Lomɛŋ 4:1 - Eka Eswhī

¹ Tsetsɔŋɔ meŋ gɔ á eshúŋ anu ánɛ Ablaham maŋgānjʉʼ epuɔ Yúda. A le lɔ̄k mete mí méŋwɛ̄t ŋgwɛ̄ akɔ̄?

Lomɛŋ 4:1 Iomraidhean Croise

Matío 3:9

Pɛ epá á lelɛ ndɔ̄k áa nchu ndaʼ, ńdé ŋ́gɛ: “Pek é ndhu Ablaham.” Meŋ shúŋɔ á wɛ́ ŋ́gɛ, Ndém a kuūʼ á lesɛt metɔ́ puɔ, ńdɔk ŋghʉ̄ nzwɛt Ablaham.

Lúkási 3:8

Pɛ eghʉ̄ menu membɔŋ mīi é si ntswīi á légɛ, pɛ é wáʼ atswhī tepɔŋ zɛ́. Ndɛ́ʼ pɛ elɔ̄ɔk áa nchu ndaʼ, ńdé ŋ́gɛ: “Pek é ndhu Ablaham.” Meŋ shúŋɔ á wɛ́ ŋ́gɛ, Ndém a kuūʼ á lesɛt metɔ́ puɔ, ńdɔk ŋghʉ̄ nzwɛt Ablaham.

Jáaŋ 8:33

Pɔ́ tsɔ́ʼ á mbū yí ŋ́gɛ: «Pek é si ŋgɔ́ ndhu Ablaham. Ŋiŋ a laá nzi ndɔ̄k á wék, ŋ́ghʉ̄ epuʼ tsí í. O gɔ́ epīiŋ ŋgāa ndé ŋ́gɛ, pek é le zɛ́t epuʼ ɔ́ ɔ̄?»

Jáaŋ 8:53

Mɔʼɔ́ wek Ablaham á lē ŋkwhʉ́. O ó páʼa ndɔkɔ ŋ́gɛ, o tsyaā á yí lɛ́? Metswi‑ŋke Ndém é le zéŋ ŋkwhʉ́te azɔ́p. O ó páʼa njʉ́ɔ ŋ́gɛ, o gɔ́ áa awɔ́?»

Jáaŋ 8:56

Mɔʼɔ́ wɛ Ablaham a le kwaŋtē páʼ meŋ a fú eshʉʼ á ŋgɔŋ, ŋgɔŋ é pɔŋ á yí tɛʼ. Ŋ́kwāŋte épúp, ńzéŋ njʉ́ɔ, ḿbú nnáŋ mé lekāk. »

Mefaʼ Meziŋ-ntō 13:26

Pɔ́ɔl á zéŋ ndé ŋ́gɛ: «Epɔ̄ memía, pɛ pīi pɛ́ é ndhu Ablaham, mbɔɔ pɛ metsem pīi, pɛ wuʼtɛ á Ndém epuɔ Islaɛl, Ndém a á tó ŋke wuɔ yīi, é tswii páʼ epuɔ é gɔ eghʉ̄ʉ épúp tɛ́ ndáʼ ntswɛ́t lā, á mbū pímpɛ puɔ.

Lomɛŋ 1:3

Ŋke mbɔŋ wuɔ mɛ́t, é cʉte á Méŋ yi. Páʼ a zeéŋ ŋgɔ́ á ŋiŋnɔŋ lā, mɛ́ fhó ánɛ ndhu Ndavít tɛ́ nzhí á yí.

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

Lomɛŋ 6:1

Tɛ á páʼa, ḿpɛ lɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ etswiʼne nnáŋ á ntē mefa, ńdɔkɔ efāʼa ŋ́gɛ, Ndém a etswiʼne ŋgwɛ̄ apɔŋɔ́ ntē te ndhʉ ánɛ pímpɛ lɛ́?

Lomɛŋ 7:7

Á páʼā, ńdɔkɔ ndʉ́ɛ́ ŋ́gɛ akɔ̄? Ńdɔkɔ ndʉ́ɛ́ ŋ́gɛ, lepé pɔ́ mefa é taʼ azō lɛ́? Ŋgáŋ, á té épúp ɔ́. Lepé mé le ghʉ̄ʉ̄, meŋ ezhɛ́ ajū mīi, mefa é si ŋgɔ́ aziɛ́. Púp, meŋ nde gɔ́ meŋ ńde zhɛ́ á légɛ, kegʉɔʼ a te pɔ̄ɔŋ, té gɔ́ yīi, lepé é lé ŋ́gɛ: «Te wɛ á kegʉɔʼ ɔ́. »

Lomɛŋ 8:31

Páʼ á ké mbiŋ ŋgɔ́ páʼa lā, meŋ gɔ eké nzéŋ ńdé ŋ́gɛ akɔ̄? Páʼ Ndém a á nzem pímpɛ lā, awɔ́ a gɔ epīŋ nzéŋ ŋ́kūʼ ánɛ pímpɛ ɛ̄?

2 Kɔlɛŋte 11:22

Pɔ́ é si ŋgɔ́ epuɔ Eble, meŋ gɔ́ azá ewiɛ́. Ŋ́gɔ́ á ntē eka epuɔ Islaɛl, meŋ gɔ́ azá éwú. Ŋ́gɔ́ ndhu Ablaham, meŋ gɔ́ azá eziɛ́.

Eble 12:9

Ḿpɛ wɛɛ̄ memɔʼɔ́ pímpɛ á esī atsetsáʼ, pɔ́ nɔɔ̄ŋ ncɔ́kɔ á yímpɛ, ḿpɛ ké nnɔ̄ŋ ŋgyá áa mekuʼ mɔ́p. Tɛ ŋgʉɔ shɔ́ʼɔ́ á mbū pímpɛ, á leyā mekuʼ á mbū Mɔʼɔ́ yímpɛ yīi, a á athʉ́ lephū ú? O nɔɔ̄ŋ nnɛ̄t á esī á mvhɔ á yí, á ghʉ, pɛ yí mé cʉ́ʼɛ nnáŋa.