ewíɛ́ menzwí lɛ́ a enɔ̄ŋ nnɛ̄t á esī á mvhɔ ndō yi, tɛ ŋgɔ́ yīi, azi ŋgɔ́ éyi emɔ̄ʼ mbaŋa, é kaá nnɔ̄ŋ njúʼɔ ashuŋne Ndém ɛ́, awɔ́ ŋiŋ wɔp lɛ́, á fhó ánɛ atswhī mbɔŋ nzwí yi, ŋ́kúmne ntē yí, té gɔ́ yīi, pɛ é lé á anu,

1 Piɛ 4:17

Njhʉ̄ e é kuʼ zīi, Ndém a gʉɔ me nzaáʼ ntsaŋ zɔp a epuɔ menɔŋ. A á ké ezi mvhɔ, ézáʼ ezi epuɔ alāʼ pí. A piŋɛ nzī á lezāʼ ezímpɛ épúp, mbɔ a a kó ánɛ epuɔ pīi, pɔ́ é si ndʉ̄ʼɛ á wɔ́p á levēŋ ŋke mbɔŋ yí, azɔ́p anu a egɔ́ é lɛ akɔ̄?

2 Jáaŋ 1:4

Ŋgɔŋ ke pɔ̄ŋ á gá tɛʼ, á lejʉ̄ɔ emɔ̄ʼ ewɔŋkhʉ̄ pú, á leziŋ ánɛ mekhu Ndém, ńdeŋ ndeŋ páʼ, a le tswī á mbū pímpɛ épúp.

3 Jáaŋ 1:3

Meŋ á si mbúu ŋkáka tɛʼ, melaʼ mīi emɔ̄ʼ epɔ̄ memía, é ke shʉ̄ʼ ŋkó ega, éshúŋ á gá páʼ o kuʼteé anuúnē tɛ́ ndɔk nnáŋ, mɛ́ é si njʉ́ɔ á wú á leziŋ, páʼ anuúnē á zɛteé épúp.