Lomɛŋ 5:6 - Eka Eswhī

⁶ Meŋ á páʼā ndɔkɔ ŋ́gɛ, á lɛ amɔ̄ʼ afʉʼ, ḿpɛ zɛ́t té wɛ mete á lelɔk nzó athū zímpɛ. Afʉʼ zīi Ndém a le néēŋ, á piŋ eshʉ̄ʼ nnáŋ tɛ ŋkūʼ, Klísto á kwhʉ́ á athū pímpɛ megaŋ mefa.

Lomɛŋ 5:6 Iomraidhean Croise

Lomɛŋ 11:26

Á páʼa tɛ́, Ndém a a láʼ eghʉ, epuɔ Islaɛl metsem e etswɛ́t. Á gɔ́ páʼ, Ndém a leé á ntē aŋwaʼne yí ŋ́gɛ: «Nzaʼ‑Ŋkhʉ a a láʼ etó áa tésɔŋ Siɔŋ, éghʉ, ndhu Yakɔ́p é le zéŋ ntē á athū á mbū Ndém ɛ́.

Lomɛŋ 4:25

Yɛɛ́so mɛ́t, Ndém a le véŋ á kwhʉ́, melaʼ mefa mímpɛ, á piŋ ŋghʉ̄ á zím ánɛ lewhʉ̄, á lɔk épúp, ńtɔ́ŋ á yímpɛ lɛ, epuɔ ndeŋ ndeŋ.

Lomɛŋ 4:5

Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 5:10

Ḿpɛ le zɛ́t megaŋ mbo Ndém, Ndém mɛ́t, á ké ndɔ̄k á lewhʉ̄ Méŋ yi, ńnéŋ ekém á ŋgyā. Ḿpɛ a Ndém é lē ndáʼ ncʉ́ʼ á taʼ nchu. A gɔ le néŋ té lɔk páʼ Méŋ yi a á nte, ŋ́ghʉ̄ ḿpɛ etswɛ́t ɛ́.

Lomɛŋ 5:7

Á teē tɛʼ, á mbū ŋiŋ á lekwhʉ̄ melaʼ emɔ̄ʼ ŋiŋ, tɛ ŋgaŋ a zi ŋgɔ́ áa ŋiŋ ndeŋ ndeŋ. A gɔ́ amɔ̄ʼ, mbɔ ŋiŋ a gɔ evéŋ á lekwhʉ̄, á athū ŋiŋ yīi, a gɛ ŋghʉ̄ɛ anu mbɔŋ.

Lomɛŋ 5:8

Ḿpɛ eké njʉ́ɔ ntií zīi, Ndém a le lɔ̄k ntswi á légɛ, yí kɔɔ̄ŋ á yímpɛ: ḿpɛ le zɛ́t áa megaŋ mefa, Klísto á kwhʉ́ á athū pímpɛ.

Lomɛŋ 8:32

Yí yīi, a lɛ te kwaʼ Méŋ yi gʉɔ̄ʼ, ḿvéŋ mɛ́ zwhí á yí, á kwhʉ́, ńdɔk nzó á athū zímpɛ metsem. A gɔ epīiŋ ŋghʉ̄ páʼ lā, a á le zápa ajūɔ tsem ánɛ Méŋ yi mɛ́t, ŋ́gyá mé pímpɛ ɛ̄?

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Galat 2:20

Meŋ naáŋ á ŋgɔŋ páʼā, meŋ mé té zɛ́t nnáŋ éwú ú, Klísto mé zápa ánɛ meŋ, ńnáŋ éwú. Gá á lenāŋ á ŋgɔŋ, a á si ŋgɔ́ á gá á lefɛ̄ nnɛ̄t ŋgyá á mbū Méŋ Ndém. A le kɔ̄ŋ á gá, tɛ ŋgyá athū nnɛ̄t zí melaʼ má.

Galat 4:4

Táʼ, afʉʼ zīi Ndém a le ké mbiŋ ńzápa, á shʉʼ nnáŋ tɛ ŋkūʼ, á tó á Méŋ yi á ndo esī atsetsáʼ. Taʼ menzwí mé zhí á yí, mɔ́ mɛ́t á náŋ ánɛ páʼ lepé Mɔɔ́sɛ é si nzɛ́ttɛ.

Efɛze 5:2

Pɛ elɔ̄k ŋkɔŋne tɛ́ nnáŋ, ńdeŋ ndeŋ páʼ Klísto a le náŋ épúp. A le kɔ̄ŋ á yímpɛ, tɛ ŋgyá athū nnɛ̄t zí méŋwɛ̄t, melaʼ mímpɛ, ńdɔ̄k nnɔ̄ŋ epɔʼ yīi, é pɔɔ̄ŋ á Ndém.

Kɔlɔs 2:13

Á lɛ amɔ̄ʼ afʉʼ, pɛ gɔ́ páʼ mepfhō lā, melaʼ mefa mɛ́, mbɔɔ melaʼ páʼ, mɛ́ lɛ te á wɛ́ tém. Á piīŋ ŋgɔ́ tsetsɔŋɔ, mbɔ Ndém a ke ghʉ̄ʉ̄, pɛ a Yɛɛ́so é zím ánɛ lewhʉ̄, á lɔkɔ ndēknɛ mefa mímpɛ.

1 Tesalonik 5:9

Ndém a lɛɛ́ te ntɔ́ŋɔ á yímpɛ ndɔ̄kɔ ŋghʉ̄ɛ epuɔ pí páʼā, ŋ́gɔ̄ á nzáŋ á lɔ́ŋ ánɛ pímpɛ ɛ́. A lɛɛ́ ntɔ́ŋɔ á yímpɛ, ŋ́ghʉ̄ɛ áa lɛ, ḿpɛ efhó ánɛ ajū mīi, Atsyapuɔ yímpɛ Yɛɛ́so Klísto, á le ghʉ̄ ánɛ pímpɛ, yí eghʉ̄ ḿpɛ etswɛ́t.

1 Timotɛ 1:9

Ḿpɛ echʉ́ nnɛ̄t nzhɛ́ á mbɔŋɔ́ á légɛ, Ndém a lɛɛ́ te nnéŋɛ lepé páʼā, melaʼ epuɔ pīi, pɔ́ ziīŋ ndeŋ ndeŋ páʼ a á si ŋkɔ̄ŋɔ ɔ́. A lɛɛ́ nnéŋɛ páʼā, melaʼ wɔ te kúʼte‑lepé, pɔ́ wɔ tʉɛ‑athū á mbū yí. Melaʼ wɔ te kwaŋ á Ndém pɔ́ megaŋ mefa. Melaʼ wɔ te yá‑mekuʼ Ndém pɔ́ wɔ te zhɛ́‑ajū mīi, á azi Ndém. Melaʼ wɔ zwhíte‑memɔʼɔ́ pɔ́p pɔ́ wɔ zwhíte‑memía pɔ́p. Melaʼ wɔ zwhíte‑epuɔ.

Tíit 2:12

Ńtswī á yímpɛ épúp páʼā, ńdɔkɔ eshúŋɔ á yímpɛ ŋ́gɛ, ḿpɛ pɔŋteé á lewāʼ atʉɛ́‑athū zímpɛ, ńzéŋ ŋgwáʼ akwaŋte zīi, á ghʉɛ, ḿpɛ tshíɛ ntē yímpɛ ánɛ tsitsi ŋgɔŋ wuɔ. Ŋ́gwáʼ épúp, ńcʉ́ʼɛ ndɔ̄kɔ áa azhɛ̄‑anu, mbɔɔ ndeŋ ndeŋ, mbɔɔ leziŋ páʼ Ndém a á si ŋkɔ̄ŋɔ, tɛ́ nnáŋa á ŋgɔŋ ega ayáʼa.

Eble 8:3

Nnɔŋ‑epɔʼ eyi ndʉɛ ntsem yīi, mɛ́ é chʉ́ á yí, mɛ́ chʉʉ́ á yí páʼā, ŋ́gɛ a eyá etsō á mbū Ndém, ńzéŋ nnɔ̄ŋ epɔʼ á mbū yí. Melaʼ épúp tɛ́, á mbɔŋ ŋ́gɛ, nnɔŋ‑epɔʼ eyi ndʉɛ yímpɛ, a ewɛ̄ azí ajū mīi, a gɔ eyá.

Eble 9:26

Á lɛ te gɔ́ péʼe, ŋ́gɔ́ épúp ɔ́, mbɔ a le gɔ́ á jʉ́ɔ ŋgʉɔ̄ʼ tɛ ŋgʉɔ é záne, tɛ efhó á anɔŋɔ́‑ŋgɔŋ. Táʼ, afʉʼ á le náŋ tɛ ŋkūʼ, á yá athū nnɛ̄t zí, á taʼ legʉɔ épúp, ńdɔk nnɔ̄ŋ epɔʼ á athū epuɔ metsem, melaʼ mefa mɔ́p.

1 Piɛ 1:20

Ndém a le pú nzɛ́t áa te nɔŋ ŋgɔŋ, ńté njhʉ̄ ŋkāŋ á yí. Á piŋ ŋkūʼ tsetseŋɔ yīi, ŋgɔŋ é si ŋgɔ̄ á mmiī la, á fók á yí á tentā, ŋ́gɛ a etswíte á wɛ́.

2 Piɛ 3:7

Ŋ́gɔ́ mé lephū mbɔɔ mé esī atsetsáʼ zīi, e é tsetseŋɔ lāa, mbɔ ashuŋne Ndém mɛ́t a leé ŋ́gɛ, e e láʼ enáŋ tɛ eláʼ etshí aleʼé zīi, mmók é pík á wɔ́p. Ndém a a láʼ ekápte á wɔ́p, tɛ eláʼ etshí á aleʼé zīi, a záʼa ntsaŋ, ḿbíkɛ wɔ te jú‑nchu yí.

Zwide 1:15

Pɔ́ shʉʼɛ épúp, á nzáʼ ntsaŋ zɔp a epuɔ metsem. Étswá ŋgʉɔ athʉ́ lepé ánɛ wɔ te júʼ‑nchu yí metsem, melaʼ mefa mɔ́p ntsem, mbɔɔ melaʼ nzɔ zīi, wɔ te júʼ‑nchu Ndém puɔ mɛ́t, ŋ́gɔ́ megaŋ mefa, é lɔkɔ nzɔ̄tɛ á yí. »

Zwide 1:18

Pɔ́ le lé á mbū pɛ ŋ́gɛ: «A láʼ egɔ́ ánɛ mezoknzem aleʼé alāʼ, emɔ̄ʼ epuɔ e ezwī á wɛ́, ńnɔŋ nnáŋa páʼ mbe nnɛ̄t zɔp e é si ntshónɛ á wɔ́p, ŋ́gɔ́ wɔ te júʼ‑nchu Ndém. »

Zwide 1:4

Meŋ ndʉ́ɛ́ páʼa, melaʼ mīi emɔ̄ʼ epuɔ é ke ŋɛté ŋkó á tsetsɛlɛ pɛ, ńnɔŋ ŋkúmnɛ njuʼɔ́ anu mbɔŋ té ndhʉ zīi, Ndém yímpɛ a le lɔ̄k ntsá mezeŋɛ mímpɛ. Ŋ́kúmnɛ épúp, ńdɔkɔ ntswíʼtɛ memɛnzhɛ tepɔŋ pīi, pɔ́ ziŋɛ éwú. Pɔ́ é si ŋghʉ̄ɛ épúp páʼā, ńdɔkɔ ŋkʉ̄ŋnɛ á Yɛɛ́so Klísto Atsyapuɔ yímpɛ, ŋ́gɔ́ ndaʼ efɔ yímpɛ. Tɛ efhó tɛ afʉʼ, mɛ́ tí á ntē aŋwaʼne Ndém ŋ́gɛ, Ndém a a láʼ etswá ŋgʉɔ athʉ́ lepé á athū wɔ te júʼ‑nchu yí puɔ mɛ́t.