Lomɛŋ 3:9 - Eka Eswhī

⁹ Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 3:9 Iomraidhean Croise

Lúkási 7:39

Ŋiŋ Falísia yīi a á ntɔ́ŋ á Yɛɛ́so lā, á jʉ́ɔ épúp, ńdé á ntē yí ŋ́gɛ: «Ŋiŋ wuɔ a á ŋgwíʼi ŋgɔ́ á kwaʼ ntswi‑ŋke Ndém, mbɔ a á zhɛ́ ntií menzwí jʉɔ zīi, a pfeŋɛ á yí la, á ŋgaŋ atswhī tepɔŋ. »

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 11:32

Ndém a le tsɔ́ʼ nzhɛ á légɛ, epuɔ menɔŋ metsem é epú ntē á athū á mbū yí, tɛ́ a etsīa épúp, a ewɛ̄ á atsāmezeŋɛ á mbū epuɔ menɔŋ metsem.

Lomɛŋ 11:7

Á páʼa ndɔkɔ ndʉ́ɛ́ ŋ́gɛ akɔ̄? Ńdɔkɔ ŋ́gɛ, ajū mīi epuɔ Islaɛl é le nɔ̄ŋ efaʼa, pɔ́ lɛ te wɛ̄ɛ. Epuɔ pīi Ndém a le tsɔ́ʼē, é piŋ ŋgwɛ̄. Ŋ́gɔ́ mé emɔ̄ʼ epuɔ, mbɔ Ndém a le ghʉ̄ʉ̄, pɔ́ cʉ́ʼ wɔ athū te júʼ,

Lomɛŋ 2:1

A zi mbú ŋgɔ́ áa awɔ́ lɛ́, ńnɔŋ nthúɔ alɔ́ʼ ŋiŋ, mbɔ mɛ́ gɔ le á yí tsá, melaʼ mīi, wu yīi o ó si nthúɔ alɔ́ʼ epuɔ, ḿbiŋ nnɔ̄ŋ ŋghʉ̄ɛ ajú páʼ pɔ́p, á páʼā, o lɔkɔ ntshíɛ athʉ́ á akhu wu mbīi.

Lomɛŋ 3:1

Tɛ á piŋɛ ŋgɔ́ épúp, mbɔ ŋiŋ a gɔ ezɛ́te ŋ́gɛ, ŋiŋ Yúda a jhʉʉ́ apɛ akɔ̄, ńtɔ́k á ŋiŋ yīi, a te ŋiŋ Yúda á? Ŋ́gɛ letēm ŋiŋ, á tswiteé ánɛ akɔ̄?

Lomɛŋ 3:19

Ḿpɛ ké nzhɛ́ á légɛ, akʉ̄ɛ akʉ̄ɛ zīi mɛ́ le tí á ntē aŋwaʼne lepé Ndém, á cʉteē áa epuɔ pīi, pɔ́ le pɔŋté é lekūʼte lepé mɛ́t. Ndém a lɛɛ́ ŋgyáa lepé, ńdɔkɔ efāʼa ŋ́gɛ, epuɔ menɔŋ metsem, e eláŋte nchu wɔ́p, ńzhɛ́ á légɛ, yí pɔŋteé á letswā á ŋiŋ ntsem, á ndo esī atsetsáʼ, ŋgʉɔ athʉ́ lepé.

Lomɛŋ 3:5

A piŋɛ ŋgɔ́ yīi, yímpɛ á legɔ̄ le gɔ́ ndeŋ ndeŋ ɛ́, a ghʉʉ̄ mɛ́ zhɛ́ á légɛ, Ndém a á ŋiŋ ndeŋ ndeŋ, ḿpɛ ké nzéŋ ndé ŋ́gɛ akɔ̄? Á épúp páʼā, ŋ́gɔ́ yīi, ŋiŋ a gɔ elé ŋ́gɛ, Ndém a gē ezáŋ á lɔ́ŋ, étswá á yímpɛ ŋgʉɔ athʉ́ páʼā, ńdɔkɔ te ŋghʉ̄ɛ anu ndeŋ ndeŋ ɛ́. Meŋ shúŋnɛ páʼ epuɔ ŋgɔŋ puɔ lā.

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

Lomɛŋ 7:14

Ḿpɛ é si ncuŋtɛ nzhɛ́ɛ á légɛ, lepé é fhoó á mbū Ndém. Ḿbiŋ ŋgɔ́ mé meŋ, mbɔ meŋ gɔ́ áa ŋiŋnɔŋ, ŋ́gɔ́ á apuʼ mefa.

1 Kɔlɛŋte 10:19

Meŋ á páʼā, ńdɔkɔ ndʉ́ɛ́ ŋ́gɛ akɔ̄? Mesī pɔ́ mbap zīi, mɛ́ lɔk ŋgwáʼ njʉʼ á mbū pɔ́p é azō lɛ́?

1 Kɔlɛŋte 14:15

Ajū mīi á mbɔŋ á gá á leghʉ, a ajʉɔ. Azwakne Ndém á tshónɛ á gá á leswīŋte Ndém, mbɔ meŋ a swíŋte á yí, éké ezéŋ éswíŋte á yí mé alāʼ zīi, meŋ á si njúʼu. Azwakne Ndém á tshónɛ á gá á lezɔp, mbɔ meŋ a zɔpe, éké ezéŋ ezɔp, mé alāʼ zīi meŋ á si njúʼu.

1 Kɔlɛŋte 4:7

Wu yīi, o ó si ŋkwāŋa ŋ́gɛ, o tɔɔ́k emɔ̄ʼ epuɔ, o ó awɔ́? O wɛɛ̄ akɔ̄ zīi, Ndém mé lɛ te á wú yá ā? Páʼ ajūɔ tsem zīi, o wɛ̄ɛ, Ndém mé le pú ŋgyá á wú lā, melaʼ akɔ̄, o piŋɛ ndɔ̄kɔ azō mɛ́t ŋŋáʼnɛ, páʼ o ó lɔk mbʉʼ ju tɛ́ ŋgwɛ̄ ɛ́?

Galat 3:10

Ndém a a láʼ enéŋ ndɔ á athū epuɔ metsem pīi, pɔ́ kuʼteé lepé, éfāʼa á legɔ̄ ndeŋ ndeŋ á mvhɔ yí. Ndém a le lé á ntē aŋwaʼne yí ŋ́gɛ, yí e láʼ enéŋ ndɔ á athū ŋiŋ ntsem yīi, a te kuʼté mbé ntsem, efʉʼ metsem ɛ́. Á ŋiŋ ntsem yīi, a te si nzīŋɛ ánɛ mbé ntsem mīi, mɛ́ le tí á ntē aŋwaʼne mbé ɛ́.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Fílíip 1:18

Mɛ́ nɔŋ eshúŋɔ anu Klísto mé taʼ ntē, kɛɛ́ eshúŋɔ ndɔkɔ efāʼa azō ánɛ meŋ lɛ́, mbɔ á té si eshúŋɔ á gá á azō ɔ́. Mía anu á gɔ́ áa lɛ, mɛ́ eshúŋ anu Klísto. Ntē gá é si ŋgáŋtɛ melaʼ épúp, éshʉʼ ezéŋ etswiʼne egáŋte.