Lomɛŋ 4:6 - Eka Eswhī

⁶ Ndavít a le láʼ ndé anu, ńdɔk eshúŋ páʼ, ŋiŋ yīi Ndém a á tɔ́ŋ á yí lɛ, ŋiŋ ndeŋ ndeŋ, té cʉte mefaʼ ŋgaŋ, a á eshhʉ̄ mbɔŋ. A le lé ŋ́gɛ:

Lomɛŋ 4:6 Iomraidhean Croise

Matío 25:19

Á náʼ nzī nnáŋ, mɔʼɔ́ megaŋ afaʼ pwɔ̄ á kɔ́ʼ, pɔ́ a pɔ́p é ghʉ nnáŋ á esī, ŋ́gɔ̄ á njʉ́ɔ páʼ ŋkāp zi e ké cʉ́ʼ nzīŋ épúp.

Lomɛŋ 1:17

Ŋke mbɔŋ mɛ́t mé zi ntswī páʼ, Ndém a gē etɔ́ŋ á ŋiŋ lɛ, ŋiŋ ndeŋ ndeŋ, á tsia épúp. A fhoó ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto, ńdáʼ efɛ́ fɛ́ tɛ nzōko. Á gɔ́ páʼ mɛ́ leé á ntē aŋwaʼne Ndém ŋ́gɛ: «Ŋiŋ a a láʼ egē ekwaʼ egɔ́ éwú, égɔ́ áa ŋiŋ yīi, a á fɛ́ nnɛ̄t ŋgyá á mbū Ndém, Ndém á tɔ́ŋ á yí lɛ, ŋiŋ ndeŋ ndeŋ. »

Lomɛŋ 3:27

Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

Lomɛŋ 4:11

Ndém a le tɔ́ŋ á Ablaham lɛ ŋiŋ ndeŋ ndeŋ, tɛ́ mɛ́ shʉʼ ntém á yí, á gɔ́ ayiŋne. Ayiŋne jʉɔ mɛ́t á lɔkɔ ntswīi á légɛ, Ndém a á zápa ánɛ lefɛ̄ nnɛ̄t Ablaham, tɛ́ ntɔ́ŋ á yí lɛ, ŋiŋ ndeŋ ndeŋ, tɛ mɛ́ zɛ́t té tém á yí. Á fhó épúp, Ndém á lɔk á yí ŋghʉ̄ á mɔʼɔ́ epuɔ pīi, pɔ́ fɛɛ́ nnɛ̄t ŋgyá á mbū yí Ndém, té gɔ̄ yīi, mɛ́ é tém á wɔ́p, tɛ́ a etsīa épúp, a etɔ́ŋ á wɔ́p lɛ epuɔ ndeŋ ndeŋ.

Lomɛŋ 4:24

Mɛ́ lɛɛ́ nzéŋɛ ndʉ́ɛ́ tɛ mbɔɔ yímpɛ. Ndém a a láʼ etɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá mé yí yīi, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄.

Lomɛŋ 4:5

Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 4:7

«Eshhʉ̄ mbɔŋ a á si ŋgɔ́ á ŋiŋ yīi, Ndém a á lekne mefa mí, á ŋiŋ yīi, Ndém a á fók menu tepɔŋ mí.

Lomɛŋ 4:9

Anu jʉɔ mɛ́t, ánɛ legɔ̄ eshhʉ̄ mbɔŋ, á páʼā, ńdɛ ncʉ̄te áa epuɔ pīi, mɛ́ le tém á wɔ́p lɛ́? Ŋgáŋ, á zéŋ ncʉte mbɔɔ epuɔ pīi, mɛ́ la á wɔ́p tém ɛ́. Pek é zi ndé ŋ́gɛ: «Ablaham a le fɛ́ nnɛ̄t ŋgyá á mbū Ndém, Ndém á tsia épúp, ńtɔ́ŋ á yí lɛ, ŋiŋ ndeŋ ndeŋ. »

1 Kɔlɛŋte 1:30

Yí Ndém mé le tswāŋ á wɛ́ a Yɛɛ́so Klísto. Ŋ́ghʉ̄ɛ épúp páʼā, ŋ́gɛ Yɛɛ́so Klísto a egɔ́ á mbū pímpɛ, ŋ́gɔ́ á ŋiŋ yīi a zíʼnɛ azhɛ̄‑anu zīi, á fhɔ́ɔ á mbū yí Ndém. Á zeéŋ ŋgɔ́ melaʼ Yɛɛ́so mɛ́t, tɛ́ ḿpɛ é epuɔ ndeŋ ndeŋ á mvhɔ Ndém. Mbɔ Yɛɛ́so a le cūʼ á yímpɛ, ánɛ mefa, ḿpɛ é tswhi ŋgɔ́ epuɔ Ndém.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 3:14

Klísto a le ghʉ̄ épúp, ńdɔkɔ ŋ́gɛ, etsō mbɔŋ tɛ nzáne tsīi, Ndém a le phʉ́ á mbū Ablaham, a efhó ánɛ páʼ epuɔ pīi, é té epuɔ Yúda á, é fɛɛ́ nnɛ̄t ŋgyá á mbū Yɛɛ́so Klísto, ŋ́gyá etsō mbɔŋ mɛ́t á mbū pɔ́p azɔ́p. Klísto a lɛɛ́ nzéŋɛ ndɔkɔ ŋ́gɛ, páʼ ḿpɛ é fɛɛ́ nnɛ̄t ŋgyá á mbū yí lā, Ndém a eyá á yímpɛ Azwakne zí zīi, a le phʉ́ʉ̄.

Galat 4:15

Á lɛ afʉʼ mɛ́t, ŋgɔŋ é pú mbɔ̄ŋ á wɛ́, tɛ pɛ é gɔ́ mé letsɔ̄ʼ menēk mɛ́ ŋgyá mé meŋ. Meŋ nde chʉ́ nnɛ̄t, ńdɔ̄k menēk má njʉ́ɔ, lekāk wɛ mɛ́t, a ke pīŋ ŋghʉ páʼ lā mmī í?

Efɛze 1:3

Awuʼte a egɔ́ á mbū Ndém, á Mɔʼɔ́ Atsyapuɔ yímpɛ Yɛɛ́so Klísto. A le fhó á lephū, ńzápa ánɛ páʼ ḿpɛ lɛtneē ánɛ Klísto, ŋ́gyá á yímpɛ etsō mbɔŋ ntsem tsīi, e tswíte á yímpɛ á lenāŋ páʼ a á si ŋkɔŋɔ.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

2 Timotɛ 1:9

Ndém mé le ghʉ̄ ḿpɛ é tswɛ́t, ńtɔ́ŋ á yímpɛ ndɔ̄k ŋghʉ̄ epuɔ pí. A lɛ te gē eghʉ épúp, éfhó ánɛ mefaʼ mbɔŋ mímpɛ ɛ́, a le fhó ánɛ páʼ, a le kwāŋ épúp, éfhó ánɛ apɔŋɔ́ ntē te ndhʉ zí, ánɛ epuɔ menɔŋ. A le té njhʉ̄ nzápa ánɛ Yɛɛ́so Klísto, ńtswī á yímpɛ apɔŋɔ́ ntē te ndhʉ jʉɔ mɛ́t, tɛ nzī nzɛ́t áa te nɔŋ ŋgɔŋ.

Jáak 2:18

Ŋiŋ a gɔ elé ŋ́gɛ: «Emɔ̄ʼ epuɔ é éwú, éfɛ́ nnɛ̄t ŋgyá á mbū Yɛɛ́so Klísto. Emɔ̄ʼ é ghʉ mefaʼ tɛ́ ndɔk ntswī. » Mbɔ meŋ a tsɔ́ʼ á mbū yí égɛ: «Tswi á gá ewu lefɛ̄t nnɛ̄t, té lɔk mefaʼ. Meŋ mbīŋ ndɔ̄k mefaʼ, ńtswī á wú á légɛ, meŋ fɛɛ́ nnɛ̄t ŋgyá á mbū Yɛɛ́so Klísto. »

2 Piɛ 1:1

Meŋ Simɔŋ Piɛ, ŋ́gɔ́ á ŋgaŋ afaʼ Yɛɛ́so Klísto, ńzéŋ ŋgɔ́ á nziŋ‑ntō yi, mé tíi akɛtte jʉɔ páʼa. Ńtíi á mbū epuɔ pīi, é lē efɛ́ nnɛ̄t ŋgyá á mbū Yɛɛ́so, páʼ pek lā. Lefɛ̄ nnɛ̄t ŋgyá mé Yɛɛ́so, á azō ntē nzwiŋ tɛʼ, á mbū pɛ, mbɔɔ á mbū pek. Yɛɛ́so Klísto mé le ghʉ̄ épúp ánɛ pímpɛ, melaʼ mīi, a lɔɔ̄k á ndeŋ ndeŋ, tɛ́ ŋghʉ̄ azō ánɛ awíɛ awíɛ. A á Ndém yímpɛ, ńzéŋ ŋgɔ́ á Ŋghʉɛ‑mɛ́‑tswɛ́t.