Lomɛŋ 4:20 - Eka Eswhī

²⁰ Ablaham a lɛ te náʼ mmīʼte ánɛ alaʼne zīi, Ndém a le ghʉ̄ á mbū yí í. A cʉ́ʼɛ épúp mbɔ, yí lefɛ̄ nnɛ̄t ŋgyá á mbū Ndém, a le nɔ̄ŋ ŋghʉɛ, á kaka ete, ńzéŋ nnɔŋ ŋgūʼtɛ á Ndém.

Lomɛŋ 4:20 Iomraidhean Croise

Matío 9:8

Epuɔ menɔŋ é jʉ́ɔ anu ajʉɔ mɛ́t, ńcɔ̄ʼ tɛʼ, ḿbiŋ ŋgūʼte á Ndém, páʼ a á yá ejʉɔ ntií mete á mbū ŋiŋnɔŋ.

Lúkási 1:18

Sakalía á júʼ épúp, ńzɛ́tte á cɔʼ Ndém ŋ́gɛ: «Meŋ a shʉʼ ege ezhɛ́ épúp, éjʉ́ɔ akɔ̄? Pek nzwí ga, é gɔ egaá, ńzwīŋ tɛ ŋgɔ́ páʼa, ńzéŋ á mɔ́ nzhí í?»

Lúkási 1:45

O wɛɛ̄ mbwɛ́né, wu yīi o ó véŋ ŋ́gɛ menu mīi, cɔʼ Ndém a ke lé me wu lā, e shʉʼ epoo. »

1 Kɔlɛŋte 16:13

Ndɛ́ʼ ŋiŋ á lí, pɛ echʉ́ nnɛ̄t ŋkúʼte anu Klísto tɛ a etē, pɛ egɔ́ á kwaʼ mbaŋa, ndɛ́ʼ amɔ̄ʼ azō á faŋne á wɛ́.

2 Kɔlɛŋte 12:10

Melaʼ épúp tɛ́, meŋ nɔɔ̄ŋ mbwɛ́tɛ lɛ akɔ̄ lɛ́, mɛ́ nɔŋ nzɔ̄tɛ á gá lɛ akɔ̄ lɛ́, Eziɛ́ ntií ŋgʉɔ̄ʼ é nɔ̄ŋ eshʉ̄ʼɛ ánɛ meŋ lɛ́, mɛ́ nɔŋ ndʉɔ́ʼɔ á gá lɛ akɔ̄ lɛ́, meŋ gɔ́ á ntē eziɛ́ ntií atapne melaʼ anu Klísto lɛ́, ntē gá é nɔŋ ké ŋgáŋte gaŋté, melaʼ mīi meŋ nɔɔ̄ŋ mbwɛ́tɛ páʼā, tɛ́ mete Ndém é ghʉ, meŋ ekāak ete.

Efɛze 6:10

Meŋ a ge ezoko, élé gɛ, páʼ pɛ lɛtneē ánɛ Atsyapuɔ lā, pɛ ezápa ánɛ mía mía mete mīi, a yáa á mbū pɛ, ńtswiʼne ntēte.

2 Timotɛ 2:1

Ŋ́ké ŋgɔ́ mé wu yīi, o ó méŋ ga, lɛ ncʉ́ʼ Yɛɛ́so Klísto a eyá á wú mete, éfhó ánɛ páʼ a wɛɛ̄ apɔŋɔ́ ntē te ndhʉ.