Lomɛŋ 5:2 - Eka Eswhī

² Yɛɛ́so Klísto mɛ́t mé le tsɔ́ʼ nzhɛ, Ndém á lɔk ntswī apɔŋɔ́ ntē te ndhʉ zí ánɛ pímpɛ, melaʼ mīi, ḿpɛ fɛɛ́ nnɛ̄t ŋgyá á mbū yí. Ḿpɛ kuʼteé páʼ, Ndém a le tswī apɔŋɔ́ ntē te ndhʉ zí mɛ́t tɛ á te, tɛ́ ndɔk nnáŋ. Ajū mīi á si ŋghʉ̄ɛ ḿpɛ ekāʼtɛ, á si ŋgɔ́ páʼ, ḿpɛ é si ntsáa, ńnɔŋ nzhɛ́ɛ á légɛ, a láʼ egɔ́ épúp, á légɛ, ḿpɛ e láʼ ekó á ntē lewūʼ Ndém.

Lomɛŋ 5:2 Iomraidhean Croise

Matío 25:21

Mɔʼɔ́ yí á lé á mbū yí ŋ́gɛ: “Meŋ á kɔŋte á wú. O ó mbɔŋ ŋgaŋ afaʼ yīi, mɛ́ gɔ etém nzem ŋgyá á mbū yí. Páʼ o ke lɔ̄k anuúnē ŋghʉ̄ mezízí menu lā, meŋ a tsékne memía menu á mbū wu. Shʉʼɛ̄, pɛ mɔʼɔ́ wu e epúte ŋkák.”

Jáaŋ 10:7

Yɛɛ́so á zéŋ ndé ŋ́gɛ: «Kwaʼ anuúnē anuúnē, meŋ shúŋɔ á wɛ́ ŋ́gɛ, meŋ á si ŋgɔ́ nchu ŋgē mvhō.

Jáaŋ 10:9

Meŋ mé si ŋgɔ́ nchu akɛ. Ŋiŋ a zápa ánɛ meŋ tɛ́ ŋkó á ŋkāʼ, mbɔ a a láʼ egɔ́ éwú, ékó, étó páʼ a á kɔŋ, éwɛ á ajūɔ tsem zīi, a gɔ epfɛ́t.

Jáaŋ 14:6

Yɛɛ́so á pwɛt á mbū yí ŋ́gɛ: «Meŋ á si ŋgɔ́ á mɛnzhɛ, ŋ́gɔ́ á anuúnē, ŋ́gɔ́ á ŋiŋ yīi, a ghʉɛ mɛ́ gɔ́ɔ éwú. Ŋiŋ a gɔ le gʉ̄ɔ njʉ́ɔ á Mɔʼɔ́, té gɔ́ yīi, a á zápa áa ánɛ meŋ ɛ́.

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Mefaʼ Meziŋ-ntō 14:27

Ŋ́gʉɔ tɛ ŋkó éwú, ńtɔ́ŋ megaŋ alúŋ epuɔ Yɛɛ́so, éshúŋ á wɔ́p páʼ, leziŋ a ke tɔ́k épúp. Éshúŋ á wɔ́p páʼ Ndém a ke tswitéē, ńtsɔ́ʼ á mɛnzhɛ, epuɔ pīi é té epuɔ Yúda á, é fɛ́ nnɛ̄t ŋgyá á mbū Yɛɛ́so.

Lomɛŋ 11:20

Á épúp á anuúnē. Mɛ́ lɛɛ́ nzáʼa á wɔ́p, melaʼ mīi pɔ́ le sɛ̄t nzem Ndém. O ké mbiŋ ŋgɔ́ á ajʉʼ ega mɛ́t páʼā, á gɔ́ melaʼ mīi, o lē efɛ́ nnɛ̄t ŋgyá á mbū Yɛɛ́so. Ndɛ́ʼ o ké ndɔ̄k épúp, ŋ́ŋīa. Lak athū jú.

Lomɛŋ 12:12

Ajū mīi pɛ é si ntsáa, ńnɔŋ nzhɛ́ á légɛ Ndém a a láʼ eyá, pɛ egē ezwíʼte, ŋ́gɔ́ á ntē lekāk. Ŋ́kwɛ́t ntē, ánɛ afʉʼ ŋgʉɔ̄ʼ. Éswíŋte á Ndém té ká.

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 3:23

Epuɔ metsem é lē mbú ŋgwhʉ̄ mefa, ésá lewūʼ tsīi, é lezēŋ Ndém.

Lomɛŋ 5:5

Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 8:24

Ndém á lē ŋghʉ, ḿpɛ tswɛ́t, ŋ́ké nzɛ́t té wɛ ajūɔ tsem, melaʼ mīi, ŋiŋ a wɛɛ̄ ajū mīi, a á si ntsáa páʼā, ńdɔkɔ te nzɛ́t ntsáa azō ɔ́. Ŋiŋ a gɔ ewɛ̄ azō, ḿbiŋ ŋghʉ̄ páʼ lā, ńzéŋ ntsá azō mɛ́t é?

1 Kɔlɛŋte 15:1

Epɔ̄ memía, meŋ á si ŋkímtɛ á wɛ́ ŋke mbɔŋ yīi, meŋ nde tswī á mbū pɛ, pɛ ejúʼ mvéŋ, ńzéŋ nzīŋ páʼ é si ndʉ́ɛ́ épúp.

2 Kɔlɛŋte 3:18

Ajūɔ nzhó á gɛ te nzɛ́t ŋkʉ̄ŋɛ eshhʉ̄ ŋiŋ á nnɔ pímpɛ ɛ́. Shʉ́shɔ́k Atsyapuɔ a gɛ ncʉ́ʼɛ nzápa ánɛ pímpɛ, tɛ́ ŋwāŋnɛ. Ḿpɛ lē esɛnne, ncʉ́ʼɛ ŋgɔ́ɔ áa páʼ Atsyapuɔ lā, ŋ́gwɛ̄ á shʉ́shɔ́k yīi, a á eséŋɛ́ lɛ́, ńtswiʼne efáŋ fáaŋ. Á páʼa, ŋ́gɔ́ afaʼ zīi Atsyapuɔ, páʼ a á si ŋgɔ́ Azwakne lā, a ghʉʉ̄ ánɛ pímpɛ.

2 Kɔlɛŋte 4:17

Ŋgʉɔ̄ʼ zīi pek é tsetsɔŋɔ njʉ́ɔ, e puú te kūʼ azō, ánɛ mía mía tee nzwiŋ shʉ́shɔ́k te mi yīi, ŋgʉɔ̄ʼ jʉɔ mɛ́t, e cuŋtɛ á mbū pek ɛ́.

Efɛze 2:18

É melaʼ Klísto, tɛ́ ḿpɛ metsem, épuɔ Yúda mbɔɔ epuɔ pīi, é té epuɔ Yúda á, é zapaá ánɛ ndaʼ Azwakne Ndém, ŋ́kūʼ á letshī á lezēŋ Ndém Mɔʼɔ́.

Efɛze 3:12

Ḿpɛ lɛtneē ánɛ Klísto, ńnɔŋ efíɛ́ nnɛ̄t ŋgyáa á mbū yí. Púp, ḿpɛ gɔ etshóte nnɛ̄t mbáte á Ndém, ésa saá, ńnɔŋ mmāʼa ŋgua zímpɛ ŋgyáa á mbū yí.

Efɛze 6:13

Melaʼ épúp tɛ́, pɛ ezwík á tsitsi ncu yīi, a fhɔ́ɔ á mbū Ndém, ńzhɛ́ páʼ, á gɔ́ɔ aleʼé zīi, á ka láŋa, pɛ etēe athū á mbū ŋgaŋ mbo, ńdʉɔ́ʼ tɛ njhʉ́, ńzɛ́t ntē tee.

2 Tesalonik 2:16

Atsyapuɔ yímpɛ Yɛɛ́so Klísto yí méŋwɛ̄t, mbɔɔ Mɔʼɔ́ yímpɛ Ndém, a le kɔ̄ŋ á yímpɛ, ńtsīa ánɛ atsāmézeŋɛ té ndhʉ zīi, a wɛɛ̄ ánɛ pímpɛ, éswíte mentē mímpɛ a lemiʼɛ, ńzéŋ ŋghʉ̄, ḿpɛ ezhɛ́ ŋ́gɛ, ḿpɛ é ndáʼ ŋgwɛ̄ ajū mīi, ḿpɛ é si nzwíʼtɛ.

Eble 3:6

Klísto, páʼ a á si ŋgɔ́ á Méŋ Ndém lā, a juúʼ nchu Ndém, mbɔ Ndém a le tsekné alāʼ zí á mbū yí. Ḿpɛ gɔ́ ŋké ŋkúʼte menu muɔ mɛ́t á ntē pímpɛ, ńnɔ̄ŋ ncuŋtɛ nzwíʼtɛ mé lekāk, mbɔ ḿpɛ mé si ŋgɔ́ alāʼ zí mɛ́t.

Eble 6:18

Púp, menu mɛ́mbīa muɔ mɛ́t, Ndém a gɔ le kúmne. Ndém a púu ŋgɔ́ le á wú láte. Aziɛ́ mé ghʉ̄ʉ, ḿpɛ pīi ḿpɛ lē ŋkʉ ndʉ̄ɔne á mbap yí, é chʉ́ nnɛ̄t ŋkāk ete melaʼ épúp, ńnéŋ á ntē pímpɛ á légɛ, ḿpɛ e láʼ ewɛ ajū mīi, Ndém a le laʼnē á leyā á mbū pímpɛ.

1 Piɛ 3:18

Klísto yí méŋwɛ̄t a le jʉ́ɔ ŋgʉɔ̄ʼ, ńdɔk esōk mefa epuɔ metsem. A le ghʉ̄ épúp legʉɔ lemɔʼɔ́, á kuʼ épúp. Yí yīi, a lɛ á ŋiŋ ndeŋ ndeŋ, a le pīŋ ŋkwhʉ́ melaʼ megaŋ mefa, tɛ́ ndɔk ŋghʉ̄ pɛ ezéŋ ŋkūʼ á wɛ́, á lezēŋ ntshí á mvhɔ Ndém. Mɛ́ le zwhí áa mbap nnɛ̄t zi, táʼ, Azwakne Ndém á ké ŋghʉ̄, á zím ánɛ lewhʉ̄.

Menjʉɔ te lí 21:11

Shʉ́shɔ́k Ndém á gɔ́ éwú ŋŋwāŋnɛ, ŋ́ŋwāŋne páʼ tɔ́ yīi, a teē nzwiŋ, mɛ́ tɔ́ŋ lɛ jáspe lā, éfók lɛ púú páʼ ŋglaási lā.

Menjʉɔ te lí 21:23

Lezēk nu, ká lezēk saŋ mé te pɔ́ŋ á lekɛʼɛ á tésɔŋ wuɔ mɛ́t ɛ́, shʉ́shɔ́k Ndém mé si ŋkɛ̄ʼɛ á yí, ŋkaʼ yí é gɔ́ á Mɔ́ Njʉnjhʉ.

Menjʉɔ te lí 21:3

Meŋ zéŋ júʼ mmɔʼ ŋghi teté, é fhó á ajʉʼ akɔʼ lefɔ, ńdé ŋ́gɛ: «Awuɔ yīi Ndém a á ghʉ lenaŋá tsí, á nnɔ epuɔ menɔŋ lāa. A a cʉ́ʼɛ enáŋa áa á tsetsɛlɛ pɔ́p. Epuɔ menɔŋ e ecʉ́ʼ á alāʼ zí, a egɔ́ á Ndém wɔp, ŋ́gɔ́ á nnɔ pɔ́p

Menjʉɔ te lí 3:21

Ŋiŋ yīi a á lʉɔ́ʼ tɛ njhʉ́, meŋ a shʉʼ eghʉ, pek yí e enáŋ ánɛ akɔʼ lefɔ zá, ńdeŋ ndeŋ páʼ, meŋ nde lʉɔ́ʼ azá tɛ njhʉ́, ŋ́gʉɔ ntswɛ́tte á Mɔʼɔ́ ga, ánɛ akɔʼ lefɔ zí, ńnáŋ azá éwú lā.