Lomɛŋ 4:14 - Eka Eswhī

¹⁴ Á ŋgwíʼe ŋgɔ́ éyi, epuɔ pīi é ziīŋ páʼ lepé Mɔɔ́sɛ é si nzɛ́ttɛ, mé láʼ egɔ́ ndaʼ epuɔ pīi, pɔ́ wɛɛ̄ ajū mīi, Ndém a le phʉ́ʉ̄, mbɔ lefɛ̄ nnɛ̄t ŋgyá á mbū Ndém, a puú te zɛ́t azō ɔ́. Ajū mīi Ndém a le laʼnēē, á lɔkɔ te nzɛ́tɛ ɛ́.

Lomɛŋ 4:14 Iomraidhean Croise

Lomɛŋ 3:31

Ḿpek é páʼā, ńdɔkɔ ndʉ́ɛ́ ŋ́gɛ, lepé é té zɛ́t á azō ɔ́, melaʼ mīi, pek fɛɛ́ nnɛ̄t ŋgyá á mbū Klísto lɛ́? Ŋgáŋ, a cʉ́ʼɛ épúp, mbɔ pek é si mvéŋɛ ŋ́gɛ, mɛ́ pɔŋteé é lekūʼte lepé tɛ é te.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

1 Kɔlɛŋte 1:13

Á páʼā, Klísto á gɔ́ ŋgapte gapte lɛ́? Mɛ́ lɛɛ́ ŋgwáʼa ŋkwɛ̄tɛ á gá Pɔ́ɔl, ánɛ mbaŋne paŋné melaʼ mefa mɛ́ kɛ? Mɛ́ le wáʼa nnōʼ á wɛ́ á ntshi páʼā, áa ánɛ lezēŋ tsá, meŋ Pɔ́ɔl kɛ?

Galat 2:21

Meŋ te si ŋkɔ̄ŋɔ á gá á lewāʼ apɔŋɔ́ ntē te ndhʉ zīi Ndém a wɛɛ̄ ánɛ meŋ ɛ́, melaʼ mīi, á ŋgwíʼe ŋgɔ́ éyi Ndém a gē etɔ́ŋ á ŋiŋ lɛ, ŋiŋ ndeŋ ndeŋ, éfhó ánɛ yí á lekūʼte lepé, mbɔ á lɔkɔ ndʉ́ɛ́ ŋ́gɛ, Klísto a le kwhʉ́ páʼā, á gɔ́ áa anu te athū.

Galat 5:4

Pɛ pīi, pɛ é si ŋkwāŋa ŋ́gɛ, pɛ é epuɔ ndeŋ ndeŋ á mvhɔ Ndém, melaʼ mīi pɛ é kuʼteé mbé Mɔɔ́sɛ, pɛ ezhɛ́ á légɛ, pɛ lē efak nnɛ̄t ánɛ Klísto. Púp pɛ lɔ̄kɔ ntémɛ nzem, ŋ́gɛ ndɛ́ʼ Ndém á ghʉ anu mbɔŋ té ndhʉ ánɛ pɛ.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Eble 7:19

Lepé Mɔɔ́sɛ é lɛ te tswíte epuɔ menɔŋ, á legɔ̄ té alɔ́ʼ á mvhɔ Ndém ɛ́. Tsetsɔŋɔ, Ndém a le ké ŋgyá á yímpɛ amɔ̄ʼ azō, á tɔ́k lepé mɛ́t. Azō mɛ́t, á si ŋgyáa á yímpɛ á mɛnzhɛ á letshī á mvhɔ yí. Ḿpɛ enéŋ á ntē pímpɛ á légɛ, ḿpɛ é ndáʼ ŋgwɛ̄ aziɛ́ azō.

Eble 7:28

Á lɛ ánɛ lepé Mɔɔ́sɛ, mɛ́ tsɔ́ʼ epuɔ menɔŋ, tɛ́ ndɔk ŋghʉ̄ wɔ nɔŋ‑epɔʼ epi melʉɛ, tɛ́ pɔ́ ké ŋgɔ́ azɔ́p áa megaŋ mefa. Lepé é le pīŋ eshʉʼ ńnáŋ tɛ ntɔ́k, Ndém á shúŋne tɛ ŋkā, ńchʉ́ á Méŋ yi, ńdɔk ŋghʉ̄ á nnɔŋ‑epɔʼ eyi ndʉɛ, ŋ́gɛ a eghʉ̄ afaʼ mɛ́t á lemiʼɛ. Mbɔ Méŋ yi mɛ́t, a á ghʉ ajū mīi, á pɔŋ á yí.