Lomɛŋ 5:17 - Eka Eswhī

¹⁷ Á épúp, lewhʉ̄ a gɛ ndɔ̄kɔ epuɔ lɔke, melaʼ taʼ ŋiŋ, melaʼ mefa taʼ ŋiŋ. Azi afaʼ Yɛɛ́so Klísto, á le pīŋ ntswhi tswhi. Melaʼ mí, melaʼ mí ndaʼ, tɛ́ epuɔ menɔŋ e fú eta á lezēŋ Ndém, égɔ́ wɔ asaʼa‑ndʉɔ́ʼ. Épuɔ pīi, Ndém a wɛɛ̄ apɔŋɔ́ ntē te ndhʉ ánɛ pɔ́p, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 5:17 Iomraidhean Croise

Matío 25:34

Méŋ‑Ŋiŋnɔŋ mɛ́t, ŋgɔ́ á efɔ, a elɛ ndé á mbū epuɔ pīi, pɔ́ é ánɛ ŋkɔʼɔ́ apū ete yí ŋ́gɛ: “Pɛ pīi Mɔʼɔ́ ga a lē nnéŋ mbwɛ́né ánɛ pɛ, pɛ eshʉʼ ŋkó á ntē lefɔ tsí tsīi, a le cuŋtē ndɔk ńzwíʼte á wɛ́, tɛ efhó páʼ a le nɔ̄ŋ ŋgɔŋ.

Jáaŋ 10:10

Ntsɔ́ŋ a shʉʉ̄ʼ azí áa njʉʉ̄, ézwhí, énéŋ mepí. Meŋ ke ké eshʉʼe, ŋ́gɛ epuɔ menɔŋ e eláʼ ŋgɔ́ éwú, ŋ́gɔ́ éwú tɛ ntsékne.

Lomɛŋ 5:12

Mefa é le gē ekó á ŋgɔŋ, ńzápa ánɛ taʼ ŋiŋ, lezēŋ ŋgaŋ é gɔ́ lɛ Ádam. Mefa é le gē ekó á ŋgɔŋ épúp, ńdɔ̄k á lewhʉ̄ eshʉ̄ʼ. Á shʉʼ épúp, ḿbú ŋkó ánɛ ŋiŋ ntsem, melaʼ mīi mmɔʼ ŋiŋ té fa, a te éwú ú.

Lomɛŋ 5:15

Mɛ́ piŋɛ ŋgɔ́, mɛ́ le lɔ̄k mefa Ádam, ńdéŋte á ajū mīi, Ndém a yáa á mbū epuɔ menɔŋ ndémndēm ɛ́. Á anuúnē á légɛ, atʉtʉ epuɔ á le kwhʉtéē, melaʼ páʼ, taʼ ŋiŋ a le fā á mbū Ndém. Táʼ, apɔŋɔ́ ntē te ndhʉ zīi, Ndém a wɛɛ̄ ánɛ epuɔ menɔŋ, á faáŋ ntsyā mefa Ádam mɛ́t. Ajū mīi, a zapaá ánɛ taʼ ŋiŋ, á Yɛɛ́so Klísto, ŋ́gyá ndémndēm á mbū atʉtʉ epuɔ, á te nzwiŋ.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 6:14

Púp, mefa é le zéŋ mbɔ́ŋ mete ánɛ pɛ ɛ́, melaʼ mīi, pɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́, pɛ cʉ́ʼɛ nziŋɛ áa ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pɛ.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 8:39

Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

1 Kɔlɛŋte 15:49

Ndeŋ ndeŋ páʼ ḿpɛ swhií á ŋiŋ yīi, Ndém a le lɔ̄k atsáʼ mbɔ́ lā, ḿpɛ e láʼ aleʼé, ézéŋ eswhí á ŋiŋ yīi, a fhɔ́ɔ á lephū.

1 Kɔlɛŋte 4:8

Á mbɔŋ páʼ pɛ é si ŋkwāŋa ŋ́gɛ, pɛ é ndáʼ ŋgwɛ̄ ajū mīi, Ndém a gɔ eyá á ŋiŋ, tɛ á kuʼ lā mbōo? Páʼ pɛ é si ŋkwāŋa ŋ́gɛ, pɛ lē ŋkuʼ ánɛ anu Ndém lā mbōo? Pɛ é si ŋghʉ̄ɛ páʼ pɛ kʉʉ̄ŋ ncʉ́ʼ mefɔ lā. Ŋ́gɔ́ mé pek, mbɔ pek ké te mefɔ ɔ́. Meŋ á si ŋke ntsáa ŋ́gɛ, pɛ egɔ́ mefɔ, ńzhɛ́ páʼ pek ecʉ́ʼ azék mefɔ.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

1 Timotɛ 1:14

Apɔŋɔ́ ntē te ndhʉ zīi, Atsyapuɔ yímpɛ a wɛɛ̄ ánɛ meŋ, á zá ntsia. A le ghʉ̄ʉ̄, meŋ efɛ́ nnɛ̄t ŋgyá mé yí, ŋ́ghʉ̄ meŋ ewɛ ŋkɔŋne zīi, epuɔ pīi é lɛtneē ánɛ yí mé wɛ̄ɛ.

2 Timotɛ 2:12

Ŋ́gɔ́ éyi ḿpɛ é si ŋkwɛ́tɛ ntē, á ntē ŋgʉɔ̄ʼ páʼ yí, mbɔ ḿpɛ a pɔ́p e láʼ epúte esáʼ ŋgɔŋ. Ḿbiŋ ŋgɔ́ éyi, ḿpɛ é si mbūŋnɛ á yí, mbɔ a a láʼ ezéŋ epuŋne á yímpɛ azí.

Jáak 2:5

Epɔ̄ memía pá pīi meŋ kɔɔ̄ŋ á wɔ́p, pɛ etéŋɛ metuúŋ njúʼ. Ndém mé lɛ te tsɔ́ʼ epuɔ pīi, epuɔ menɔŋ é kwaāŋ ŋ́gɛ, pɔ́ é mepūŋ, ŋ́ghʉ̄ pɔ́ fɛ́ nnɛ̄t ŋgyá á mbū Yɛɛ́so Klísto, ńdɔkɔ ncʉ́ʼɛ megaŋ azō ɔ́ lɛ̄? Ńzéŋ ŋghʉ̄ pɔ́ wɛ lepɔŋ tsīi, é ntē Lefɔ Ndém, páʼ a le laʼnē épúp, á mbū epuɔ pīi pɔ́ kɔɔ̄ŋ á yí lɛ̄?

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.

Menjʉɔ te lí 1:6

Ŋ́ghʉ̄ ŋ́gɛ, ḿpɛ a pɔ́p e epúte esáʼ ŋgɔŋ, ŋ́gɔ́ wɔ nɔŋ‑epɔʼ, ŋ́ghʉ̄ afaʼ á mbū Ndém Mɔʼɔ́ yi. Awuʼte pɔ́ mete e egɔ́ á mbū yí á meŋguʼ meŋguʼ. Á épúp.

Menjʉɔ te lí 20:4

Á tɔ́k épúp, meŋ zéŋ njʉ́ɔ ekɔʼ lefɔ, epuɔ pīi pɔ́ nnáŋte éwú, mɛ́ yá mete á mbū pɔ́p, á lelɔk esáʼ epuɔ. Meŋ zéŋ njʉ́ɔ egega epuɔ pīi, mɛ́ le zaʼté ethū tsɔ́p melaʼ mīi, pɔ́ le kuʼté ashuŋne Ndém, ńnɔŋ eshúŋɔ á ŋiŋ yīi, Yɛɛ́so a ewiɛ́. Égega epuɔ pīi, pɔ́ lɛ te wūʼte á na mbɔɔ akeke zí í, ḿbiŋ te véŋ ŋ́gɛ, mɛ́ etshí á ayiŋne na, á mvhɔ eshhʉ̄ pɔ́p, mbɔɔ ánɛ apū zɔ́p ɔ́. Ndém á ghʉ, epuɔ puɔ mɛ́t, é zím ánɛ lewhʉ̄, pɔ́ a Klísto é sáʼ ŋgɔŋ, ánɛ meŋguʼ ntsāʼ.

Menjʉɔ te lí 20:6

Meshhʉ̄ mbɔŋ é si ŋgɔ́ epuɔ pīi, Ndém a á ghʉ pɔ́ zím ánɛ lewhʉ̄. Ánɛ mvhɔ lezīm ánɛ lewhʉ̄ jʉɔ mɛ́t, pɔ́ é si ŋgɔ́ epuɔ Ndém, pɔ́ té shʉʼ ezéŋ ekwhʉ́te emɔ̄ʼ legʉɔ ɔ́. Pɔ́ e shʉʼ egɔ́ éwɔ nnɔŋ‑epɔʼ Ndém, mbɔɔ epi Klísto. Pɔ́ a Klísto e esáʼ ŋgɔŋ, ánɛ meŋguʼ ntsāʼ mwɔ̄.

Menjʉɔ te lí 22:5

Etsōʼ e é le zɛ́t, ŋiŋ a á le zéŋ ntsá á yí á lejʉ̄ɔ ŋkaʼ yīi, é fhɔ́ɔ ánɛ láam á. A á le zéŋ ntsá á yí á lejʉ̄ɔ ŋkaʼ yīi, é fhɔ́ɔ ánɛ lezēk nu ú. A egɔ́ épúp melaʼ mīi, Atsyapuɔ Ndém a a lɔk ŋkaʼ yí, ékɛʼɛ á wɔ́p. Púp, pɔ́ a pɔ́p e egɔ́ mefɔ á meŋguʼ meŋguʼ.

Menjʉɔ te lí 3:21

Ŋiŋ yīi a á lʉɔ́ʼ tɛ njhʉ́, meŋ a shʉʼ eghʉ, pek yí e enáŋ ánɛ akɔʼ lefɔ zá, ńdeŋ ndeŋ páʼ, meŋ nde lʉɔ́ʼ azá tɛ njhʉ́, ŋ́gʉɔ ntswɛ́tte á Mɔʼɔ́ ga, ánɛ akɔʼ lefɔ zí, ńnáŋ azá éwú lā.