Lomɛŋ 4:5 - Eka Eswhī

⁵ Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 4:5 Iomraidhean Croise

Málkúsi 9:23

Yɛɛ́so á lé á mbū yí ŋ́gɛ: «O ó gɛ éyi meŋ á kuʼ e? Amɔ̄ʼ azō á té éwú zīi, á gɔ etsya á ŋiŋ yīi, a fɛɛ́ nnɛ̄t ŋgyā á mbū Ndém ɛ́. »

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Jáaŋ 6:29

Á tsɔ́ʼ á mbū pɔ́p ŋ́gɛ: «Leghʉ ajū mīi, Ndém a á si ŋkɔ̄ŋɔ, a á si ŋgɔ́ á lefɛ̄ nnɛ̄t ŋgyá mé ŋiŋ yīi, Ndém mɛ́t a ke tó á yí á ŋgɔŋ. »

Lomɛŋ 10:3

Pɔ́ té si nzhɛ́ɛ páʼ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp ɔ́. Pɔ́ méŋwɛ̄t mé si efāʼa ewɔp mɛnzhɛ, á lelɔk ŋgɔ́ epuɔ ndeŋ ndeŋ, á mvhɔ Ndém. Pɔ́ é si ŋghʉ̄ɛ épúp, ńdɔkɔ ndʉ̄ʼɛ á mɛnzhɛ yīi, Ndém a tsiā éwú, tɛ́ ntɔ́ŋ á ŋiŋ lɛ, ŋiŋ ndeŋ ndeŋ.

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 4:24

Mɛ́ lɛɛ́ nzéŋɛ ndʉ́ɛ́ tɛ mbɔɔ yímpɛ. Ndém a a láʼ etɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá mé yí yīi, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄.

Lomɛŋ 4:3

Aŋwaʼne Ndém á zi ndé ŋ́gɛ akɔ̄? Á leé ŋ́gɛ: «Ablaham a le fɛ́ nnɛ̄t ŋgyá á mbū Ndém, Ndém á tsia épúp, ńtɔ́ŋ á yí lɛ, ŋiŋ ndeŋ ndeŋ. »

Lomɛŋ 4:6

Ndavít a le láʼ ndé anu, ńdɔk eshúŋ páʼ, ŋiŋ yīi Ndém a á tɔ́ŋ á yí lɛ, ŋiŋ ndeŋ ndeŋ, té cʉte mefaʼ ŋgaŋ, a á eshhʉ̄ mbɔŋ. A le lé ŋ́gɛ:

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.