Lomɛŋ 5:4 - Eka Eswhī

⁴ Ḿbiŋ nnɔ̄ŋ ŋkwɛ́tɛ ntē páʼā, ŋ́gɔ́ éyi, a gɔ le whʉ̄ ánɛ táté ɛ́. Páʼ a ka ánɛ táté whʉ̄ɛ lā, ńdɛ nnéŋ á ntē yí á légɛ, yí e láʼ ewɛ ajū mīi, Ndém a le laʼnē á leyā á mbū yí.

Lomɛŋ 5:4 Iomraidhean Croise

Lúkási 21:19

Pɛ ekāk ete, tɛ́ ndáʼ ŋgɔ́ éwú. »

Lomɛŋ 15:4

Ajūɔ tsem zīi mɛ́ le tí á ntē aŋwaʼne Ndém, tɛ efhó tɛ efʉʼ, mɛ́ le tíī, ńdɔkɔ ntékɛ á yímpɛ, tɛ́ ḿpɛ ezápa ánɛ menu mīi mɛ́ le tí á ntē aŋwaʼne mɛ́t, ŋ́kāk ete, ŋ́kwɛ́t ntē ndɔk nzwíʼte ajū mīi, ḿpɛ é si ntsáa, ńnɔŋ nzhɛ́ɛ á légɛ, ḿpɛ e láʼ ewɛ.

Fílíip 2:22

Ŋ́gɔ́ mé Timotɛ, mbɔ pɛ é si nzhɛ́ɛ páʼ, a ke tswī á légɛ, yí wɛɛ̄ atswhī mbɔŋ. Pek yí é ke puté ŋghʉ afaʼ, á letswi ŋke mbɔŋ. Á nɔŋ ntswítɛ á gá ánɛ afaʼ jʉɔ mɛ́t, páʼ méŋkhʉ̄ a tswítɛ mɔʼɔ́ yi lā.

Eble 6:19

Ḿpɛ ekúʼte á ntē pímpɛ tɛ a etē, ńzhɛ́ á légɛ, Ndém a a láʼ eyá ajū mīi, a le laʼnē á leyā á mbū pímpɛ. Aziɛ́ mé ghʉ̄ʉ, ḿpɛ etshí á mvhɔ yí té miʼte. É melaʼ épúp, tɛ́ ḿpɛ le tɔ́k ánɛ mía apū nzhó zīi, mɛ́ le lɔ̄k esáne á Mía Ŋgyā Ndém, ŋ́kó á ajʉʼ zīi, Ndém a naáŋ éwú.

Jáak 1:12

Eshhʉ̄ mbɔŋ a á si ŋgɔ́ á ŋiŋ yīi, ŋgʉɔ̄ʼ e zwiíʼ á yí, á kwɛ́t ntē. A pikɛ te ntó ánɛ ŋgʉɔ̄ʼ mɛ́t, mbɔ Ndém a a shʉʼ eyá yí ntaŋá, e egɔ́ á yí á leta a lezēŋ yí, páʼ a le laʼnē á mbū epuɔ pīi, é kɔɔ̄ŋ á yí.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.