Lomɛŋ 4:17 - Eka Eswhī

¹⁷ Á gɔ́ páʼ á ntí ntí á ntē aŋwaʼne Ndém ŋ́gɛ, Ndém a le lé á mbū Ablaham ŋ́gɛ: «Meŋ á lɔk á wú, ŋ́ghʉ̄ á mɔʼɔ́ atʉtʉ melāʼ. » Ablaham a á si ŋgɔ́ á mɔʼɔ́ yímpɛ, á mvhɔ Ndém, á ŋiŋ yīi a le fɛ́ nnɛ̄t ŋgyá á mbū yí. Ndém mɛ́t mé ghʉ̄ʉ, epuɔ pīi é lē ŋkwhʉ́te, é zím ánɛ lewhʉ̄. Ńzéŋ ndɔ̄k nchu yí ndé anu, ajū mīi á kaá nzi ŋgɔ́ éwú ú, á gɔ́.

Lomɛŋ 4:17 Iomraidhean Croise

Matío 3:9

Pɛ epá á lelɛ ndɔ̄k áa nchu ndaʼ, ńdé ŋ́gɛ: “Pek é ndhu Ablaham.” Meŋ shúŋɔ á wɛ́ ŋ́gɛ, Ndém a kuūʼ á lesɛt metɔ́ puɔ, ńdɔk ŋghʉ̄ nzwɛt Ablaham.

Jáaŋ 5:21

Ndeŋ ndeŋ páʼ, Mɔʼɔ́ ga a ghʉʉ̄, mepfhō é lu á esī, ŋ́gɔ́ éwú lā, meŋ Méŋ yi, meŋ gɔ ezéŋ ŋghʉ̄ épúp, ánɛ ŋiŋ yīi meŋ á kɔŋ.

Jáaŋ 5:25

Kwaʼ anuúnē anuúnē, meŋ shúŋɔ á wɛ́ ŋ́gɛ, afʉʼ á si eshʉ̄ʼɛ, tɛ á nzi ndáʼ eshʉ̄ʼ, ázi mepfhō, e júʼ anu zīi, Méŋ Ndém a á lé. Epuɔ pīi pɔ́ é júʼ ŋkúʼte, pɔ́ egɔ́ éwú.

Jáaŋ 6:63

Azwakne Ndém mé si ŋghʉ̄ɛ mɛ́ gɔ́ɔ éwú. Ŋiŋnɔŋ a gɔ le kūʼ á yí á lepū ŋghʉ̄ amɔ̄ʼ azō ɔ́. Meshuŋne mīi meŋ á shúŋ á wɛ́, é fhɔ́ɔ á mbū Azwakne Ndém. Emiɛ́ mé zéŋ nɔŋ ŋghʉ̄ɛ, mɛ́ gɔ́ɔ éwú.

Mefaʼ Meziŋ-ntō 15:18

A le ghʉ̄ʉ̄, epuɔ menɔŋ é zhɛ́ menu muɔ mɛ́t, tɛ efhó tɛ ŋguʼ léée.”»

Lomɛŋ 3:29

Á le wíʼe á té épúp ɔ́, mbɔ Ndém a gɔ áa Ndém epuɔ Yúda ndaʼ. Mbɔ a te á Ndém epuɔ pīi, é té epuɔ Yúda á. Ŋgáŋ, Ndém a zeéŋ ŋgɔ́ á Ndém epuɔ pīi, é té epuɔ Yúda á.

Lomɛŋ 4:18

Ablaham a le nɔ̄ŋ ntsáa azō, ńnɔŋ nzhɛ́ɛ á légɛ, a láʼ egɔ́ épúp. Tɛ mbɔɔ páʼ ajūɔ tsem, á le nɔ̄ŋ ntswii á légɛ, á gɔ le épúp gɔ́, á ké efɛ́ áa nnɛ̄t zi ŋgyá á mbū Ndém, «Ndém á lɔk á yí ŋghʉ̄ á mɔʼɔ́ atʉtʉ melaʼ. » Á gɔ́ páʼ Ndém a le lé á mbū yí ŋ́gɛ: «Jʉ́ɔ́ páʼ nzwɛt ju, e láʼ ezá épúp. »

Lomɛŋ 4:2

Ndém a le wíʼe, ŋ́gē etɔ́ŋ á Ablaham lɛ ŋiŋ ndeŋ ndeŋ, éfhó ánɛ mefaʼ mí, mbɔ Ablaham a le gɔ́, á lɔk épúp ŋŋīa. A le pīŋ ŋgɔ́ a á le kūʼ á leŋia á mvhɔ Ndém ɛ́.

Lomɛŋ 8:11

Azwakne ŋiŋ yīi, a le ghʉ̄ Yɛɛ́so á zím ánɛ lewhʉ̄, á gɔ́ á ntē pɛ, mbɔ ŋiŋ mɛ́t yīi, a le ghʉ̄ Yɛɛ́so Klísto mɛ́t, á zím ánɛ lewhʉ̄, a shʉʼ ezéŋ eghʉ, mbe nnɛ̄t zɛ zīi, é gɔ́ áa akwhʉɛ́‑azō, e egɔ́ nte, éfhó ánɛ Azwakne zí zīi, á ntē pɛ.

Lomɛŋ 9:11

Mɛ́ le zɛ́t te zhí ewɔŋkhʉ̄ mɛ́t, pɔ́ zɛ́t á levem, tɛ nzɛ́t áa te zhɛ́ á leghʉ anu mbɔŋ ká azi tepɔŋ. Ndém páʼ, á gē eghʉ azō, yí méŋwɛ̄t mé sáŋ, ŋ́ghʉ̄ páʼ, a á kɔŋ épúp,

Lomɛŋ 9:26

Ajʉʼ zīi mɛ́ le kó éwú, ńdé á mbū pɔ́p ŋ́gɛ, pɔ́ té epuɔ alāʼ pá á, mɛ́ e shʉʼ etɔ́ŋ á wɔ́p éwú lɛ, epɔ̄ Ndém yīi, a naáŋ nte. »

1 Kɔlɛŋte 1:28

Ndém a le kāŋ epuɔ pīi, mɛ́ é ndo esī atsetsáʼ, ŋ́gwák á wɔ́p wáke, épuɔ pīi, mɛ́ té lɔ̄k á wɔ́p ntɔ́ŋ á azō ɔ́, épuɔ pīi, é zi mbú te etsō ɔ́, ńdɔk ŋkōk nzwiŋ epuɔ pīi, mɛ́ é nnɔŋ ndɔ̄kɔ á wɔ́p ntɔ́ŋɔ azō.

1 Kɔlɛŋte 15:45

É melaʼ épúp tɛ́, mɛ́ le tí á ntē aŋwaʼne Ndém ŋ́gɛ: «Ndém a le ghʉ̄ʉ̄, Ádam, ḿvhɔ ŋiŋnɔŋ, á gɔ́ á ŋgɔŋ. A le ké nzéŋ ŋ́ghʉ̄, nzoknzem Ádam á shʉʼ, ŋ́gɔ́ á Azwakne, ŋ́ghʉ̄ɛ mɛ́ gɔ́ɔ éwú.

1 Timotɛ 6:13

Meŋ á tshí á mvhɔ Ndém yīi, yí mé ghʉʉ̄, ajūɔ tsem á gɔ́ éwú, mbɔɔ á mvhɔ Yɛɛ́so Klísto, páʼ a le tshí á mvhɔ Pɔ́ŋse Pilat eshúŋ á anuúnē, ńdé mé wu ŋ́gɛ:

Eble 11:12

É melaʼ épúp tɛ́, Ablaham, páʼ, a le gɔ́ mbɔ a á zwiŋ tɛ ncʉ́ʼɛ ŋgɔ̄ á ŋkwhʉ̄ɛ, a le zéŋ nzhí ewɔŋkhʉ̄, tɛ pɔ́ zá tɛ ŋgɔ́ páʼ mecɔʼ saŋ, á athʉ́ lephū lā. Tɛ ŋgɔ́ páʼ memvem asaŋasáŋá á legʉ̄ŋ ntshi, tɛ ŋgɔ́ yīi, ŋiŋ a gɔ le kūʼ á lesāŋ á.

Eble 11:3

Ḿpɛ fhoó ánɛ páʼ, ḿpɛ fɛɛ́ nnɛ̄t ŋgyá á mbū Ndém, tɛ́ njúʼ á légɛ, Ndém a le lɔ̄k ashuŋne, tɛ́ ŋghʉ̄ ŋgɔŋ. Púp, ajū mīi ḿpɛ é si ndɔ̄kɔ menēk njʉ́ɔ, á fhoó ánɛ azi, ḿpɛ te lɔ̄k menēk njʉ́ɔ ɔ́.

Eble 11:7

Á le fhó ánɛ páʼ, Noe a le fɛ́ nnɛ̄t épúp, ŋ́gyá á mbū Ndém, Ndém á shúŋne á mbū yí, ńdɔk ntswɛ̄te á yí, ánɛ menu mīi, é le nɔ̄ŋ ŋgɔ̄ á eshʉʼɛ̄, tɛ mɛ́ piŋ nzī nzɛ́t áa te jʉ́ɔ. Á júʼ anu zīi, Ndém a á lé, ḿvéŋ té miʼte, ŋ́ŋyɛ̄tte á mía mía mɛtúa ntshi, ńdɔk ŋghʉ̄, pɔ́ a epuɔ atseŋ ŋgyā pí metsem, é kó éwú, ńtswɛ́t. Á lɔk épúp, ńtswī á légɛ, avoʼ epuɔ á si ŋgɔ́ epuɔ tepɔŋ. A le fɛ́ nnɛ̄t épúp, Ndém á tɔ́ŋ á yí lɛ ŋiŋ ndeŋ ndeŋ.

1 Piɛ 2:10

Á lɛ amɔ̄ʼ afʉʼ, pɛ zɛ́t té gɔ́ epuɔ Ndém. Á piīŋ ŋgɔ́ tsetsɔŋɔ, pɛ gɔ́ epuɔ Ndém. Á lɛ amɔ̄ʼ afʉʼ, Ndém á nɔŋ te ntsáa mezeŋɛ mɛ́ ɛ́. A piīŋ ŋgɔ́ tsetsɔŋɔ, ńnɔŋ ntsáa mezeŋɛ mɛ́.

2 Piɛ 3:8

Mesoó pá, amɔ̄ʼ azō á éwú zīi, pɛ te pɔŋté á lelekne ɛ́. Á mbū Atsyapuɔ páʼā, taʼ aleʼé alāʼ, á gɔ́ páʼ ŋguʼ ntsāʼ lā. Ŋguʼ ntsāʼ, é gɔ́ páʼ taʼ aleʼé lā.