Lomɛŋ 4:21 - Eka Eswhī

²¹ Ńnɔŋ ncūŋtɛ nzhɛ́ɛ á ntē yí á légɛ, Ndém a kuūʼ á yí á leghʉ, ajū mīi yí é ndāʼne, á po.

Lomɛŋ 4:21 Iomraidhean Croise

Matío 19:26

Yɛɛ́so á pʉ́ʼɛ menēk ntshí ánɛ pɔ́p, ńdé ŋ́gɛ: «Ajʉɔ anu mɛ́t á gɔ etsyāa áa epuɔ menɔŋ, ŋ́ké ŋgɔ́ á mbū Ndém, mbɔ a kuūʼ á leghʉ ajūɔ tsem. »

Lúkási 1:1

Ndi Teofil, o ó si nzhɛ́ɛ menu mīi, é ke tɔ́k á tsetsɛlɛ pímpɛ. Epuɔ tɛ nzáne é ke fāʼ eshhʉ̄ á letī azɔ́p. Pɔ́ ke tí á mbɔŋɔ́ páʼ wɔ njhʉɛ‑njʉɔ́ e ke pɛté eshúŋ á yímpɛ épúp. Ŋ́gɔ́ epuɔ pīi, é ke jʉ́ɔ menu mɛ́t, tɛ efhó á nzií, ḿbiŋ mbú ncʉ́ʼ azɔ́p wɔ shúŋ‑anu Ndém mɛ́t.

Lúkási 1:37

Ńdɔkɔ ŋ́gɛ, amɔ̄ʼ azō á gɔ le Ndém tsya. »

Lúkási 1:45

O wɛɛ̄ mbwɛ́né, wu yīi o ó véŋ ŋ́gɛ menu mīi, cɔʼ Ndém a ke lé me wu lā, e shʉʼ epoo. »

Lomɛŋ 14:4

O ó páʼa ŋgɔ́ áa awɔ́, tɛ nthúɔ alɔ́ʼ ŋgaŋ afaʼ ŋiŋ ndɛʼɛ, tɛ mbāa á yí í? A faa lo, ŋ́gɔ́ te fāa lo, á cʉte áa mɔʼɔ́ afaʼ yi. Á páʼā ŋgɔ́ éyi, ŋgaŋ afaʼ Atsyapuɔ, a gɔ le gē eghʉ épúp, ńdɔkɔ efāa, melaʼ mīi Atsyapuɔ á pɔɔ́ŋ mete á lelɔk ntɔ́te á yí, tɛ a á le fāa.

Lomɛŋ 14:5

Emɔ̄ʼ epuɔ é kwaāŋ ŋ́gɛ, emɔ̄ʼ meleʼé alāʼ é tsyaā emɔ̄ʼ. Emɔ̄ʼ epuɔ é kwaŋ azɔ́p ŋ́gɛ, eleʼé alāʼ ntsem, é puú ŋgɔ́ áa taʼ azō. Ŋiŋ a ké nnɔ̄ŋ ŋkwāŋa ánɛ eziɛ́ ntií lɛ́, á cuŋte nzhɛ́ ajū mīi a kwaŋa.

Lomɛŋ 8:38

Meŋ á si ncuŋtɛ nzhɛ́ɛ á légɛ, amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́, tɛ a láʼa ŋgɔ́ á lewhʉ̄ ká á legɔ̄ éwú. Tɛ é láʼa ŋgɔ́ mecɔʼ Ndém ká emɔ̄ʼ ecū mīi, é sáʼa ndo esī atsetsáʼ. Tɛ é láʼa ŋgɔ́ menu mīi, é tsetseŋɔ ntɔ́kɔ, ká emi é shʉʼ tɛ́ shʉʼe. Tɛ é láʼa ŋgɔ́ emɔ̄ʼ mete ndɛʼɛ.

2 Kɔlɛŋte 9:8

Ndém a kuūʼ á leyā á ntií ntiī etsō mbɔŋ té ndhʉ á mbū pɛ, ńdɔkɔ efāʼa ŋ́gɛ, pɛ egɔ́ efʉʼ metsem, ŋ́gwɛ̄ ajūɔ tsem zīi, á kuʼ á mbū pɛ, tɛ nzéŋ ŋgwɛ̄ azi, pɛ gɔ eyá, ńdɔ̄k ntswíte á leghʉ mefaʼ mbɔŋ ntsem.

2 Timotɛ 1:12

É melaʼ épúp tɛ́, meŋ jʉ́ɔ ejʉɔ ntií ŋgʉɔ̄ʼ. Esē é ké te si ŋkúu á gá melaʼ épúp ɔ́, melaʼ mīi, meŋ á si nzhɛ́ɛ á ŋiŋ yīi, meŋ ndē efɛ́ nnɛ̄t za ŋgyá á mbū yí. Meŋ á si ncuŋtɛ nzhɛ́ɛ á légɛ, ŋgaŋ a wɛɛ̄ mete, á lelɔk ŋkápte ŋke mbɔŋ, páʼ a le tsekné á mbū meŋ. Ŋ́kápte tɛ ndáʼ ŋkó á aleʼé zīi, a piŋɛ nzem, ŋ́gɔ̄ á nzáʼ ntsaŋ.

Eble 11:13

Ablaham pɔ́ a epuɔ pí mɛ́t, é le pú ŋkwhʉ́te metsem, té wɛ ajū mīi, Ndém a le laʼnē á mbū pɔ́p. Táʼ, ŋ́ké nzápa ánɛ wɔ́p á lefɛ̄ nnɛ̄t ŋgyá á mbū Ndém, ńzhɛ́ á légɛ, pɔ́ é ndáʼ ŋgwɛ̄ etsō mɛ́t ntsem, á pɔŋ á wɔ́p, pɔ́ zhɛ́ á légɛ, pɔ́ é esī atsetsáʼ páʼā, ŋ́gɔ́ áa metsia nzhɛ, ŋ́gɔ́ áa mege.

Eble 11:19

Ablaham á le nɔ̄ŋ nzhɛ́ɛ á légɛ, Ndém a kuūʼ á yí á leghʉ, mepfhō é zím ánɛ lewhʉ̄. Melaʼ épúp tɛ́, Ndém a le tsɔ́ʼ á méŋ yi, ŋ́gyá mé yí, tɛ á gɔ́ áa páʼ, a á zím ánɛ lewhʉ̄ lā, á lɔkɔ eshúŋɔ anu.