Lomɛŋ 6:12 - Eka Eswhī

¹² Púp, ndɛ́ʼ mefa é zéŋ mbɔ́ŋ mete, ánɛ mbe nnɛ̄t zɛ zīi, e zi ŋgɔ́ áa akwhʉɛ́‑azō, ńtshóne á wɛ́ á leghʉ ajū mīi, mbe nnɛ̄t mɛ́t mé si ŋkɔ̄ŋɔ.

Lomɛŋ 6:12 Iomraidhean Croise

Lomɛŋ 13:14

Á gɔ́ áa lɛ, pɛ elɔ̄k á leghʉ páʼ Atsyapuɔ Yɛɛ́so Klísto, a á si ŋkɔ̄ŋɔ épúp, ŋ́kwɛ́t etsɛ́ lenāŋ, pɛ é le néŋ athū zɛ́ ánɛ ecū mīi, mbe nnɛ̄t zɛ é si ntshónɛ á wɛ́, ŋ́gɛ pɛ ghʉɛ, á pɔŋ á wɛ́ ɛ́.

Lomɛŋ 2:8

Ḿbiŋ ŋgɔ́ mé epuɔ pīi, pɔ́ teē athū á mbū yí, pɔ́ té kɔ̄ŋ á leziŋ páʼ anuúnē á si ndʉ́ɛ́ épúp ɔ́, ŋ́kɔ̄ŋ á leziŋ áa ánɛ mɛnzhɛ ŋgɛ́tté, a ezáŋ á alɔŋ ánɛ pɔ́p, ńtswá á wɔ́p á tepɔŋ ŋgʉɔ athʉ́ lepé.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:16

Pɛ ka zhɛ́ á légɛ, ŋiŋ a nɔɔ̄ŋ ŋghʉɛ afaʼ á mbū ŋiŋ, ńnɔŋ njúʼu nchu yí páʼ ŋkwa lā, ńcʉ́ʼ ŋkwa ŋiŋ mɛ́t yīi, a júʼu nchu yí lā lɛ́? O gɔ egɔ́ ŋkwa mefa, páʼ o gɔ egɔ́ ŋkwa á leghʉ ajū mīi, Ndém a á si ŋkɔ̄ŋɔ. Mefa é ké ntshóne á ŋiŋ, ŋ́gyá á mbū lewhʉ̄. Leghʉ ajū mīi, Ndém a á si ŋkɔ̄ŋɔ, á tshóne á ŋiŋ, á lelɔk á ndeŋ ndeŋ tɛ́ nnáŋ.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 8:13

Á páʼā ŋgɔ́ éyi, pɛ ziŋɛ páʼ mbe nnɛ̄t zɛ mé tshónɛ á wɛ́, mbɔ pɛ e kwhʉ́. Táʼ, a piŋɛ ŋgɔ́ éyi, pɛ é si nzīŋɛ páʼ, Azwakne Ndém á si ŋkɔ̄ŋɔ, mbɔ á páʼā, pɛ elɔ̄kɔ nzwhíɛ anu tepɔŋ zīi, á ntē pɛ, Ndém a eláʼ ŋghʉ̄, pɛ egɔ́ éwú.

2 Kɔlɛŋte 4:11

Pek é ndo esī atsetsáʼ ega, ŋ́gɔ́ efʉʼ metsem, ńzápne áa nchu lewhʉ̄ melaʼ Yɛɛ́so. Pek ké ŋgɔ́ nte páʼā, tɛ́ epuɔ menɔŋ é ezápa ánɛ pek, nzhɛ́ á légɛ, Yɛɛ́so a á nte, tɛ́ á piŋ ŋgɔ́ yīi, pek e fú eláʼ ekwhʉ́ kwhʉ́.

2 Kɔlɛŋte 5:4

Á anuúnē, ḿpɛ pīi ḿpɛ é naŋteé á ntē mentap muɔ á esī atsetsáʼ ega, menu é si eswɛ́tɛ á yímpɛ, ḿpɛ nɔ̄ɔŋ ntswīɛ̄. Táʼ, á ké te ndɔ̄kɔ ŋ́gɛ, ḿpɛ é si ŋkɔ̄ŋɔ á lefhō á ntē mentap mɛ́t ntúɔ́. Ḿpɛ é si ŋkɔ̄ŋɔ áa lekō á ntē mentap ndɛʼɛ, tɛ́ ajū mīi á naáŋ á lemiʼɛ, a kápte á azi á gɔ ekwhʉ́.

Galat 5:16

Meŋ á páʼa, ńnɔŋ ŋ́gɛ, pɛ elɔ̄k á leziŋ páʼ Azwakne Ndém á si ndʉ́ɛ́ épúp, ŋgʉ̄ɔ mé mvhɔ. Púp, pɛ é le zéŋ ŋghʉ̄ ajū mīi, mbe nnɛ̄t é si ntshónɛ á wɛ́ ŋ́gɛ pɛ eghʉ̄ ɛ́.

Galat 5:24

Epuɔ pīi, pɔ́ lɛtneē ánɛ Klísto, pɔ́ lē mbú ŋgwáʼ ajūɔ tsem zīi, mbe nnɛ̄t e gɔ etshóne á wɔ́p á leghʉ. Menu mīi mbe nnɛ̄t e gɔ etshóne á wɔ́p á letshī ntē éwú, mbɔɔ a leghʉ, pɔ́ lē mbú ntó éwú.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

Efɛze 4:22

pɛ pɔŋteé á lepū ŋgwáʼ á nzwiŋ atswhī yīi, pɛ lɛɛ́ ŋgwiɛ, éfhó ánɛ nzwiŋ lenāŋ ntó. Ecū mīi pɛ seé ánɛ nzwiŋ lenāŋ wuɔ mɛ́t, é pɔpte á wɛ́ pɔpte, ŋ́gɔ̄ eghʉ, pɛ eláʼ ndákne.

1 Tesalonik 4:5

Pɛ é le cʉ́ʼ, ntē wɛ́ é khʉ́ne ánɛ anu wɔnzwí, páʼ emɔ̄ʼ epuɔ, éwɔ te véŋ‑kwaʼ Ndém, é ghʉʉ̄ épúp ɔ́.

2 Timotɛ 2:22

Kʉ menu tepɔŋ mīi epɔ̄ ŋgwɛso, é khʉneé á leghʉ. Gɔ́ efʉʼ metsem, efāʼ á wú á legɔ̄ á ŋiŋ ndeŋ ndeŋ, á mvhɔ Ndém, éfɛ́ nnɛ̄t ŋgyá á mbū Yɛɛ́so, ŋ́gwɛ̄ ŋkɔŋne, ńnáŋ mé apwɛne, pɛ a epuɔ pīi, pɔ́ swiŋteé á Atsyapuɔ Ndém mé taʼ ntē.

Tíit 2:12

Ńtswī á yímpɛ épúp páʼā, ńdɔkɔ eshúŋɔ á yímpɛ ŋ́gɛ, ḿpɛ pɔŋteé á lewāʼ atʉɛ́‑athū zímpɛ, ńzéŋ ŋgwáʼ akwaŋte zīi, á ghʉɛ, ḿpɛ tshíɛ ntē yímpɛ ánɛ tsitsi ŋgɔŋ wuɔ. Ŋ́gwáʼ épúp, ńcʉ́ʼɛ ndɔ̄kɔ áa azhɛ̄‑anu, mbɔɔ ndeŋ ndeŋ, mbɔɔ leziŋ páʼ Ndém a á si ŋkɔ̄ŋɔ, tɛ́ nnáŋa á ŋgɔŋ ega ayáʼa.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

1 Piɛ 1:14

Pɛ ejúʼ nchu Ndém, páʼ ewɔŋkhʉ̄ pīi, é júʼɔ nchu memɔʼɔ́ pɔ́p lā. Pɛ etó ánɛ ecū mīi, pɛ ke zɛ́t te zhɛ́ á Klísto, ntē wɛ́ é nɔŋ ntshónɛ á wɛ́, pɛ ghʉ̄ɛ.

1 Piɛ 2:11

Mepɔŋ mesoó pá, pɛ ekímte páʼ pɛ é ndo esī atsetsáʼ ega, ŋ́gɔ́ áa mege, ŋ́gɔ́ áa metsia nzhɛ. Meŋ á si ntékɛ á wɛ́ ŋ́gɛ, pɛ epá á ntií ntiī ekwaŋte tepɔŋ tsīi, é ntē pɛ. É si ntɛ́nnɛ á wɛ́ á leghʉ ajū mīi, a pɔŋ á Ndém.

Zwide 1:16

Epuɔ puɔ mɛ́t é efʉʼ metsem, ńzwɛ́tte zwɛtté, ńzéŋ ndā nnɛ̄t la. Pɔ́ é efʉʼ metsem, ŋ́ghʉ̄ áa ajū mīi mbe nnɛ̄t zɔ́p e é si ntshónɛ á wɔ́p, ŋ́gɛ pɔ́ eghʉ̄. Meshuŋne aŋaʼte nnɛ̄t, mé nɔŋ ntúɔ́ á nchu pɔ́p. Pɔ́ gē elʉte á ŋiŋ, á gɔ́ áa éyi, pɔ́ lɔkɔ efāʼa á lejhʉ̄ apɛ á nzem yí.

Zwide 1:18

Pɔ́ le lé á mbū pɛ ŋ́gɛ: «A láʼ egɔ́ ánɛ mezoknzem aleʼé alāʼ, emɔ̄ʼ epuɔ e ezwī á wɛ́, ńnɔŋ nnáŋa páʼ mbe nnɛ̄t zɔp e é si ntshónɛ á wɔ́p, ŋ́gɔ́ wɔ te júʼ‑nchu Ndém. »