Lomɛŋ 6:13 - Eka Eswhī

¹³ Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 6:13 Iomraidhean Croise

Lúkási 15:24

Meŋ nde nɔ̄ŋ nzhɛ́ɛ á légɛ, mɔ́ wuɔ a lē ŋkwhʉ́, a á zéŋ eshʉ̄ʼ. A le píī, meŋ á zéŋ njʉ́ɔ á yí.” Pɔ́ lɛ nnéŋ lekāk á ŋgyā.

Lúkási 15:32

Ḿbiŋ ŋgɔ́ mé ntsiʼnzem wu wuɔ, mbɔ á pɔŋ ŋ́gɛ, ḿpɛ egáŋte, ŋ́kák melaʼ mīi, mɛ́ le nɔ̄ŋ nzhɛ́ɛ á légɛ, a lē ŋkwhʉ́, a á piŋ nzéŋ eshʉ̄ʼ. A le píī, mɛ́ zéŋ njʉ́ɔ á yí.”»

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Lomɛŋ 1:29

Pɔ́ puú te ghʉ̄ amɔ̄ʼ anu ndeŋ ndeŋ ɛ́. Leghʉ ntií ntiī anu tepɔŋ a lē mbú njhʉ́ á wɔ́p. Atsɔʼɔ́‑ntɔ̄ŋ á lē mbú njhʉ́ á wɔ́p. Pɔ́ é si ŋgɔ́ megaŋ esɔ̄. Kegʉɔʼ a lē mbú njhʉ́ á wɔ́p. Pɔ́ é wɔ zwhíte‑epuɔ. Ŋ́gɔ́ megaŋ ntsaŋ. Ŋ́gɔ́ megaŋ mekɛ̄t, ŋ́gɔ́ megaŋ ntē tepɔŋ. Ŋ́gɔ́ wɔ tshí menu á athū epuɔ.

Lomɛŋ 12:1

Epɔ̄ memía pá, meŋ á si eswíŋtɛ á wɛ́ ŋ́gɛ, páʼ Ndém a wɛɛ̄ atsāmezeŋɛ á mbū pímpɛ lā, pɛ epú mmāʼ ŋgua zɛ ŋgyá á mbū yí, ńdɔ̄k ewɛ legɔ̄ ntsem, ńnɔ̄ŋ epɔʼ á mbū yí. Ntií epɔʼ jʉɔ mɛ́t mé gɔ epɔ̄ŋ á yí. Pɛ ghʉɛ épúp, á gɔ́ á lewuʼte á Ndém tɛ ntsékne.

Lomɛŋ 6:11

Ndeŋ ndeŋ épúp, pɛ ezhɛ́ á légɛ, pɛ le kwhʉ́ ánɛ mefa, ḿbiŋ efhó ánɛ páʼ, pɛ lɛtneē ánɛ Yɛɛ́so Klísto, ŋ́gɔ́ nte, pɛ a Ndém é gɔ́ nnɔ.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 6:19

Tsetsɔŋɔ, meŋ a shúŋne á mbū pɛ, ánɛ ntií leshūŋne epuɔ ŋgɔŋ puɔ, melaʼ mīi pɛ é epuɔ, ŋ́ká á lejūʼ anu. Á lɛ amɔ̄ʼ afʉʼ, pɛ pú ndɔ̄k mbe nnɛ̄t zɛ ntsem, ńcʉ́ʼ meŋkwa, á leghʉ menu epe, mbɔɔ menu tepɔŋ ntií ntiī, é tshóne á wɛ́ á lete athū á mbū Ndém. Tsetsɔŋɔ, pɛ eké ndɔ̄k mbe nnɛ̄t mɛ́t ntsem, ńcʉ́ʼ meŋkwa, á leghʉ afaʼ ndeŋ ndeŋ. Afaʼ ndeŋ ndeŋ á tshoneé á ŋiŋ á legɔ̄ ŋiŋ Ndém.

Lomɛŋ 7:23

Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

Lomɛŋ 7:5

Ḿpɛ le zɛ́t nziŋɛ páʼ, mbe nnɛ̄t zímpɛ e é si ntshónɛ á yímpɛ ŋ́gɛ, ḿpɛ ezīŋ épúp, lepé é nɔŋ ntshónɛ á yímpɛ, á leghʉ mefa, páʼ ḿpɛ é si ŋkɔ̄ŋɔ páʼā, ejʉɔ ntií lenāŋ mɛ́t, é tshóne á yímpɛ nnéŋ áa ánɛ lewhʉ̄.

1 Kɔlɛŋte 6:15

Pɛ te si nzhɛ́ɛ á légɛ, mbe nnɛ̄t zɛ é si ŋgɔ́ mejʉʼ nnɛ̄t Klísto lɛ́? Ndɛ́ʼ ŋiŋ á piŋ mbúte á ajʉʼ nnɛ̄t Klísto, ánɛ azi ŋgaŋ agā. Ŋgáŋ, ndɛ́ʼ ŋiŋ á gɔ́ aleʼé, ŋ́ghʉ̄ ntií anu épúp.

1 Kɔlɛŋte 6:20

Ndém a lē ŋgyá ajūɔ tee nzwiŋ, ńdɔk ncūʼ á wɛ́. Tsetsɔŋɔ, pɛ ewɛ̄ mbe nnɛ̄t zɛ, tɛ nzhɛ́ á légɛ pɛ lɔkɔ ŋgūʼtɛ á yí.

1 Kɔlɛŋte 6:9

Pɛ te si nzhɛ́ɛ á légɛ, wɔ ghʉ‑anu tepɔŋ, é té láʼ ewɛ azɔ́p ajʉʼ á ntē Lefɔ Ndém ɛ́ lɛ̄? Ndɛ́ʼ azō á kʉɛ leghi tsɛ́. Megaŋ agā, mbɔɔ epuɔ pīi, pɔ́ wuʼtɛ mesī, mbɔɔ wɔ wɛ‑mɛgap, mbɔɔ mbaŋa zīi, é véŋɛ ŋ́gɛ, mɛ́ elɔ̄k á wɔ́p ŋghʉ̄ wɔnzwí, mbɔɔ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ,

2 Kɔlɛŋte 10:4

Tsitsi ncu yīi pek lɔkɔ ndʉɔ́ʼɔ, a te fhɔ́ɔ á mbū ŋiŋnɔŋ ɔ́, á fhɔ́ɔ áa mbū Ndém. Mete é gɔ́ éwú á lelɔk mbík megaŋ mbo Ndém. Pek tsɛɛ́t nchu epuɔ pīi, pɔ́ é si eshúŋɔ epoó‑enu.

2 Kɔlɛŋte 5:14

Ŋkɔŋ te ndhʉ zīi, Klísto a wɛɛ̄ ánɛ pek, mé tshoneé á wék á leghʉ ajūɔ tsem, melaʼ mīi pek é si ncuŋtɛ nzhɛ́ɛ á légɛ, yí ndaʼ mé le kwhʉ́ á athū epuɔ metsem. Epuɔ metsem é tsia épúp, ŋ́kwhʉ́ ánɛ mefa mɔ́p.

2 Kɔlɛŋte 5:15

A le kwhʉ́ ánɛ athū epuɔ metsem páʼā, ńdɔkɔ ŋ́gɛ, ndɛ́ʼ wɔ náŋ á ndo esī atsetsáʼ, é zéŋ ŋghʉ̄ páʼ pɔ́ kɔŋ. Ŋ́gɛ pɔ́ ecʉ́ʼɛ nzīŋɛ áa ánɛ lekɔŋ ŋiŋ yīi, a le kwhʉ́ á athū pɔ́p, Ndém á ké ŋghʉ̄ á zím ánɛ lewhʉ̄.

2 Kɔlɛŋte 8:5

Ajū mīi pɔ́ ke ghʉ̄ʉ̄, á ke tɔ́k azi pek ke nɔ̄ŋ nzwíʼtɛ. Pɔ́ ke pú mmaʼ ŋgua zɔp ŋgyá á mbū Atsyapuɔ, ńzéŋ mmaʼ ŋ́gyá á mbū pek, ánɛ páʼ Ndém a á kɔŋ épúp.

Efɛze 2:5

É melaʼ épúp tɛ́, a le zapá ánɛ Klísto, ŋ́ghʉ̄ ḿpɛ é gɔ́ éwú, tɛ mbɔɔ páʼ, á le gɔ́ mbɔ mefa mímpɛ, é lē ŋghʉ̄, ḿpɛ gɔ́ wɔ kwhʉɛ‑ndáʼne á ndo ŋgia. Ndém a le fhó ánɛ apɔŋɔ́ ntē te ndhʉ zí, tɛ́ ŋghʉ̄ pɛ tswɛ́t.

Efɛze 5:14

Ajūɔ tsem zīi, mɛ́ piŋ esīa, ŋkaʼ é ghʉʉ̄, mɛ́ pú njʉ́ɔ. Á épúp tɛ́, mɛ́ zɔɔ̄p ŋ́gɛ: «Wu yīi o ó si ndíi, ziɛ̄, fhó á nnɔ mepfhō, ḿbʉ́ʼɛ nnɛ̄t, Klísto a elɔ̄k ŋkaʼ yí, ŋ́kɛ̄ʼɛ á wú. »

Fílíip 1:20

Á páʼa ŋgɔ́ ajū mīi, meŋ á si nzwíʼtɛ ŋkone kone. Amɔ̄ʼ ajū mīi á gɔ eghʉ̄ʉ, esē é kú á gá, á té éwú ú. A cʉ́ʼɛ épúp, mbɔ tɛ efhó tsetsɔŋɔ, mbɔɔ páʼ, á gɛ nzī ŋgɔ́ɔ, meŋ chʉʉ́ nnɛ̄t ŋkúʼte á ntē meŋ á lelɔk ega legɔ̄, ŋ́ghʉ̄, epuɔ menɔŋ é wuʼte á Klísto, tɛ meŋ ndáʼa ŋkwhʉ́ kwhʉ̄ʉ, kɛ gá á lezɛ̄t nte lɛ̄ɛ.

Kɔlɔs 2:13

Á lɛ amɔ̄ʼ afʉʼ, pɛ gɔ́ páʼ mepfhō lā, melaʼ mefa mɛ́, mbɔɔ melaʼ páʼ, mɛ́ lɛ te á wɛ́ tém. Á piīŋ ŋgɔ́ tsetsɔŋɔ, mbɔ Ndém a ke ghʉ̄ʉ̄, pɛ a Yɛɛ́so é zím ánɛ lewhʉ̄, á lɔkɔ ndēknɛ mefa mímpɛ.

Kɔlɔs 3:5

Pɛ eké mbú ḿbík ajū mīi, á zɛɛ́t ndɛt á wɛ́ á esī atsetsáʼ. Mɛ́ lʉ́ɛ́ agā, ńdʉ́ɛ́ á wɛ́ lewɛ á mɛgap, ńdʉ́ɛ́ á leshʉɔ wɔnzwí, ńdʉ́ɛ́ á lewɛ akwaŋte, á leghʉ anu tepɔŋ. Ndɛ́ʼ pɛ egɔ́ megaŋ atsɔʼɔ́‑ntɔ̄ŋ, melaʼ mīi, ŋiŋ a á ŋgaŋ atsɔʼɔ́ ntɔ̄ŋ páʼā, ńdáʼ ŋgē ezoko, ŋ́gūʼte ajū mīi a tshií ntē yí éwú, ńdɔk ŋghʉ̄ á Ndém.

2 Tesalonik 2:12

Tɛ́ a etsīa épúp, a etswá ŋgʉɔ athʉ́ lepé, á athū epuɔ metsem pīi, pɔ́ té anuúnē véŋ, mbe zɔp é zaŋne á leghʉ anu tepɔŋ.

2 Timotɛ 2:15

Kak ete á legē etshí á mvhɔ Ndém efʉʼ metsem, ŋ́gɔ́ á ŋiŋ yīi, Ndém a pɔŋteé á levēŋ á yí. Ŋ́gɔ́ á ŋgaŋ afaʼ yīi, esē é té si ŋkúu á yí, ánɛ afaʼ zí í. Ŋ́gɔ́ á ŋgaŋ afaʼ yīi, a á si nchʉ́ɛ nnɛ̄t nzíʼnɛ epuɔ á kwaʼ ashuŋne Ndém.

Jáak 4:1

Mentsaŋ pɔ́ mekwɛt, é fhɔ́ɔ egɔ́ á tsetsɛlɛ pɛ ɛ̄? É té efhɔ́ɔ ánɛ mekwaŋte tepɔŋ mīi, é ntē pɛ ntshónɛ á wɛ́ efʉʼ metsem, á lewɛ tsitsi ŋgɔŋ wuɔ ɔ́ lɛ̄?

1 Piɛ 2:24

Klísto a le tswíʼ mefa mímpɛ mbīʼ á mbe nnɛ̄t yí, ńdɔk ŋkwhʉ́ ánɛ mbaŋne paŋné, tɛ́ ḿpɛ elɔ̄ɔk ŋkwhʉ́ ánɛ mefa mímpɛ, ḿbiŋ nzhɛ́ á leziŋ ndeŋ ndeŋ, páʼ Ndém a á si ŋkɔ̄ŋɔ. Pɛ le zapá ánɛ meféŋ mí tɛ́ ntē.

1 Piɛ 4:2

Púp, pɛ ezī tsetsɔŋɔ, ánɛ eleʼé tsīi pɛ zɛɛ́t ŋgɔ̄ elɔk enáŋ á esī atsetsáʼ ega, ńnáŋ páʼ Ndém a á si ŋkɔ̄ŋɔ ŋ́gɛ, pɛ enáŋ épúp. Pɛ é le zéŋ nnáŋ páʼ mbe nnɛ̄t zɛ, e é si ntshónɛ á wɛ́ ŋ́gɛ, pɛ enáŋ épúp ɔ́.

1 Jáaŋ 1:9

Ḿpɛ gɔ́ eké mvéŋ mefa mímpɛ, mbɔ Ndém, páʼ a laʼneē azō, ńdáʼ ŋghʉ̄, ńzéŋ ŋgɔ́ á ŋiŋ ndeŋ ndeŋ lā, a a lekne á mbū pímpɛ, ésok anu tepɔŋ ntsem ánɛ pímpɛ.