Lomɛŋ 5:5 - Eka Eswhī

⁵ Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Lomɛŋ 5:5 Iomraidhean Croise

Mefaʼ Meziŋ-ntō 10:45

Wɔ fɛ́ nnɛ̄t ŋgyá mé Yɛɛ́so pīi, pɔ́ a Piɛ é ke fhó á Jope eshʉ̄ʼ, é lɛ epuɔ Yúda. Pɔ́ júʼ epuɔ mɛ́t, é cʉ́ʼɛ eshúŋnɛ áa melāʼ mendɛʼɛ, ńdɔkɔ ŋgūʼtɛ á Ndém. Á pú ŋkʉ̄ʼne á wɔ́p tɛʼ, páʼ Ndém a á yá Azwakne zí á mbū epuɔ pwɔ̄ pīi, pɔ́ té epuɔ Yúda á. Piɛ á lɛ nzɛ́tte á wɔ́p ŋ́gɛ:

Mefaʼ Meziŋ-ntō 2:17

Ndém á si ndʉ́ɛ́ ŋ́gɛ: A láʼ ekuʼe ánɛ mezoknzem eleʼé alāʼ, meŋ enéŋ Azwakne zá té ndhʉ, ánɛ epuɔ metsem. Epɔ̄ pɛ́, epi mbaŋa pɔ́ a epi wɔnzwí, e ecʉ́ʼ metswi‑ŋke pá. Epɔ̄ ŋgwɛso pɛ́, e ejʉ́ɔ njʉɔ te lí. Mezwiŋ epuɔ, e ejʉ́ɔ njʉ́ɔ lelɔ̄k.

Mefaʼ Meziŋ-ntō 2:33

Mɔʼɔ́ yi Ndém, a ke kɔʼné á yí, ńnáŋ ánɛ apū ete zí, ḿbiŋ ŋgyá Azwakne zí zīi, a le laʼnēē, á mbū yí. Ajū mīi pɛ júʼɔ, ńzéŋɛ njʉ́ɔ ayáʼa lāa, á si ŋgɔ́ Azwakne mɛ́t zīi, Yɛɛ́so a á zéŋ nnéŋ ánɛ pek azí, té ndhʉ.

Lomɛŋ 1:7

Meŋ tíi akɛtte jʉɔ páʼa, á mbū pɛ epuɔ tésɔŋ Lóma metsem. Á wɛ́ pīi Ndém a kɔɔ̄ŋ á wɛ́, á wɛ́ pīi Ndém a le tɔ́ŋ á wɛ́, ŋ́gɛ pɛ egɔ́ epuɔ pí. Ŋ́gɛ Mɔʼɔ́ yímpɛ Ndém, pɔ́ Yɛɛ́so Klísto Atsyapuɔ yímpɛ, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

Lomɛŋ 9:33

Á gɔ́ páʼ mɛ́ le tí á ntē aŋwaʼne Ndém ŋ́gɛ: «Awuɔ yīi meŋ á si nnɔ̄ŋɔ á tɔ́ yīi, a ghʉʉ̄ mɛ́ kwate, á tésɔŋ Siɔŋ la. Á mía mía tɔ́ yīi, a ghʉʉ̄, ŋiŋ á whʉ á esī. Táʼ, ŋiŋ a ké efɛ́ nnɛ̄t ŋgyá á mbū tɔ́ wuɔ mɛ́t, mbɔ a te e láʼ etapne ɛ́. »

1 Kɔlɛŋte 8:3

Ŋiŋ yīi a piīŋ ŋkɔŋ á Ndém, yí tɛ́ Ndém a zhɛɛ́ á yí.

2 Kɔlɛŋte 1:22

Yí yīi a le tshí ayiŋne zí ánɛ pímpɛ, a le néŋ Azwakne zí á ntē pímpɛ, ńdɔkɔ ntswī á légɛ, ŋkwa mecū mīi, a le laʼnē á leyā mé pímpɛ, a a láʼ eyá.

2 Kɔlɛŋte 3:18

Ajūɔ nzhó á gɛ te nzɛ́t ŋkʉ̄ŋɛ eshhʉ̄ ŋiŋ á nnɔ pímpɛ ɛ́. Shʉ́shɔ́k Atsyapuɔ a gɛ ncʉ́ʼɛ nzápa ánɛ pímpɛ, tɛ́ ŋwāŋnɛ. Ḿpɛ lē esɛnne, ncʉ́ʼɛ ŋgɔ́ɔ áa páʼ Atsyapuɔ lā, ŋ́gwɛ̄ á shʉ́shɔ́k yīi, a á eséŋɛ́ lɛ́, ńtswiʼne efáŋ fáaŋ. Á páʼa, ŋ́gɔ́ afaʼ zīi Atsyapuɔ, páʼ a á si ŋgɔ́ Azwakne lā, a ghʉʉ̄ ánɛ pímpɛ.

2 Kɔlɛŋte 4:6

Púp melaʼ mīi, Ndém yīi a le lé ŋ́gɛ: «Á pɔŋ ŋ́gɛ ŋkaʼ e ekɛ̄ʼɛ ánɛ nzém», yí méŋwɛ̄t mé le zéŋ ŋghʉ̄, ŋkaʼ yí é kɛʼɛ á ntē pek. Ńdɔkɔ efāʼa ŋ́gɛ, pek ezhɛ́ á légɛ, ŋkaʼ mɛ́t é si ŋgɔ́ á shʉ́shɔ́k yi, ńnɔŋ ŋwāŋnɛ ánɛ eshhʉ̄ Yɛɛ́so Klísto.

Galat 4:6

Meŋ á gɛ epɔ̄ Ndém, pɛ zi ŋgɔ́ á kwaʼ epiɛ́. Ndém a le gē etswi á légɛ, pɛ é si ŋgɔ́ á kwaʼ epiɛ́, ńtó á Azwakne Méŋ yi á ntē pímpɛ. Aziɛ́ mé tshoneé á yímpɛ, ḿpɛ lāa ntɔ́ŋ á Ndém é lɛ Abba, ńdɔkɔ ŋ́gɛ Mɔ́ʼɔ.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 1:13

Pɛ ezɛ́, é ke zapá ánɛ Klísto, ńjúʼ ŋke yīi é si ŋgɔ́ anuúnē, ŋ́ke mbɔŋ yīi é ghʉɛ mɛ́ tswɛ́tɛ. Pɛ le júʼ ŋke mbɔŋ mɛ́t, éfɛ́ nnɛ̄t ŋgyá á mbū Klísto, Ndém á néŋ ayiŋne zí ánɛ pɛ, á gɔ́ Azwakne zí zīi a le phʉ́ʉ̄.

Efɛze 4:30

Ndɛ́ʼ pɛ eghʉ̄ʉ, Azwakne Ndém zīi, a le néŋ á ntē pɛ, á záŋ á lɔ́ŋ. Azwakne mɛ́t á si ŋgɔ́ ayiŋne zīi, á tswii á wɛ́ á légɛ, Ndém a a fú ekú á wɛ́ ánɛ ŋgʉɔ̄ʼ.

Fílíip 1:20

Á páʼa ŋgɔ́ ajū mīi, meŋ á si nzwíʼtɛ ŋkone kone. Amɔ̄ʼ ajū mīi á gɔ eghʉ̄ʉ, esē é kú á gá, á té éwú ú. A cʉ́ʼɛ épúp, mbɔ tɛ efhó tsetsɔŋɔ, mbɔɔ páʼ, á gɛ nzī ŋgɔ́ɔ, meŋ chʉʉ́ nnɛ̄t ŋkúʼte á ntē meŋ á lelɔk ega legɔ̄, ŋ́ghʉ̄, epuɔ menɔŋ é wuʼte á Klísto, tɛ meŋ ndáʼa ŋkwhʉ́ kwhʉ̄ʉ, kɛ gá á lezɛ̄t nte lɛ̄ɛ.

1 Tesalonik 4:8

Melaʼ épúp tɛ́, ŋiŋ yīi a á wáʼ ntekné jʉɔ mɛ́t, a te ŋgwáʼa ntekné ŋiŋnɔŋ ɔ́, a wáʼa áa ntekné Ndém. Ndém mɛ́t mé si ŋgyáa Azwakne zí, á mbū pɛ.

2 Tesalonik 2:16

Atsyapuɔ yímpɛ Yɛɛ́so Klísto yí méŋwɛ̄t, mbɔɔ Mɔʼɔ́ yímpɛ Ndém, a le kɔ̄ŋ á yímpɛ, ńtsīa ánɛ atsāmézeŋɛ té ndhʉ zīi, a wɛɛ̄ ánɛ pímpɛ, éswíte mentē mímpɛ a lemiʼɛ, ńzéŋ ŋghʉ̄, ḿpɛ ezhɛ́ ŋ́gɛ, ḿpɛ é ndáʼ ŋgwɛ̄ ajū mīi, ḿpɛ é si nzwíʼtɛ.

2 Timotɛ 1:12

É melaʼ épúp tɛ́, meŋ jʉ́ɔ ejʉɔ ntií ŋgʉɔ̄ʼ. Esē é ké te si ŋkúu á gá melaʼ épúp ɔ́, melaʼ mīi, meŋ á si nzhɛ́ɛ á ŋiŋ yīi, meŋ ndē efɛ́ nnɛ̄t za ŋgyá á mbū yí. Meŋ á si ncuŋtɛ nzhɛ́ɛ á légɛ, ŋgaŋ a wɛɛ̄ mete, á lelɔk ŋkápte ŋke mbɔŋ, páʼ a le tsekné á mbū meŋ. Ŋ́kápte tɛ ndáʼ ŋkó á aleʼé zīi, a piŋɛ nzem, ŋ́gɔ̄ á nzáʼ ntsaŋ.

1 Jáaŋ 4:19

Ŋ́gɔ́ mé pímpɛ, mbɔ ḿpɛ kɔɔ̄ŋ epuɔ, melaʼ mīi, Ndém a le té njhʉ̄, ŋ́kɔ̄ŋ á yímpɛ.