Lomɛŋ 6:11 - Eka Eswhī

¹¹ Ndeŋ ndeŋ épúp, pɛ ezhɛ́ á légɛ, pɛ le kwhʉ́ ánɛ mefa, ḿbiŋ efhó ánɛ páʼ, pɛ lɛtneē ánɛ Yɛɛ́so Klísto, ŋ́gɔ́ nte, pɛ a Ndém é gɔ́ nnɔ.

Lomɛŋ 6:11 Iomraidhean Croise

Jáaŋ 20:31

Mɛ́ le tí emuɔ páʼa, ńdɔkɔ ŋ́gɛ, pɛ evéŋ á légɛ, Yɛɛ́so mé zi ŋgɔ́ á Nzaʼ‑Ŋkhʉ, á Méŋ Ndém. Ńzéŋɛ ndɔkɔ ŋ́gɛ, o fíɛ́ nnɛ̄t ŋgyá á mbū yí, mbɔ a a láʼ eghʉ, o etā á lezēŋ Ndém.

Lomɛŋ 16:27

Ḿpɛ etsīa á nzem Yɛɛ́so Klísto, ŋ́gyá á awuʼte á mbū Ndém, á kwaʼ ŋgaŋ azhɛ̄‑anu, ŋ́ghʉ̄ épúp á meŋguʼ meŋguʼ. Á páʼa.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 6:10

A le kwhʉ́ melaʼ mefa, á taʼ legʉɔ, á pú ŋkūʼ épúp. A piīŋ ŋgɔ́ tsetsɔŋɔ, ŋ́gɔ́ nte, á lezēŋ Ndém.

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Lomɛŋ 6:2

Ŋgáŋ, á té épúp ɔ́. Páʼ ḿpɛ lē ŋkwhʉ́te ánɛ mefa lā, ḿpɛ gɔ́ eghʉ̄ʉ páʼ lā, ńzéŋ nnáŋ á ntē mefa ā?

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 7:4

Á zeéŋ ŋgɔ́ ndeŋ ndeŋ épúp, á mbū pɛ me epɔ̄ memía pá. Lepé é té zɛ́t esáʼa á wɛ́ ɛ́, melaʼ mīi, Yɛɛ́so a le kwhʉ́ ánɛ mbaŋne paŋné páʼā, pɛ pīi pɛ lɛtneē ánɛ yí, é lɔkɔ ŋkwhʉ́tɛ ánɛ lepé. Á tsetsɔŋɔ, ŋiŋ ndɛʼɛ mé cʉ́ʼɛ mbɔ́ŋɔ á wɛ́, á ŋiŋ yīi, Ndém a le ghʉ̄ʉ̄, á zím ánɛ lewhʉ̄, ńdɔkɔ efāʼa ŋ́gɛ, ḿpɛ ezém ntá zīi, é pɔŋ á Ndém.

Lomɛŋ 7:6

Á piīŋ ŋgɔ́ tsetsɔŋɔ, mbɔ Ndém a lē ŋghʉ, ḿpɛ kwhʉ́ ánɛ ajū mīi, á lɛ́ ndɔkɔ á yímpɛ ŋghʉ̄ɛ epuʼ. Lepé é té zɛ́t ŋkúʼte á yímpɛ ɛ́, tɛ ŋgɔ́ yīi, ḿpɛ gɔ eghʉ̄ʉ afaʼ á mbū Ndém, ánɛ ntií eswhī, Azwakne Ndém mé nɔŋ esáʼa á yímpɛ. Ḿpɛ é le zéŋ ŋghʉ̄ afaʼ, ánɛ ntií zīi, lepé Mɔɔ́sɛ é lɛɛ́ ntshónɛ á yímpɛ, ḿpɛ ghʉ̄ɛ ɛ́.

Lomɛŋ 8:18

Meŋ á si nzhɛ́ɛ á légɛ, ŋgʉɔ̄ʼ zīi, ḿpɛ é tsetsɔŋɔ njʉ́ɔ, e puú te azō ɔ́. Mɛ́ gɔ le lɔ̄k ŋgʉɔ̄ʼ mɛ́t, ḿbɛ́ efʉʼ ánɛ lewūʼ tsīi, Ndém a a shʉʼ eyá á mbū pímpɛ ɛ́.

1 Kɔlɛŋte 6:20

Ndém a lē ŋgyá ajūɔ tee nzwiŋ, ńdɔk ncūʼ á wɛ́. Tsetsɔŋɔ, pɛ ewɛ̄ mbe nnɛ̄t zɛ, tɛ nzhɛ́ á légɛ pɛ lɔkɔ ŋgūʼtɛ á yí.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Fílíip 1:11

Yɛɛ́so mɛ́t, a a shʉʼ eghʉʉ, ajūɔ tsem zīi, pɛ ghʉɛ, a egɔ́ áa mbɔŋ. Epuɔ menɔŋ e ejʉ́ɔ épúp, ŋ́ghʉ̄ mekuʼ Ndém, ńzéŋ ŋgūʼte á yí.

Fílíip 4:7

Pɛ ghʉɛ épúp, Ndém á yá á wɛ́ apwɛne zīi, á puú efáŋ ńtɔ́k ajū mīi, leghi ŋiŋ ntsem, é gɔ ekwāŋte. Apwɛne mɛ́t, a epú ŋkápte á wɛ́, ńtɔ́te leghi tsɛ́, melaʼ mīi pɛ lɛtneē ánɛ Yɛɛ́so Klísto.

Kɔlɔs 2:20

Páʼ pɛ a Klísto é le puté ŋkwhʉ́ lā, á lɛ páʼā, á lɔkɔ efhɔ́ɔ á mbū mete ŋgɔŋ muɔ, ŋ́kúu á wɛ́. Púp, ndɛ́ʼ pɛ ezéŋ nzīŋ ánɛ mɛ́t yīi, epuɔ menɔŋ mé le zapáā. Ndɛ́ʼ pɛ ezéŋ nnáŋ páʼ, mɛt epuɔ ŋgɔŋ puɔ a á si nzɛ́ttɛ. Mɛt mɛ́t, a á si ndʉ́ɛ́ ŋ́gɛ:

Kɔlɔs 3:17

Ajūɔ tsem zīi, pɛ gɔ eshúŋ, ká azi pɛ gɔ eghʉ̄ʉ, pɛ epú ŋghʉ̄ páʼ epuɔ pīi, pɔ́ lɛtneē ánɛ Atsyapuɔ Yɛɛ́so, é pɔŋteé á leghʉ épúp. Ńzápa ánɛ Atsyapuɔ mɛ́t, ésyákne á Mɔʼɔ́ yímpɛ Ndém.

1 Piɛ 2:24

Klísto a le tswíʼ mefa mímpɛ mbīʼ á mbe nnɛ̄t yí, ńdɔk ŋkwhʉ́ ánɛ mbaŋne paŋné, tɛ́ ḿpɛ elɔ̄ɔk ŋkwhʉ́ ánɛ mefa mímpɛ, ḿbiŋ nzhɛ́ á leziŋ ndeŋ ndeŋ, páʼ Ndém a á si ŋkɔ̄ŋɔ. Pɛ le zapá ánɛ meféŋ mí tɛ́ ntē.

1 Piɛ 2:5

Pɛ azɛ́, pɛ ecʉ́ʼ páʼ metɔ́ nte lā. Ńcʉ́ʼ, Ndém a elɔ̄k á wɛ́ ŋkwɛ́t ŋgyā zi. Ŋgyā mɛ́t, Azwakne Ndém mé naáŋ éwú. Pɛ egɔ́ á ŋgyā mɛ́t, ŋ́gɔ́ nnɔ wɔ nɔŋ‑epɔʼ Ndém, Azwakne Ndém a etshóne á wɛ́, pɛ eyá etsō epɔʼ á mbū Ndém, étsō epɔʼ tsīi e pɔŋ á Ndém, a etswí melaʼ Yɛɛ́so Klísto.

1 Piɛ 4:11

A gɔ́ éyi Ndém a le yá eyi nthū ŋiŋ, é gɔ́ á yí á lezhɛ̄ á leshūŋne, ŋgaŋ á shúŋne ndɔ̄k ńtswī ŋke Ndém. Ŋ́gɔ́ éyi, eyi nthū mmɔʼ ŋiŋ é á letswīte emɔ̄ʼ epuɔ, á lɔk áa mete mīi, Ndém a le yá á yí, tɛ́ ntswíte. Pɛ eghʉ̄ épúp, tɛ́ epuɔ metsem e ezápa ánɛ Yɛɛ́so Klísto, ŋ́gūʼte á Ndém ánɛ ajūɔ tsem. Yɛɛ́so wuɔ mɛ́t mé saáʼ ajūɔ tsem. Awuʼte a egɔ́ á mbū yí, á meŋguʼ meŋguʼ. Á páʼa.