Lomɛŋ 4:18 - Eka Eswhī

¹⁸ Ablaham a le nɔ̄ŋ ntsáa azō, ńnɔŋ nzhɛ́ɛ á légɛ, a láʼ egɔ́ épúp. Tɛ mbɔɔ páʼ ajūɔ tsem, á le nɔ̄ŋ ntswii á légɛ, á gɔ le épúp gɔ́, á ké efɛ́ áa nnɛ̄t zi ŋgyá á mbū Ndém, «Ndém á lɔk á yí ŋghʉ̄ á mɔʼɔ́ atʉtʉ melaʼ. » Á gɔ́ páʼ Ndém a le lé á mbū yí ŋ́gɛ: «Jʉ́ɔ́ páʼ nzwɛt ju, e láʼ ezá épúp. »

Lomɛŋ 4:18 Iomraidhean Croise

Lúkási 1:18

Sakalía á júʼ épúp, ńzɛ́tte á cɔʼ Ndém ŋ́gɛ: «Meŋ a shʉʼ ege ezhɛ́ épúp, éjʉ́ɔ akɔ̄? Pek nzwí ga, é gɔ egaá, ńzwīŋ tɛ ŋgɔ́ páʼa, ńzéŋ á mɔ́ nzhí í?»

Mefaʼ Meziŋ-ntō 27:25

Cɔʼ Ndém a á ndé á mbū meŋ épúp, meŋ mbīiŋ ŋgɔ́ á ŋiŋ, ńnéŋ ntē gá ánɛ Ndém. Melaʼ épúp, mesoó pá, pɛ esēk ntē. Akʉ̄ɛ akʉ̄ɛ zīi, a á ndé, á ké egɔ́ épúp.

Lomɛŋ 4:17

Á gɔ́ páʼ á ntí ntí á ntē aŋwaʼne Ndém ŋ́gɛ, Ndém a le lé á mbū Ablaham ŋ́gɛ: «Meŋ á lɔk á wú, ŋ́ghʉ̄ á mɔʼɔ́ atʉtʉ melāʼ. » Ablaham a á si ŋgɔ́ á mɔʼɔ́ yímpɛ, á mvhɔ Ndém, á ŋiŋ yīi a le fɛ́ nnɛ̄t ŋgyá á mbū yí. Ndém mɛ́t mé ghʉ̄ʉ, epuɔ pīi é lē ŋkwhʉ́te, é zím ánɛ lewhʉ̄. Ńzéŋ ndɔ̄k nchu yí ndé anu, ajū mīi á kaá nzi ŋgɔ́ éwú ú, á gɔ́.

Lomɛŋ 4:19

Ndém a le gē elé anu jʉɔ mɛ́t, Ablaham á wɛ ajūɔ ŋguʼ ŋkhʉ, ńjʉ́ɔ mbɔ, nnɛ̄t zi e é pú ncúte tɛʼ, lefɛ̄ nnɛ̄t yi ŋgyá á mbū Ndém, á ké nzɛ́t ntēte tete. Á zéŋ ŋgē egɔ́, Saála nzwí yi, á gɔ́ á ŋkíŋ.

Lomɛŋ 5:5

Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Lomɛŋ 8:24

Ndém á lē ŋghʉ, ḿpɛ tswɛ́t, ŋ́ké nzɛ́t té wɛ ajūɔ tsem, melaʼ mīi, ŋiŋ a wɛɛ̄ ajū mīi, a á si ntsáa páʼā, ńdɔkɔ te nzɛ́t ntsáa azō ɔ́. Ŋiŋ a gɔ ewɛ̄ azō, ḿbiŋ ŋghʉ̄ páʼ lā, ńzéŋ ntsá azō mɛ́t é?

Eble 6:19

Ḿpɛ ekúʼte á ntē pímpɛ tɛ a etē, ńzhɛ́ á légɛ, Ndém a a láʼ eyá ajū mīi, a le laʼnē á leyā á mbū pímpɛ. Aziɛ́ mé ghʉ̄ʉ, ḿpɛ etshí á mvhɔ yí té miʼte. É melaʼ épúp, tɛ́ ḿpɛ le tɔ́k ánɛ mía apū nzhó zīi, mɛ́ le lɔ̄k esáne á Mía Ŋgyā Ndém, ŋ́kó á ajʉʼ zīi, Ndém a naáŋ éwú.