Lomɛŋ 4:16 - Eka Eswhī

¹⁶ Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

Lomɛŋ 4:16 Iomraidhean Croise

Lúkási 19:9

Yɛɛ́so á júʼ épúp, ńdé ŋ́gɛ: «Ndém a á ghʉ, megaŋ ŋgyā puɔ, é tswɛ́t azɔ́p ayáʼa. Anuúnē, ŋiŋ wuɔ mɛ́t, a á azí ndhu Ablaham.

Lomɛŋ 15:8

Meŋ ndɔkɔ eshúŋɔ á wɛ́ á anuúnē á légɛ, Klísto a le cʉ́ʼ ŋkwa epuɔ Yúda páʼā, tɛ́ ndɔk ŋghʉ̄, melaʼne mīi Ndém a le ghʉ̄ á mbū wɔ maŋgānjʉʼ pek, é po, ńzéŋɛ ndɔkɔ ntswīi á légɛ, Ndém a á te sɛt nzem.

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 4:11

Ndém a le tɔ́ŋ á Ablaham lɛ ŋiŋ ndeŋ ndeŋ, tɛ́ mɛ́ shʉʼ ntém á yí, á gɔ́ ayiŋne. Ayiŋne jʉɔ mɛ́t á lɔkɔ ntswīi á légɛ, Ndém a á zápa ánɛ lefɛ̄ nnɛ̄t Ablaham, tɛ́ ntɔ́ŋ á yí lɛ, ŋiŋ ndeŋ ndeŋ, tɛ mɛ́ zɛ́t té tém á yí. Á fhó épúp, Ndém á lɔk á yí ŋghʉ̄ á mɔʼɔ́ epuɔ pīi, pɔ́ fɛɛ́ nnɛ̄t ŋgyá á mbū yí Ndém, té gɔ̄ yīi, mɛ́ é tém á wɔ́p, tɛ́ a etsīa épúp, a etɔ́ŋ á wɔ́p lɛ epuɔ ndeŋ ndeŋ.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 9:8

Á páʼā ndɔkɔ ndʉ́ɛ́ ŋ́gɛ, ewɔŋkhʉ̄ pīi, a le zhí ánɛ lekɔŋ yi, é té si ŋgɔ́ á kwaʼ epɔ̄ Ndém ɛ́. Ndaʼ ewɔŋkhʉ̄ pīi, a le gē ezhí, mbɔ Ndém a á ŋghʉ̄ alaʼne á mbū yí, mé si ŋgɔ́ á kwaʼ epɔ̄ pí.

Galat 3:14

Klísto a le ghʉ̄ épúp, ńdɔkɔ ŋ́gɛ, etsō mbɔŋ tɛ nzáne tsīi, Ndém a le phʉ́ á mbū Ablaham, a efhó ánɛ páʼ epuɔ pīi, é té epuɔ Yúda á, é fɛɛ́ nnɛ̄t ŋgyá á mbū Yɛɛ́so Klísto, ŋ́gyá etsō mbɔŋ mɛ́t á mbū pɔ́p azɔ́p. Klísto a lɛɛ́ nzéŋɛ ndɔkɔ ŋ́gɛ, páʼ ḿpɛ é fɛɛ́ nnɛ̄t ŋgyá á mbū yí lā, Ndém a eyá á yímpɛ Azwakne zí zīi, a le phʉ́ʉ̄.

Galat 3:16

Á zeéŋ ŋgɔ́ ndeŋ ndeŋ épúp, á mbū Ndém. A le ghʉ̄ alaʼne á mbū Ablaham, ńzéŋ ŋghʉ̄ á mbū taʼ ŋiŋ ánɛ ndhu zi. Aŋwaʼne Ndém á té lé ŋ́gɛ, Ndém a le ghʉ̄ alaʼne á mbū Ablaham, mbɔɔ á mbū nzwɛt zi ntsem, tɛ á gɔ́ páʼ á le ghʉ̄ á mbū athū atʉtʉ epuɔ, ánɛ nzwɛt zi lā á. Mɛ́ le tí ŋ́gɛ, á mbū taʼ ŋiŋ ánɛ nzwɛt ju, ńdɔkɔ ndʉ́ɛ́ á Klísto.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Efɛze 2:5

É melaʼ épúp tɛ́, a le zapá ánɛ Klísto, ŋ́ghʉ̄ ḿpɛ é gɔ́ éwú, tɛ mbɔɔ páʼ, á le gɔ́ mbɔ mefa mímpɛ, é lē ŋghʉ̄, ḿpɛ gɔ́ wɔ kwhʉɛ‑ndáʼne á ndo ŋgia. Ndém a le fhó ánɛ apɔŋɔ́ ntē te ndhʉ zí, tɛ́ ŋghʉ̄ pɛ tswɛ́t.

Efɛze 2:8

Pɛ ezhɛ́ á légɛ, Ndém a le zapá ánɛ apɔŋɔ́ ntē te ndhʉ zí, tɛ́ ŋghʉ̄ pɛ tswɛ́t, éfhó ánɛ wɛ́ lefɛ̄ nnɛ̄t ŋgyá á mbū yí. Ewuɔ legɔ̄ mɛ́t, á ké te fhó á mbū pɛ ɛ́, a fhó áa ánɛ páʼ, Ndém mé kɔŋ ŋghʉ̄ épúp ndémndēm.

Tíit 3:7

Ndém a lɛ́ ŋghʉ̄ɛ épúp páʼā, ŋ́gɛ ḿpɛ efhó ánɛ apɔŋɔ́ ntē te ndhʉ zí, ńcʉ́ʼ epuɔ ndeŋ ndeŋ, éfú ntā á lezēŋ yí, páʼ ḿpɛ gɛ nzwíʼtɛ épúp.

2 Piɛ 1:10

Melaʼ épúp, meŋ shúŋɔ á wɛ́ me epɔ̄ memía, páʼ Ndém a le kāŋ á wɛ́, ńtɔ́ŋ á wɛ́ ánɛ mefaʼ mí lā, pɛ ekāk ete ánɛ mɛnzhɛ mɛ́t. Pɛ ghʉɛ épúp, mbɔ pɛ gɔ le láʼ efhó ánɛ mɛnzhɛ Ndém ntó ɔ́.