Lomɛŋ 5:11 - Eka Eswhī

¹¹ É té ndaʼ épúp ɔ́. Ḿpɛ é si ŋkāʼtɛ á mvhɔ Ndém, melaʼ Atsyapuɔ yímpɛ Yɛɛ́so Klísto, á yí yīi a á tsetsɔŋɔ, mbɔ a lē ŋghʉ, ekém yímpɛ a Ndém é kó á ŋgyā.

Lomɛŋ 5:11 Iomraidhean Croise

Lúkási 1:46

Malía á lɛ ŋŋāʼ ŋghi zi, ńdé ŋ́gɛ: «Ntē gá é pú ŋgūʼte á Ndém.

Jáaŋ 1:12

Epuɔ pīi é le kokné á yí, épuɔ pīi é le fɛ́ nnɛ̄t ŋgyá mé yí, a le yá á wɔ́p mete á lelɔk ncʉ́ʼ epɔ̄ Ndém.

Lomɛŋ 11:15

Ndém a le náʼ mbaʼne á wɔ́p mé á nzem, ŋghʉ̄ ŋgɔŋ epuɔ metsem, é piŋ nzem á mbū yí. A láʼ aleʼé zīi, Ndém a ghʉɛ, pɔ́ zéŋɛ mbīŋɛ nzem á nnɔ, a lɛ ŋgɔ́ lɛ akɔ̄? A láʼ egɔ́ anu mbɔŋ tɛʼ, égɔ́ páʼ, ŋiŋ a kwhʉ́ɛ, ńzéŋɛ nzímɛ ánɛ lewhʉ̄ lā.

Lomɛŋ 2:17

Wu yīi o ó si ndʉ́ɛ́ ŋ́gɛ, o ó ŋiŋ Yúda, ńnɔŋ ntsēŋnɛ ánɛ lepé Mɔɔ́sɛ, ńnɔŋ ndɔ̄kɔ á Ndém ŋkāʼtɛ.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 5:10

Ḿpɛ le zɛ́t megaŋ mbo Ndém, Ndém mɛ́t, á ké ndɔ̄k á lewhʉ̄ Méŋ yi, ńnéŋ ekém á ŋgyā. Ḿpɛ a Ndém é lē ndáʼ ncʉ́ʼ á taʼ nchu. A gɔ le néŋ té lɔk páʼ Méŋ yi a á nte, ŋ́ghʉ̄ ḿpɛ etswɛ́t ɛ́.

Lomɛŋ 5:3

Á té épúp ndaʼ á, ḿpɛ zeéŋ ŋkaʼte mbɔɔ ánɛ afʉʼ zīi, epuɔ é si mmāʼa ŋgʉɔ̄ʼ á athū pímpɛ, melaʼ mīi, ḿpɛ é si nzhɛ́ɛ á légɛ, ŋiŋ a á ntē ŋgʉɔ̄ʼ páʼā, tɛ́ nzíʼne á lekwɛ̄t ntē.

Lomɛŋ 8:23

Ŋgʉɔ̄ʼ mɛ́t, e te lɛ̄ ŋgɔ́ áa ezi ajūɔ tsem ɛ́, ḿpɛ pīi Ndém a le yá Azwakne zí á mbū pímpɛ, é gɔ́ mvhɔ ecū mīi, a le phʉ́ á yímpɛ, é si nzéŋɛ ntswīɛ̄ azímpɛ á ntē, ŋ́ké mbiŋ ŋgɔ́ tsetsɔŋɔ, ńzwíʼtɛ ŋ́gɛ, Ndém a elɔ̄k á yímpɛ ŋghʉ̄ epɔ̄ pí, ŋ́ghʉ̄, ḿpɛ epú ntswɛ́t ŋgʉɔ̄ʼ.

Lomɛŋ 9:10

Á té épúp ndaʼá, ḿpɛ gɔ́ ezéŋ ndɔ̄k á Lebéka mbɛ́ efʉʼ. Pɔ́ Izak mɔʼɔ́ yímpɛ, é le zhí mefāk.

1 Kɔlɛŋte 10:16

Ḿpɛ puteé ŋgɔ̄ á mpfɛ́t etsō lejhʉ̄ Atsyapuɔ, afʉʼ zīi ḿpɛ kʉɛ ndɔ̄ŋ meluʼ nnúu, ńdɔkɔ ŋgūʼtɛ á Ndém lā, á té páʼā metshi Yɛɛ́so Klísto, é lɔkɔ ŋghʉ̄ɛ, ḿpɛ a pɔ́p é pútɛ ncʉ́ʼɛ á taʼ á lɛ̄? Afʉʼ zīi ḿpɛ pwɔ́ʼtɛ mblɛ mpfɛ́tɛ lā, á té páʼā ḿpɛ a Klísto é lɔkɔ ncʉ́ʼɛ á taʼ á lɛ̄?

2 Kɔlɛŋte 8:19

É té ndaʼ épúp ɔ́, melúŋ epuɔ Yɛɛ́so é le zéŋ ntsɔ́ʼ á yí ŋ́gɛ, a egɔ́ á ŋiŋ nnɔ wek, ánɛ leziŋ ŋghʉ̄ afaʼ a leyā azō, ńdɔk ntswíte emɔ̄ʼ epuɔ. Pek é si ŋghʉ̄ɛ afaʼ jʉɔ mɛ́t, ńdɔkɔ efāʼa ŋ́gɛ, lezēŋ Atsyapuɔ méŋwɛ̄t e egɔ́ ŋguʼte wuʼte. Ńzéŋɛ ndɔkɔ efāʼa á leghʉ, akwaŋte mbɔŋ zīi pek le wɛ̄ɛ̄, á po.

Galat 4:9

Tsetsɔŋɔ, pɛ é si ŋké nchʉ́ɛ nnɛ̄t nzhɛ́ɛ á kwaʼ Ndém. Á ŋgɔ́ éyi a ke gɔ́, meŋ ndé ŋghʉ̄ áa lɛ, yí mé si nchʉ́ɛ nnɛ̄t nzhɛ́ɛ á wɛ́, pɛ gɔ epīiŋ ŋgāa, ńzéŋ mbīŋ á mbū melém pīi, é té ecū ɔ́, ńzi mbú te mete wɛ ɛ̄? Pɛ é si nɔŋ ŋkɔ̄ŋɔ, á lezēŋ ncʉ́ʼ meŋkwa mɔ́p leswhī leswhī lɛ́?

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Fílíip 3:1

Epɔ̄ memía pá, meŋ a ge ezoko ajʉɔ anu mɛ́t, élé á mbū pɛ gɛ: pɛ egáŋte, melaʼ mīi pɛ lɛtneē ánɛ Atsyapuɔ. Á té si nzɛ́tɛ á gá, á lezēŋ ntí á mbū pɛ, ńdɔk mbīŋ ánɛ menu mīi, meŋ ndé zi eshúŋ á wɛ́ ɛ́. Meŋ eghʉ̄ɛ épúp, ńdɔkɔ ŋ́gɛ, ndɛ́ʼ amɔ̄ʼ anu tepɔŋ á ghʉ á wɛ́.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

Fílíip 4:4

Páʼ pɛ lɛtneē ánɛ Atsyapuɔ lā, pɛ enáŋ efʉʼ tsem mé lekāk. Meŋ zéŋɛ ndʉ́ɛ́ mé pɛ, pɛ enáŋ mé lekāk.

Kɔlɔs 2:6

Púp, páʼ pɛ lē mvéŋ á légɛ, Yɛɛ́so Klísto a á efɔ wɛ lā, pɛ elɛ̄tne ánɛ yí.

1 Piɛ 1:8

Á yí yīi, pɛ é si ŋkɔ̄ŋɔ á yí, té zi ŋgɔ́ aleʼé ntshí lezēk ánɛ yí. Á yí yīi, pɛ fɛɛ́ nnɛ̄t ŋgyá á mbū yí, tɛ nzī nzɛ́t áa té jʉ́ɔ á yí. Melaʼ épúp tɛ́, pɛ é ntē lekāk té ndhʉ, ŋ́kák tɛ ŋgɔ́ yīi, mɛ́ gɔ le zhɛ́ páʼ, mɛ́ gɔ eshúŋ épúp ɔ́.