Lomɛŋ 6:14 - Eka Eswhī

¹⁴ Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:14 Iomraidhean Croise

Matío 1:21

A a shʉʼ ezhí á mɔ́ mbaŋa, o etswhī lezēŋ tsí lɛ Yɛɛ́so. O etɔ́ŋ á yí épúp melaʼ mīi, yí mé shʉʼ efɛʼ ndɔ ánɛ athū alāʼ zí, melaʼ mefa mɔ́p. »

Jáaŋ 1:14

Ashuŋne jɔ̄, a le sɛ̄t ncʉ́ʼ á kwaʼ ŋiŋnɔŋ, tɛ nnáŋ á tsetsɛlɛ pek, ŋ́gɔ́ á ŋgaŋ apɔŋɔ́ ntē te ndhʉ, ŋ́gɔ́ á ŋgaŋ anuúnē tɛ nzōko. Pek jʉ́ɔ á shʉ́shɔ́k yi, shʉ́shɔ́k wuɔ mɛ́t, Mɔʼɔ́ yímpɛ Ndém mé le yá á mbū tséŋ Méŋ yi mɛ́t.

Jáaŋ 1:17

Ndém a le zapá ánɛ Mɔɔ́sɛ, tɛ́ ŋgyá mbé á mbū pímpɛ. Ḿbiŋ nzápa ánɛ Yɛɛ́so Klísto, tɛ́ ntswī á apɔŋɔ́ ntē te ndhʉ zí, ńzápa ánɛ yí, tɛ́ ŋghʉ̄ mɛ́ zhɛ́ anuúnē.

Jáaŋ 8:36

Á épúp tɛ́, Méŋ Ndém, a fhɔ́ɔ á ŋgyā ŋkwa efók á wɛ́, mbɔ pɛ puú te zɛ́t epuʼ ɔ́.

Lomɛŋ 11:6

Ndém a le fhó ánɛ apɔŋɔ́ ntē te ndhʉ zí, tɛ́ ntsɔ́ʼ á wɔ́p, a lɛ te fhó ánɛ mefaʼ mɔ́p ɔ́. A le wíʼe, éfhó ánɛ mefaʼ mɔ́p, mbɔ apɔŋɔ́ ntē te ndhʉ zí, á té zɛ́t á apɔŋɔ́ ntē ɛ́.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

Lomɛŋ 5:17

Á épúp, lewhʉ̄ a gɛ ndɔ̄kɔ epuɔ lɔke, melaʼ taʼ ŋiŋ, melaʼ mefa taʼ ŋiŋ. Azi afaʼ Yɛɛ́so Klísto, á le pīŋ ntswhi tswhi. Melaʼ mí, melaʼ mí ndaʼ, tɛ́ epuɔ menɔŋ e fú eta á lezēŋ Ndém, égɔ́ wɔ asaʼa‑ndʉɔ́ʼ. Épuɔ pīi, Ndém a wɛɛ̄ apɔŋɔ́ ntē te ndhʉ ánɛ pɔ́p, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 5:18

Púp, páʼ mefa mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tswá epuɔ menɔŋ metsem ŋgʉɔ athʉ́ lepé lā, ndeŋ ndeŋ épúp, mefaʼ ndeŋ ndeŋ mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tɔ́ŋ epuɔ menɔŋ metsem lɛ, epuɔ ndeŋ ndeŋ. A etsīa épúp, pɔ́ efú ntā á lezēŋ yí.

Lomɛŋ 6:12

Púp, ndɛ́ʼ mefa é zéŋ mbɔ́ŋ mete, ánɛ mbe nnɛ̄t zɛ zīi, e zi ŋgɔ́ áa akwhʉɛ́‑azō, ńtshóne á wɛ́ á leghʉ ajū mīi, mbe nnɛ̄t mɛ́t mé si ŋkɔ̄ŋɔ.

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

Lomɛŋ 8:12

Púp me epɔ̄ memía, ḿpɛ wɛɛ̄ njú. Njú mɛ́t e gɔ́ te á mbū mbe nnɛ̄t, tɛ ŋgɔ́ yīi, ḿpɛ gɔ ezīŋ páʼ, e é si ntshónɛ á yímpɛ ŋ́gɛ, ḿpɛ ezīŋ épúp ɔ́.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Galat 3:23

Á lɛ afʉʼ mvhɔ, mɛnzhɛ á lelɔk efɛ́ nnɛ̄t ŋgyá me Klísto, á zɛ́t te gɔ́ éwú á mbū pímpɛ, ḿpɛ é gɔ́ ŋkwa lepé, tɛ ndáʼ ntshí ánɛ afʉʼ zīi, Ndém a le tó á Yɛɛ́so Klísto, ŋ́gɛ mɛ́ efɛ́ nnɛ̄t ŋgyá á mbū yí.

Galat 4:21

Pɛ pīi pɛ kɔŋɔ ŋ́gɛ, mbé Mɔɔ́sɛ mé esáʼ á wɛ́, pɛ eshúŋ á gá. Pɛ te si ncūŋtɛ nzhɛ́ɛ ajū mīi, mbé mɛ́t é lʉ́ɛ́ ɛ́.

Galat 5:18

Táʼ, pɛ ké mvéŋ ŋ́gɛ Azwakne Ndém á ezɛ́t ntswiʼnɛ ntsāŋa á wɛ́, mbɔ lepé é té zéŋ mbɔ́ŋte é lesāʼ á wɛ́ ɛ́.

Tíit 2:14

A le puú ŋgyá athū nnɛ̄t zí, ńdɔk ncūʼ á yímpɛ ánɛ mefa mímpɛ ntsem, ńzéŋ ndɔk ésōk mefa ánɛ pímpɛ, tɛ ḿpɛ cʉ́ʼ á kwaʼ alāʼ zí. Álāʼ zīi, nzi leghʉ anu mbɔŋ e zaáŋ á wɔ́p.

Eble 8:10

Eka yīi pek a epuɔ Islaɛl é shʉʼɛ ekʉɔ́ʼɔ afʉʼ mɛ́t, e ewuɔ páʼa, Atsyapuɔ mé lʉ́ɛ́: meŋ a shʉʼ enéŋ mbé má, á ntē akwaŋte pɔ́p. Meŋ a shʉʼ etí á ntē pɔ́p. Meŋ a shʉʼ egɔ́ á Ndém wɔp, pɔ́ egɔ́ epuɔ alāʼ pá.