Lomɛŋ 5:10 - Eka Eswhī

¹⁰ Ḿpɛ le zɛ́t megaŋ mbo Ndém, Ndém mɛ́t, á ké ndɔ̄k á lewhʉ̄ Méŋ yi, ńnéŋ ekém á ŋgyā. Ḿpɛ a Ndém é lē ndáʼ ncʉ́ʼ á taʼ nchu. A gɔ le néŋ té lɔk páʼ Méŋ yi a á nte, ŋ́ghʉ̄ ḿpɛ etswɛ́t ɛ́.

Lomɛŋ 5:10 Iomraidhean Croise

Jáaŋ 14:19

Á cʉ́ʼ á méŋ agáʼ afʉʼ lɛ, epuɔ ŋgɔŋ puɔ, é le zéŋ á gá njʉ́ɔ ɔ́. Pɛ pwɔ̄, é ké eshʉʼ ezéŋ ejʉ́ɔ á gá, meŋ gɔ́ nte. Púp, pɛ ezéŋ ŋgɔ́ azɛ́ éwú leswhī leswhī.

Jáaŋ 5:26

Páʼ Mɔʼɔ́ ga méŋwɛ̄t mé wɛɛ̄ á leghʉ, mɛ́ gɔ́ éwú lā, ndeŋ ndeŋ épúp, a lē ŋgyá mete á lelɔk ŋghʉ̄ mɛ́ gɔ́ éwú, á mbū meŋ Méŋ yi.

Jáaŋ 6:40

Ajū mīi Mɔʼɔ́ ga a á si ŋkɔ̄ŋɔ, a ajʉɔ: ŋiŋ ntsem yīi, a á jʉ́ɔ á gá meŋ Méŋ yi, éfɛ́ nnɛ̄t ŋgyá mé meŋ, a a fú eta á lezēŋ Ndém. Meŋ ndáʼ ánɛ nzoknzem aleʼé, ŋ́ghʉ̄ a ezím ánɛ lewhʉ̄. »

Jáaŋ 6:57

Mɔʼɔ́ ga a le tó á gá á ŋgɔŋ, yí mé si ŋghʉ̄ɛ, mɛ́ gɔ́ɔ éwú, yí mé zéŋ nnɔ̄ŋ ŋghʉ̄ɛ, meŋ gɔ́ɔ éwú. Ndeŋ ndeŋ épúp, ŋiŋ a pfɛ́tɛ mbap nnɛ̄t za, mbɔ meŋ a shʉʼ eghʉ, ŋgaŋ a egɔ́ éwú.

Lomɛŋ 11:28

Mɛ́ tsiā ánɛ páʼ pɔ́ le lʉ̄ʼ ŋke mbɔŋ, ńjʉ́ɔ pɔ́ gɔ́ megaŋ mbo Ndém, ŋ́gɔ́ épúp, pɛ ejhʉ́ apɛ. Ḿbiŋ ŋgɔ́ éyi mɛ́ fhɔ́ɔ ánɛ páʼ Ndém mé le kāŋ á wɔ́p, mbɔ a zɛɛ́t ŋkɔŋ á wɔ́p kɔŋ, melaʼ wɔ maŋgānjʉʼ pɔ́p.

Lomɛŋ 5:11

É té ndaʼ épúp ɔ́. Ḿpɛ é si ŋkāʼtɛ á mvhɔ Ndém, melaʼ Atsyapuɔ yímpɛ Yɛɛ́so Klísto, á yí yīi a á tsetsɔŋɔ, mbɔ a lē ŋghʉ, ekém yímpɛ a Ndém é kó á ŋgyā.

Lomɛŋ 5:6

Meŋ á páʼā ndɔkɔ ŋ́gɛ, á lɛ amɔ̄ʼ afʉʼ, ḿpɛ zɛ́t té wɛ mete á lelɔk nzó athū zímpɛ. Afʉʼ zīi Ndém a le néēŋ, á piŋ eshʉ̄ʼ nnáŋ tɛ ŋkūʼ, Klísto á kwhʉ́ á athū pímpɛ megaŋ mefa.

Lomɛŋ 8:32

Yí yīi, a lɛ te kwaʼ Méŋ yi gʉɔ̄ʼ, ḿvéŋ mɛ́ zwhí á yí, á kwhʉ́, ńdɔk nzó á athū zímpɛ metsem. A gɔ epīiŋ ŋghʉ̄ páʼ lā, a á le zápa ajūɔ tsem ánɛ Méŋ yi mɛ́t, ŋ́gyá mé pímpɛ ɛ̄?

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

Lomɛŋ 8:7

Epuɔ pīi pɔ́ ziīŋ páʼ, mbe nnɛ̄t zɔp mé si ntshónɛ á wɔ́p, pɔ́ é si ŋgɔ́ megaŋ mbo Ndém. Pɔ́ té lepé Ndém kúʼte, ńzi ŋgɔ́ yīi, pɔ́ gɔ le éwú kuʼ.

2 Kɔlɛŋte 5:20

Pek é páʼā ndɔk ŋgɔ́ wɔ mɛmekém Klísto, púp, Ndém méŋwɛ̄t mé nɔŋ nzápa ánɛ pek, ńtɔ́ŋɔ á wɛ́. Pek é swíŋte á wɛ́ ánɛ lezēŋ Klísto, pɛ elɛ ncʉ́ʼ, pɛ a Ndém e ecʉ́ʼ á taʼ nchu.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Efɛze 2:16

Ńzéŋɛ ndɔkɔ efāʼa á lefhō ánɛ páʼ, a le kwhʉ́ ánɛ mbaŋne paŋné, ńcúʼte á wɔ́p, pɔ́ cʉ́ʼ á taʼ nnɔ. Ńcʉ́ʼ á taʼ nnɔ épúp, pɔ́ metsem pɔ́ a Ndém é gɔ́ á taʼ nchu. A le lɔ̄k á yí á lekwhʉ̄ ánɛ mbaŋne paŋné, ḿbú mbík mbo.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

Eble 2:17

Melaʼ épúp tɛ́, a le pú eswhí epɔ̄ memía pí ánɛ ajūɔ tsem, tɛ ncʉ́ʼ á nnɔŋ‑epɔʼ eyi ndʉɛ, ŋ́gɔ́ á ŋgaŋ atsāmezeŋɛ, ńzīŋ ánɛ mekhu Ndém té miʼte, ńdɔkɔ efāʼa á lesok mefa epuɔ menɔŋ metsem.

Eble 7:25

É melaʼ épúp tɛ́, a kuūʼ á yí á leghʉ, epuɔ pīi pɔ́ é si nzápa ánɛ yí, ńtshótɛ nnɛ̄t mé lezēŋ Ndém, é tswɛ́t tɛ ndaʼ, melaʼ mīi, a á efʉʼ metsem, ŋ́gɔ́ áa nte, ńzéŋ nnɔŋ eswíŋtɛ á Ndém á athū pɔ́p.

1 Jáaŋ 2:1

Ewɔŋkhʉ̄ pá, meŋ tíi páʼa, ńdɔkɔ eshúŋɔ á wɛ́ ŋ́gɛ, ndɛ́ʼ pɛ ezéŋ ŋghʉ̄ mefa. Ŋiŋ wɛ a pikɛ tɛ ŋgwhʉ̄ ánɛ mefa, mbɔ ḿpɛ wɛɛ̄ á ntɔk‑nzem yímpɛ, á mvhɔ Ndém Mɔʼɔ́, á gɔ́ Yɛɛ́so Klísto, ŋiŋ ndeŋ ndeŋ.

1 Jáaŋ 4:10

Ḿpɛ ejʉ́ɔ ajū mīi, ŋkɔŋ e é si ŋgɔ́ eziɛ́: ḿpɛ mé lɛ te zī á lekɔŋ á Ndém ɛ́, yí mé le zī á lekɔŋ á yímpɛ, ńtó á tséŋ Méŋ yi ŋ́gɛ, a eshʉʼ ŋgyá á athū nnɛ̄t zí, ńdɔk esōk mefa mímpɛ.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.