Lomɛŋ 4:2 - Eka Eswhī

² Ndém a le wíʼe, ŋ́gē etɔ́ŋ á Ablaham lɛ ŋiŋ ndeŋ ndeŋ, éfhó ánɛ mefaʼ mí, mbɔ Ablaham a le gɔ́, á lɔk épúp ŋŋīa. A le pīŋ ŋgɔ́ a á le kūʼ á leŋia á mvhɔ Ndém ɛ́.

Lomɛŋ 4:2 Iomraidhean Croise

Lomɛŋ 15:17

Páʼ meŋ ndɛtneē ánɛ Yɛɛ́so Klísto lā, meŋ mbɔŋteé á gá á lekaʼte, melaʼ afaʼ zīi, meŋ ghʉɛ ŋgyáa á mbū Ndém.

1 Kɔlɛŋte 1:29

Ŋ́ghʉ̄ɛ épúp, ńdɔkɔ ŋ́gɛ, ndɛ́ʼ ŋiŋ á pfeŋ á kíkhí á mvhɔ yí.

1 Kɔlɛŋte 1:31

Ndém a lɛɛ́ ŋghʉɛ épúp páʼa, á gɔ́ páʼ mɛ́ le tí á nte aŋwaʼne yí ŋ́gɛ: «Ŋiŋ a nɔŋ mpfēŋɛ á kíkhí yi, á fhó áa ánɛ ajū mīi, Atsyapuɔ a le ghʉ̄ʉ̄, tɛ́ mpfēŋ. »

1 Kɔlɛŋte 4:7

Wu yīi, o ó si ŋkwāŋa ŋ́gɛ, o tɔɔ́k emɔ̄ʼ epuɔ, o ó awɔ́? O wɛɛ̄ akɔ̄ zīi, Ndém mé lɛ te á wú yá ā? Páʼ ajūɔ tsem zīi, o wɛ̄ɛ, Ndém mé le pú ŋgyá á wú lā, melaʼ akɔ̄, o piŋɛ ndɔ̄kɔ azō mɛ́t ŋŋáʼnɛ, páʼ o ó lɔk mbʉʼ ju tɛ́ ŋgwɛ̄ ɛ́?

1 Kɔlɛŋte 9:16

Legɔ̄ yīi meŋ á si ntswīi ŋke mbɔŋ mé té si ŋghʉ̄ɛ meŋ ekāʼtɛ ɛ́. Meŋ tswii, melaʼ mīi, á si ŋgɔ́ afaʼ zīi, Ndém a le tsekné á mbū meŋ. Meŋ mbiŋɛ te ŋke mbɔŋ ntswīi, mbɔ ndɔ e é athū meŋ.

2 Kɔlɛŋte 11:12

Atswhī jʉɔ mɛ́t zīi, meŋ á tsetsɔŋɔ ŋgwɛ̄, meŋ a shʉʼ ezéŋ etswiʼne ewɛ épúp, élɔk egʉɔ mé mvhɔ. Élɔk le yá eshhʉ̄ á lekaʼte á mbū epuɔ pīi, pɔ́ é si ŋŋīa, á legɔ̄ yīi, pek a pɔ́p é si ŋghʉ̄ɛ á taʼ afaʼ á.

2 Kɔlɛŋte 11:30

Azi ŋgɔ́ éyi meŋ a ŋia, mbɔ meŋ a lɔk ecū mīi, é tswii á légɛ meŋ soʼneé nnɛ̄t za ŋgyá á esī, tɛ́ eŋia.

2 Kɔlɛŋte 5:12

Pek te si efāʼa á wék á lezēŋ eshúŋ á wɛ́ á légɛ pek é kwaʼ meziŋ‑ntō ɔ́. Pek é si efāʼa á leghʉ, tɛ pɛ lɔ̄ɔk á wék ŋkāʼte, tɛ́ ndɔk ŋkūʼ á wɛ́ á lewɛ anu zīi, pɛ gɔ epwɛ̄ɛt á mbū epuɔ pīi, pɔ́ é si ndɔ̄kɔ páʼ, pɔ́ é épúp ŋkāʼtɛ, pɔ́ té ndɔ̄kɔ páʼ, ntē wɔ́p é épúp ɔ́.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Efɛze 2:9

A te fhó ánɛ mefaʼ mɛ́ ɛ́, ńdɔkɔ ŋ́gɛ, ndɛ́ʼ ŋiŋ á lɔk épúp ŋŋīa.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.