Lomɛŋ 5:12 - Eka Eswhī

¹² Mefa é le gē ekó á ŋgɔŋ, ńzápa ánɛ taʼ ŋiŋ, lezēŋ ŋgaŋ é gɔ́ lɛ Ádam. Mefa é le gē ekó á ŋgɔŋ épúp, ńdɔ̄k á lewhʉ̄ eshʉ̄ʼ. Á shʉʼ épúp, ḿbú ŋkó ánɛ ŋiŋ ntsem, melaʼ mīi mmɔʼ ŋiŋ té fa, a te éwú ú.

Lomɛŋ 5:12 Iomraidhean Croise

Lomɛŋ 3:23

Epuɔ metsem é lē mbú ŋgwhʉ̄ mefa, ésá lewūʼ tsīi, é lezēŋ Ndém.

Lomɛŋ 5:18

Púp, páʼ mefa mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tswá epuɔ menɔŋ metsem ŋgʉɔ athʉ́ lepé lā, ndeŋ ndeŋ épúp, mefaʼ ndeŋ ndeŋ mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tɔ́ŋ epuɔ menɔŋ metsem lɛ, epuɔ ndeŋ ndeŋ. A etsīa épúp, pɔ́ efú ntā á lezēŋ yí.

Lomɛŋ 5:19

Taʼ ŋiŋ a lɛ te nchu Ndém júʼ, á tsia épúp, Ndém á pú ntɔ́ŋ epuɔ menɔŋ metsem lɛ, megaŋ mefa. Ndeŋ ndeŋ épúp, taʼ ŋiŋ a le júʼ nchu Ndém, á tsia épúp, Ndém á tɔ́ŋ atʉtʉ epuɔ lɛ, epuɔ ndeŋ ndeŋ.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 6:21

A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

Jáak 1:15

Mekwaŋte mɛ́t, é zīi nnáŋ á ntē ŋiŋ, ńzí, ńcʉ́ʼ mefa. Mefa é kó ŋgáʼ, ŋ́ghʉ̄, ŋgaŋ á kwhʉ́.

Jáak 3:2

Ḿpɛ metsem é puú ŋgɔ́ á lelʉɛ afʉʼ, ńnɔŋ efāte fate. Ŋiŋ a lʉ́ɛ́ ŋ́gɛ, yí gɛ te ŋgē eshúŋnɛ, ŋ́kwātɛ ɛ́, mbɔ ŋgaŋ a á kwaʼ ŋiŋnɔŋ. Ŋ́kūʼ á yí á lekūʼte nnɛ̄t zi ntsem.