Lomɛŋ 6:16 - Eka Eswhī

¹⁶ Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:16 Iomraidhean Croise

Matío 20:4

Á lé mé pɔ́p ŋ́gɛ: “Pɛ egʉ̄ɔ á ŋkāʼ meŋ azɛ́. Meŋ a kó eyá ajū mīi, á ndeŋ ndeŋ á leyā mé pɛ.”

Matío 6:24

«Taʼ ŋiŋ a gɔ le fāʼ, á mbū memɔʼɔ́ afaʼ mémpīa á taʼ legʉɔ ɔ́. A ghʉɛ épúp, mbɔ a a shʉʼ epa mmɔʼ, épiŋ ekɔŋ mmɔʼ. Ŋ́gɔ́ te épúp ɔ́, á júʼ nchu mmɔʼ, ḿbiŋ ŋgwák eyi mmɔʼ. Ŋiŋ a gɔ le júʼ á mbū Ndém, ḿbiŋ nzéŋ njúʼ á mbū ŋkāp á.

Jáaŋ 8:34

Yɛɛ́so á tsɔ́ʼ á mbū pɔ́p ŋ́gɛ: «Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ ntsem yīi a naáŋ á ntē mefa, a á si ŋgɔ́ á apuʼ mefa.

Lomɛŋ 11:2

Ndém a laá ŋgwáʼ alāʼ zí zīi, a le té njhʉ̄ ŋkāŋ á. Pɛ é si ncuŋtɛ nzhɛ́ɛ páʼ, ánɛ amɔ̄ʼ ajʉʼ, á ntē aŋwaʼne Ndém, Eli á nɔŋ nzáŋa á lɔ́ŋ á mbū epuɔ Islaɛl, á mvhɔ Ndém, ŋ́gɛ:

Lomɛŋ 12:1

Epɔ̄ memía pá, meŋ á si eswíŋtɛ á wɛ́ ŋ́gɛ, páʼ Ndém a wɛɛ̄ atsāmezeŋɛ á mbū pímpɛ lā, pɛ epú mmāʼ ŋgua zɛ ŋgyá á mbū yí, ńdɔ̄k ewɛ legɔ̄ ntsem, ńnɔ̄ŋ epɔʼ á mbū yí. Ntií epɔʼ jʉɔ mɛ́t mé gɔ epɔ̄ŋ á yí. Pɛ ghʉɛ épúp, á gɔ́ á lewuʼte á Ndém tɛ ntsékne.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

1 Kɔlɛŋte 3:16

Pɛ ka zhɛ́ á légɛ, pɛ é si ŋgɔ́ ŋgyā Ndém, Azwakne zí á piŋ nnáŋ ánɛ pɛ ɛ́ lɛ̄?

1 Kɔlɛŋte 5:6

Á ka pɔ̄ŋ ŋ́gɛ, pɛ ezéŋ ŋŋīa á. Pɛ ka zhɛ́ á légɛ, mefa é si ŋgɔ́ páʼ méŋ agáʼ levwi yīi, a ghʉɛ mblɛ é kɔ́ʼɔ lā lɛ̄.

1 Kɔlɛŋte 6:2

Pɛ te si nzhɛ́ɛ á légɛ, epuɔ Ndém, e láʼ eŋak epuɔ metsem á ŋgɔŋ ega lɛ̄? Páʼ á ké mbiŋ ŋgɔ́ yīi, pɛ mé e láʼ eŋak epuɔ á ŋgɔŋ ega lā, á piŋ ŋgāa, pɛ te kūʼ á leŋak méŋ agáʼ ntsaŋ páʼa, á nnɔ pɛ ɛ̄?

1 Kɔlɛŋte 6:3

Pɛ te si nzhɛ́ɛ á légɛ, ḿpɛ e láʼ eŋak mecɔʼ Ndém lɛ̄? Ḿpɛ e láʼ eŋak mecɔʼ Ndém, tɛ ŋgʉɔ shɔ́ʼɔ́, ánɛ menu esī atsetsáʼ muɔ ɔ̄?

1 Kɔlɛŋte 6:9

Pɛ te si nzhɛ́ɛ á légɛ, wɔ ghʉ‑anu tepɔŋ, é té láʼ ewɛ azɔ́p ajʉʼ á ntē Lefɔ Ndém ɛ́ lɛ̄? Ndɛ́ʼ azō á kʉɛ leghi tsɛ́. Megaŋ agā, mbɔɔ epuɔ pīi, pɔ́ wuʼtɛ mesī, mbɔɔ wɔ wɛ‑mɛgap, mbɔɔ mbaŋa zīi, é véŋɛ ŋ́gɛ, mɛ́ elɔ̄k á wɔ́p ŋghʉ̄ wɔnzwí, mbɔɔ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ,

1 Kɔlɛŋte 9:13

Pɛ é si nchʉ́ɛ nnɛ̄t nzhɛ́ɛ á mbɔŋɔ́ á légɛ, epuɔ pīi pɔ́ ghʉɛ afaʼ, á Mía Ŋgyā Ndém, etsō tsɔ́p é fhó áa ánɛ ecū mīi, epuɔ é ŋgyá á Mía Ŋgyā Ndém mɛ́t. Epuɔ pīi pɔ́ nɔŋɔ epɔʼ, etsɔ́p etsō é fhó áa ánɛ ecū mīi, mɛ́ é lɔk nnɔ̄ŋ epɔʼ.

1 Kɔlɛŋte 9:24

Pɛ é si nzhɛ́ɛ páʼ wɔ ghʉɛ‑mɛntáʼa ntáʼa ánɛ atetá zīi mɛ́ kʉʉ éwú, pɔ́ kʉʉ̄ metsem páʼā, mɛ́ kó ntáŋ áa ŋiŋ yīi, a á kʉ á lelʉɛ. Púp, pɛ efók mbʉʼ ŋkʉ̄, tɛ eshʉ̄ʼ ntswí ntaŋá.

2 Piɛ 2:19

Ńzéŋɛ nnɔŋɔ eshúŋɔ á wɔ́p ŋ́gɛ, pɔ́ gɔ eghʉ̄ʉ, tɛ pɔ́ cʉ́ʼɛ ŋghʉ̄ɛ áa ajū mīi, pɔ́ méŋwɛ̄t é kɔŋ. Ḿbiŋɛ ndʉ́ɛ́ épúp páʼā, ŋ́gɔ́ meŋkwa atswhī zīi, á píkɛ epuɔ. Ŋiŋ a puú ŋgɔ́ áa ŋkwa ajū mīi, á lē njhʉ́ á yí.