Lomɛŋ 5:1 - Eka Eswhī

¹ Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 5:1 Iomraidhean Croise

Lúkási 19:38

Ŋ́gyá á lepɛ ŋ́gɛ: «Mbwɛ́né e egɔ́ á mbū efɔ yīi, a shʉʼɛ, mbɔ Ndém mé chʉ́ á yí, ńtó á mbū pek la. Á Ndém yīi a á lephū, ŋ́gɔ́ á ŋgaŋ mbwɛ́né, alāʼ a epú ŋgūʼte á yí. »

Lúkási 19:42

Ńdé ŋ́gɛ: «Pɛ epuɔ Yelósalɛm, a láʼa ŋgɔ́ yīi, pɛ le zhɛ́ azɛ́ ajū mīi, á gɔ eyá á wɛ́ apwɛne ayáʼa ā? Ajʉɔ anu mɛ́t á piteé á wɛ́, pɛ gɔ le jʉ́ɔ.

Lúkási 2:14

«Awuʼte á mbū Ndém tɛ‑athʉ́‑lephū. Apwɛne zí á gɔ́ á ndo esī atsetsáʼ, á mbū epuɔ pīi, a kɔɔ̄ŋ á wɔ́p. »

Jáaŋ 14:27

«Meŋ á tsya apwɛne á mbū pɛ. Meŋ á yá apwɛne zá á mbū pɛ. Meŋ te ŋgyáa ánɛ ntií zīi, epuɔ ŋgɔŋ puɔ, é lɔɔ̄k ŋgyá apwɛne ɛ́. Ndɛ́ʼ além zɛ́ á zéŋ ntsɔ́ʼɔ, ndɛ́ʼ pɛ ezéŋ ncɔ̄ʼ.

Jáaŋ 16:33

Meŋ á pú eshúŋ á wɛ́ emuɔ menu mɛ́t, ńdɔkɔ ŋ́gɛ, páʼ pɛ lɛtneē ánɛ meŋ lā, apwɛne a egɔ́ mé pɛ. Pɛ é ntē ŋgɔŋ ega páʼa, ŋ́gɔ́ áa ntē atapne. Táʼ, pɛ eké ŋkāk ete, meŋ ndē ndáʼ nte ńtsyā anu tepɔŋ, á ŋgɔŋ ega. »

Jáaŋ 20:31

Mɛ́ le tí emuɔ páʼa, ńdɔkɔ ŋ́gɛ, pɛ evéŋ á légɛ, Yɛɛ́so mé zi ŋgɔ́ á Nzaʼ‑Ŋkhʉ, á Méŋ Ndém. Ńzéŋɛ ndɔkɔ ŋ́gɛ, o fíɛ́ nnɛ̄t ŋgyá á mbū yí, mbɔ a a láʼ eghʉ, o etā á lezēŋ Ndém.

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Mefaʼ Meziŋ-ntō 10:36

Pɛ ke júʼ ŋke mbɔŋ yīi, Ndém a ke tó á mbū epuɔ Islaɛl ŋ́gɛ, Yɛɛ́so Klísto a ke shʉʼē, á letswaŋ epuɔ menɔŋ, pɔ́ a Ndém é cʉ́ʼ á taʼ nchu. Yɛɛ́so mɛ́t, a á Atsyapuɔ ŋgɔŋ epuɔ metsem.

Lomɛŋ 1:17

Ŋke mbɔŋ mɛ́t mé zi ntswī páʼ, Ndém a gē etɔ́ŋ á ŋiŋ lɛ, ŋiŋ ndeŋ ndeŋ, á tsia épúp. A fhoó ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto, ńdáʼ efɛ́ fɛ́ tɛ nzōko. Á gɔ́ páʼ mɛ́ leé á ntē aŋwaʼne Ndém ŋ́gɛ: «Ŋiŋ a a láʼ egē ekwaʼ egɔ́ éwú, égɔ́ áa ŋiŋ yīi, a á fɛ́ nnɛ̄t ŋgyá á mbū Ndém, Ndém á tɔ́ŋ á yí lɛ, ŋiŋ ndeŋ ndeŋ. »

Lomɛŋ 1:7

Meŋ tíi akɛtte jʉɔ páʼa, á mbū pɛ epuɔ tésɔŋ Lóma metsem. Á wɛ́ pīi Ndém a kɔɔ̄ŋ á wɛ́, á wɛ́ pīi Ndém a le tɔ́ŋ á wɛ́, ŋ́gɛ pɛ egɔ́ epuɔ pí. Ŋ́gɛ Mɔʼɔ́ yímpɛ Ndém, pɔ́ Yɛɛ́so Klísto Atsyapuɔ yímpɛ, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Lomɛŋ 10:10

Ŋiŋ a fɛɛ́ nnɛ̄t ŋgyá á mbū Yɛɛ́so páʼā, Ndém á tɔ́ŋ á ŋgaŋ lɛ, ŋiŋ ndeŋ ndeŋ. Ŋiŋ a lɔɔ̄k nchu yí, ḿvéŋ á mvhɔ epuɔ á légɛ, Yɛɛ́so a á Atsyapuɔ páʼā, Ndém á ghʉ ŋgaŋ á tswɛ́t.

Lomɛŋ 10:15

Ŋiŋ a gɔ epīiŋ ŋghʉ̄ páʼ lā, éshúŋ anu ánɛ yí, té gɔ́ yīi, mɛ́ é tó á yí í. Á gɔ́ páʼ, mɛ́ leé á ntē aŋwaʼne Ndém ŋ́gɛ: «Á mbɔŋ á lejʉ̄ɔ epuɔ pīi, pɔ́ shʉʼɛ á ntswiī ŋke mbɔŋ. »

Lomɛŋ 14:17

melaʼ mīi, Lefɔ Ndém é té si ŋgɔ́ anu etsō lejhʉ̄ pɔ́ anu meluʼ ɔ́. É si ŋgɔ́ á lecʉ̄ʼ, Azwakne Ndém á ghʉ, mɛ́ lɔk á ndeŋ ndeŋ nnáŋ, ńnáŋ mé apwɛne, ńnáŋ mé lekāk.

Lomɛŋ 15:13

Meŋ á si eswíŋtɛ ŋ́gɛ, Ndém, páʼ ḿpɛ zwiʼteé ajūɔ tsem áa mbū yí lā, a elɛ efhó ánɛ páʼ pɛ fɛɛ́ nnɛ̄t ŋgyá á mbū Klísto lā, ŋ́ghʉ̄, lekāk pɔ́ apwɛne e egɔ́ á ntē pɛ tɛ ndó. Tɛ́ mete Azwakne zí, é eghʉ̄, pɛ ecuŋte nzwíʼte ajū mīi, a le laʼnē á leyā á mbū pɛ.

Lomɛŋ 15:33

Ŋ́gɛ Ndém, á ŋwɛ́t apwɛne, a egɔ́ mé pɛ metsem. Á épúp.

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 4:5

Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 5:11

É té ndaʼ épúp ɔ́. Ḿpɛ é si ŋkāʼtɛ á mvhɔ Ndém, melaʼ Atsyapuɔ yímpɛ Yɛɛ́so Klísto, á yí yīi a á tsetsɔŋɔ, mbɔ a lē ŋghʉ, ekém yímpɛ a Ndém é kó á ŋgyā.

Lomɛŋ 5:18

Púp, páʼ mefa mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tswá epuɔ menɔŋ metsem ŋgʉɔ athʉ́ lepé lā, ndeŋ ndeŋ épúp, mefaʼ ndeŋ ndeŋ mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tɔ́ŋ epuɔ menɔŋ metsem lɛ, epuɔ ndeŋ ndeŋ. A etsīa épúp, pɔ́ efú ntā á lezēŋ yí.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

Lomɛŋ 9:30

Ḿpɛ gɔ efhó ánɛ ajʉɔ anu, ńdé ŋ́gɛ akɔ̄? Ḿpɛ gɔ elé ŋ́gɛ, epuɔ pīi é té epuɔ Yúda á, épuɔ pīi é lɛ te nɔ̄ŋ efāʼa á wɔ́p á legɔ̄ epuɔ ndeŋ ndeŋ, á mvhɔ Ndém ɛ́, Ndém a le fhó ánɛ wɔ́p á lefɛ̄ nnɛ̄t ŋgyá mé Yɛɛ́so, ńtɔ́ŋ á wɔ́p lɛ, epuɔ ndeŋ ndeŋ.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 3:25

Táʼ, tɛ efhó páʼ ḿpɛ é le zī á lefɛ̄ nnɛ̄t ŋgyá á mbū Klísto, ḿpɛ te pɔŋté á lezēŋ njúʼ á mbū ŋiŋ mɛ́t ɛ́.

Galat 5:22

Pɛ eké njʉ́ɔ ntá zīi, Azwakne Ndém á ghʉ̄ʉ, ŋiŋ á zém. Á ghʉʉ̄, ŋiŋ á wɛ ŋkɔŋne. Ŋ́ghʉ̄, ŋiŋ á náŋ mé lekāk. Ŋ́ghʉ̄, ŋiŋ á náŋ mé apwɛne. Ŋ́ghʉ̄, ŋiŋ a te gákne nzáŋ á lɔ́ŋ ɔ́. Ŋ́ghʉ̄, ŋiŋ á wɛ apɔŋɔ́ ntē. Ŋ́ghʉ̄, ŋiŋ tswíte emɔ̄ʼ epuɔ. Ŋ́ghʉ̄, ŋiŋ á gɔ́ ŋiŋ yīi, mɛ́ gɔ etém nzem ŋgyá á mbū yí.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Kɔlɔs 1:20

Ndém a le kɔ̄ɔ̄ŋ, ńzápa ánɛ Méŋ yi, ŋ́ghʉ̄ pɔ́ a ajūɔ tsem, é zéŋ ncʉ́ʼ á taʼ nchu. Ndém a le fhó ánɛ páʼ, Méŋ yi a le pfɛttē metshi mí ánɛ mbaŋne paŋné, ŋ́kɔ̄ŋ ŋ́gɛ, pɔ́ a epuɔ menɔŋ metsem, e ezéŋ ncʉ́ʼ á taʼ nchu. Púp, pɔ́ a ajūɔ tsem zīi, á esī atsetsáʼ, mbɔɔ á athʉ́ lephū, é lɔkɔ mbúu ŋgɔ́ɔ á taʼ nchu.

Kɔlɔs 3:15

Ŋ́gɛ apwɛne zīi, á fhɔ́ɔ á mbū Klísto, a egɔ́ á ntē pɛ. Ndém a lɛɛ́ ntɔ́ŋɔ á wɛ́ ndɔkɔ ŋghʉ̄ɛ epuɔ pí páʼā, ŋ́gɛ pɛ enáŋ á ntē apwɛne jʉɔ mɛ́t, ŋ́gɔ́ á taʼ nchu. Pɛ esyákne á yí efʉʼ metsem.

1 Tesalonik 5:23

Ŋ́gɛ Ndém, á ŋwɛ́t apwɛne, a elɛ ŋghʉ̄ pɛ egɔ́ té alɔ́ʼ tɛ nzōko, éféŋ egega tsɛ́, mbɔɔ membe nnɛ̄t mɛ́, ŋ́ghʉ̄ mentē mɛ́, á alá apū yí, tɛ Atsyapuɔ yímpɛ Yɛɛ́so Klísto a eláʼ ŋgē epiŋ nzem, mɛ́ enɔ̄ŋ le ndāʼa á wɛ́ ɛ́.

2 Tesalonik 3:16

Ŋ́gɛ Atsyapuɔ méŋwɛ̄t, á ŋwɛ́t apwɛne, a eyá á wɛ́ apwɛne, éfʉʼ tsem mbɔɔ ánɛ ntií ntsem. Ŋ́gɛ Atsyapuɔ a egɔ́ mé pɛ metsem.

Eble 13:20

Ndém, á ŋwɛ́t apwɛne, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄. Ńzím épúp, ńcʉ́ʼ á mía mía mpfɛnne‑memvhō Ndém, ńtsīa ánɛ páʼ, á le lɔ̄k metshi mí, ŋ́kwɛ́t eka yīi, é naáŋ á lemiʼɛ.