Lomɛŋ 5:8 - Eka Eswhī

⁸ Ḿpɛ eké njʉ́ɔ ntií zīi, Ndém a le lɔ̄k ntswi á légɛ, yí kɔɔ̄ŋ á yímpɛ: ḿpɛ le zɛ́t áa megaŋ mefa, Klísto á kwhʉ́ á athū pímpɛ.

Lomɛŋ 5:8 Iomraidhean Croise

Jáaŋ 15:13

Ŋiŋ a te éwú tɛ ŋgwɛ̄ ŋkɔŋ, ńtɔ́k á ŋiŋ yīi, a yaá athū nnɛ̄t zí melaʼ epuɔ pīi, a kɔɔ̄ŋ á wɔ́p ɔ́.

Jáaŋ 3:16

Ndém a le pú ŋkɔŋ epuɔ menɔŋ kɔŋ, tɛ ŋgyá á Méŋ yi, á tséŋ Méŋ yi, ŋ́gɛ ŋiŋ ntsem yīi, a á fɛ́ nnɛ̄t ŋgyá á mbū yí, a te eláʼ epí í, a a láʼ eta á lezēŋ Ndém.

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 4:25

Yɛɛ́so mɛ́t, Ndém a le véŋ á kwhʉ́, melaʼ mefa mímpɛ, á piŋ ŋghʉ̄ á zím ánɛ lewhʉ̄, á lɔk épúp, ńtɔ́ŋ á yímpɛ lɛ, epuɔ ndeŋ ndeŋ.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 5:6

Meŋ á páʼā ndɔkɔ ŋ́gɛ, á lɛ amɔ̄ʼ afʉʼ, ḿpɛ zɛ́t té wɛ mete á lelɔk nzó athū zímpɛ. Afʉʼ zīi Ndém a le néēŋ, á piŋ eshʉ̄ʼ nnáŋ tɛ ŋkūʼ, Klísto á kwhʉ́ á athū pímpɛ megaŋ mefa.

Lomɛŋ 5:7

Á teē tɛʼ, á mbū ŋiŋ á lekwhʉ̄ melaʼ emɔ̄ʼ ŋiŋ, tɛ ŋgaŋ a zi ŋgɔ́ áa ŋiŋ ndeŋ ndeŋ. A gɔ́ amɔ̄ʼ, mbɔ ŋiŋ a gɔ evéŋ á lekwhʉ̄, á athū ŋiŋ yīi, a gɛ ŋghʉ̄ɛ anu mbɔŋ.

Lomɛŋ 8:32

Yí yīi, a lɛ te kwaʼ Méŋ yi gʉɔ̄ʼ, ḿvéŋ mɛ́ zwhí á yí, á kwhʉ́, ńdɔk nzó á athū zímpɛ metsem. A gɔ epīiŋ ŋghʉ̄ páʼ lā, a á le zápa ajūɔ tsem ánɛ Méŋ yi mɛ́t, ŋ́gyá mé pímpɛ ɛ̄?

Lomɛŋ 8:39

Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

Galat 2:20

Meŋ naáŋ á ŋgɔŋ páʼā, meŋ mé té zɛ́t nnáŋ éwú ú, Klísto mé zápa ánɛ meŋ, ńnáŋ éwú. Gá á lenāŋ á ŋgɔŋ, a á si ŋgɔ́ á gá á lefɛ̄ nnɛ̄t ŋgyá á mbū Méŋ Ndém. A le kɔ̄ŋ á gá, tɛ ŋgyá athū nnɛ̄t zí melaʼ má.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Efɛze 5:2

Pɛ elɔ̄k ŋkɔŋne tɛ́ nnáŋ, ńdeŋ ndeŋ páʼ Klísto a le náŋ épúp. A le kɔ̄ŋ á yímpɛ, tɛ ŋgyá athū nnɛ̄t zí méŋwɛ̄t, melaʼ mímpɛ, ńdɔ̄k nnɔ̄ŋ epɔʼ yīi, é pɔɔ̄ŋ á Ndém.

1 Timotɛ 1:16

Táʼ, Ndém a le ké ntsá mezeŋɛ má, a lɛɛ́ ŋghʉɛ épúp páʼā, ŋ́gɛ Yɛɛ́so Klísto, a ezápa ánɛ meŋ, ŋgaŋ mefa té mmɔʼ, ńtswī á légɛ yí zhɛɛ́ á lekwɛ̄t ntē. Púp, meŋ ndɔk ŋgɔ́ efʉʼ á mbū epuɔ pīi, pɔ́ e shʉʼ efɛ́ nnɛ̄t eyá mé yí, éfú eta á lezēŋ Ndém.

Eble 8:3

Nnɔŋ‑epɔʼ eyi ndʉɛ ntsem yīi, mɛ́ é chʉ́ á yí, mɛ́ chʉʉ́ á yí páʼā, ŋ́gɛ a eyá etsō á mbū Ndém, ńzéŋ nnɔ̄ŋ epɔʼ á mbū yí. Melaʼ épúp tɛ́, á mbɔŋ ŋ́gɛ, nnɔŋ‑epɔʼ eyi ndʉɛ yímpɛ, a ewɛ̄ azí ajū mīi, a gɔ eyá.

1 Piɛ 3:18

Klísto yí méŋwɛ̄t a le jʉ́ɔ ŋgʉɔ̄ʼ, ńdɔk esōk mefa epuɔ metsem. A le ghʉ̄ épúp legʉɔ lemɔʼɔ́, á kuʼ épúp. Yí yīi, a lɛ á ŋiŋ ndeŋ ndeŋ, a le pīŋ ŋkwhʉ́ melaʼ megaŋ mefa, tɛ́ ndɔk ŋghʉ̄ pɛ ezéŋ ŋkūʼ á wɛ́, á lezēŋ ntshí á mvhɔ Ndém. Mɛ́ le zwhí áa mbap nnɛ̄t zi, táʼ, Azwakne Ndém á ké ŋghʉ̄, á zím ánɛ lewhʉ̄.

1 Jáaŋ 3:16

Ḿpɛ ejʉ́ɔ á ajū mīi, ŋkɔŋne e é si ŋgɔ́ aziɛ́: Yɛɛ́so a le yá athū nnɛ̄t zí, melaʼ mefa mímpɛ. Ḿpɛ azímpɛ, é pɔŋteé á leyā athū nnɛ̄t zímpɛ, melaʼ epɔ̄ memía pímpɛ.