Lomɛŋ 4:15 - Eka Eswhī

¹⁵ Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 4:15 Iomraidhean Croise

Jáaŋ 15:22

Meŋ nde wíʼe, meŋ te shʉ̄ʼ á ŋgɔŋ, éshúŋne á mbū pɔ́p ɔ́, mbɔ mefa é té á athū pɔ́p ɔ́. Á piīŋ ŋgɔ́ tsetsɔŋɔ, ŋ́gɔ́ éyi, pɔ́ gɔ le lé ŋ́gɛ, pɔ́ lɛ te nɔ̄ŋ nzhɛ́ɛ á légɛ, pɔ́ é si efāa á.

Jáaŋ 3:36

Ŋiŋ yīi, a fɛɛ́ nnɛ̄t ŋgyá á mbū Méŋ yi mɛ́t, a á ndáʼ nzī á leta á lezēŋ Ndém. Ŋiŋ yīi a te si njúʼɔ nchu Méŋ yi mɛ́t ɛ́, a te e fú ewɛ lenāŋ cʉɔ mɛ́t ɛ́. Ndém a naáŋ efʉʼ metsem, ńzáŋ á lɔ́ŋ á mbū yí. »

Lomɛŋ 1:17

Ŋke mbɔŋ mɛ́t mé zi ntswī páʼ, Ndém a gē etɔ́ŋ á ŋiŋ lɛ, ŋiŋ ndeŋ ndeŋ, á tsia épúp. A fhoó ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto, ńdáʼ efɛ́ fɛ́ tɛ nzōko. Á gɔ́ páʼ mɛ́ leé á ntē aŋwaʼne Ndém ŋ́gɛ: «Ŋiŋ a a láʼ egē ekwaʼ egɔ́ éwú, égɔ́ áa ŋiŋ yīi, a á fɛ́ nnɛ̄t ŋgyá á mbū Ndém, Ndém á tɔ́ŋ á yí lɛ, ŋiŋ ndeŋ ndeŋ. »

Lomɛŋ 5:13

Ndém a le zī ŋgē eyá lepé á mbū Mɔɔ́sɛ, mefa é gɔ́ áa ŋgɔŋ. Á piŋ ŋgɔ́ páʼ, lepé é le zɛ́t te gɔ́ éwú lā, á nɔŋ ŋkʉ̄ŋɛ lezēk ánɛ mefa epuɔ menɔŋ.

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Galat 3:19

Ŋiŋ a gɔ epīiŋ nzɛ́tte ŋ́gɛ, á piŋ ŋgɔ́ épúp, mbɔ Ndém a lɛɛ́ ŋgyáa mbé, á mbū epuɔ Islaɛl melaʼ akɔ̄? Ndém a lɛɛ́ ŋgyáa mbé á mbū pímpɛ, ńdɔkɔ ŋ́gɛ, ḿpɛ ezhɛ́ ajūɔ tsem zīi, á mbū yí, á té pɔŋ. A lɛɛ́ ŋgyáa ńdɔkɔ ŋ́gɛ, ḿpɛ ekúʼte ndɔk nzwíʼte á afʉʼ zīi, taʼ ŋiŋ ánɛ nzwɛt Ablaham mɛ́t, éyi alaʼne á cʉteē á yí, a a láʼ eshʉʼe. Ndém a le yá mbé á mbū mecɔʼ pí ŋ́gɛ, pɔ́ egʉɔ eshúŋ á mbū epuɔ menɔŋ. Taʼ mɛmekém á gɔ́ á tsetsɛlɛ epuɔ menɔŋ pɔ́ a Ndém, éshúŋ á wɔ́p.

Efɛze 5:6

Ndɛ́ʼ pɛ ecʉ́ʼ, ŋiŋ á lɔk ashuŋne te methū mbɔ̄p á wɛ́. Menu tepɔŋ muɔ mɛ́t ntsem mé ghʉʉ̄, Ndém á záŋ á lɔ́ŋ á mbū epuɔ pīi, é teē athū á mbū yí.

Kɔlɔs 3:6

Melaʼ ejʉɔ ntií etsō mɛ́t, tɛ́ Ndém a a láʼ ezáŋ á lɔ́ŋ á mbū epuɔ [pīi, pɔ́ teē athū á mbū yí].

1 Jáaŋ 3:4

Ŋiŋ ntsem yīi a ghʉʉ̄ mefa, a á páʼā, ńdɔkɔ ntʉ̄ɛ̄ athū á mbū Ndém, melaʼ mīi mefa é páʼā, ŋ́gɔ́ á lete athū á mbū Ndém.

Menjʉɔ te lí 19:15

Mmɔʼ ŋŋí ncu é nɔŋ ntúɔ́ á nchu yí, ŋ́gɔ́ á swíswí, á lɔkɔ ŋgɔ̄ á ndʉɔ́ʼ ŋgɔŋ ntsem. A a lʉɔ́ʼ tɛ ejhʉ́, ésáʼ á wɔ́p, té ŋiŋ ŋŋíʼne á yí. Éneŋte á wɔ́p páʼ mɛ́ neŋtɛ ntá athʉ́, ńdɔkɔ ŋkíɛ́ meluʼ lā. Éghʉ épúp, é lɔkɔ tswi azāŋalɔ́ŋ Atsyantsɔp Ndém.