Lomɛŋ 3:4 - Eka Eswhī

⁴ Ŋgáŋ, á té épúp ɔ́, mɛ́ pɔŋteé á lezhɛ̄ á légɛ, Ndém a á si ŋgɔ́ á ŋgaŋ anuúnē, epuɔ menɔŋ tɛ mmī, é piŋ ŋgɔ́ megaŋ mela. Á zi ŋgē egɔ́, mbɔ mɛ́ le tí á ntē aŋwaʼne Ndém ŋ́gɛ: «Á pɔŋ ŋ́gɛ, mɛ́ etsīa ánɛ ashuŋne jú, wu Ndém, ńzhɛ́ á légɛ, o ó ŋiŋ ndeŋ ndeŋ, ŋ́gɔ́ yīi mɛ́ ŋak á wú, o ejhʉ́. »

Lomɛŋ 3:4 Iomraidhean Croise

Matío 11:19

Méŋ‑Ŋiŋnɔŋ wuɔ, a á piŋ eshʉ̄ʼ azí, ńnɔŋ mpfɛ́tɛ azō, ńnɔŋ nnúu meluʼ, mɛ́ zɔte á yí ŋ́gɛ: “Jʉ́ɔ á ŋiŋ wɔ̄, a á si ŋkʉ́ʼnɛ nzáa apʉp, ńzéŋɛ mbía meluʼ. Ŋ́gɔ́ á esoó wɔ tswí‑ncup, mbɔɔ eyi emɔ̄ʼ epuɔ tepɔŋ.” Táʼ, mɛ́ jʉɔ́ epuɔ pīi, é lɔɔ̄k azhɛ̄‑anu nnáŋ, ńzhɛ́ á légɛ Ndém a á ŋgaŋ anuúnē. »

Lúkási 20:16

A a shʉʼ egʉɔ egɔte epuɔ puɔ mɛ́t, ézwhíte á wɔ́p, étswí ŋkāʼ yí, étsékne á mbū epuɔ mendɛʼɛ. » Alāʼ á júʼ épúp tɛ ndé ŋ́gɛ: «Ndɛ́ʼ ntií anu páʼa, é zi ndáʼ ŋghʉ̄. »

Jáaŋ 3:33

Ŋiŋ yīi, a á ké mvéŋ anu zīi, a shúŋɔ, a á páʼā ndɔkɔ mvéŋɛ tɛ mvéŋɛ á légɛ, anu zīi Ndém a leéē, á si ŋgɔ́ áa anuúnē.

Lomɛŋ 11:1

Meŋ á páʼā ndɔkɔ nzɛ́ttɛ ŋ́gɛ: élɛ Ndém a lē ŋgwáʼ epuɔ alāʼ pí, kɛ akɔ̄ lɛ́? Ŋgáŋ, á té épúp ɔ́, a la á wɔ́p wáʼ á. Meŋ méŋwɛ̄t azá, meŋ á ŋiŋ Islaɛl, ŋ́gɔ́ ndhu Ablaham, ńtó ánɛ atseŋ ŋgyā Bɛnjamɛŋ.

Lomɛŋ 11:11

Meŋ á páʼā ndɔkɔ nzɛ́tɛ ŋ́gɛ: á páʼā, mbɔ epuɔ Islaɛl é le pú ŋkwate ŋ́gwhʉ̄ á esī áa ndaʼ kɛ akɔ̄ lɛ́? Ŋgáŋ, á té épúp ɔ́. Pɔ́ le kwatē épúp, tɛ́ Ndém á zápa épúp, ŋ́ghʉ̄, epuɔ pīi é té epuɔ Yúda á, é tswɛ́t. Á ghʉɛ épúp, ńdɔkɔ efāʼa ŋ́gɛ, epuɔ Islaɛl e eséŋ eshhʉ̄ ánɛ pɔ́p.

Lomɛŋ 3:31

Ḿpek é páʼā, ńdɔkɔ ndʉ́ɛ́ ŋ́gɛ, lepé é té zɛ́t á azō ɔ́, melaʼ mīi, pek fɛɛ́ nnɛ̄t ŋgyá á mbū Klísto lɛ́? Ŋgáŋ, a cʉ́ʼɛ épúp, mbɔ pek é si mvéŋɛ ŋ́gɛ, mɛ́ pɔŋteé é lekūʼte lepé tɛ é te.

Lomɛŋ 6:15

Tɛ á páʼa ndɔkɔ ndʉ́ɛ́ ŋ́gɛ akɔ̄? Ŋ́gɛ ḿpɛ eghʉ̄ mefa, melaʼ mīi ḿpɛ te zɛ́t nzīŋɛ ánɛ mɛnzhɛ lepé Mɔɔ́sɛ ɛ́ lɛ́? Melaʼ mīi ḿpɛ é si nzīŋɛ ánɛ mɛnzhɛ yīi, Ndém a a tsia éwú, étswi apɔŋɔ́ ntē te ndhʉ zí ánɛ pímpɛ lɛ́? Ŋgáŋ, á té épúp ɔ́.

Lomɛŋ 6:2

Ŋgáŋ, á té épúp ɔ́. Páʼ ḿpɛ lē ŋkwhʉ́te ánɛ mefa lā, ḿpɛ gɔ́ eghʉ̄ʉ páʼ lā, ńzéŋ nnáŋ á ntē mefa ā?

Lomɛŋ 7:13

Á páʼā ndɔkɔ ŋ́gɛ, ajū mīi á mbɔŋ, á lē ntó á lewhʉ̄ ga lɛ́? Ŋgáŋ, á té épúp ɔ́. A gɔ́ áa lɛ, mefa é le lʉɔnē á nzem ajū mīi, á mbɔŋ, ńtshóne á gá ŋgyá á mbū lewhʉ̄. Púp, lepé é lɔkɔ ŋghʉ̄ɛ, mɛ́ zhɛ́ɛ á légɛ, mefa é si ŋgɔ́ á mɛntséŋ anu.

Lomɛŋ 7:7

Á páʼā, ńdɔkɔ ndʉ́ɛ́ ŋ́gɛ akɔ̄? Ńdɔkɔ ndʉ́ɛ́ ŋ́gɛ, lepé pɔ́ mefa é taʼ azō lɛ́? Ŋgáŋ, á té épúp ɔ́. Lepé mé le ghʉ̄ʉ̄, meŋ ezhɛ́ ajū mīi, mefa é si ŋgɔ́ aziɛ́. Púp, meŋ nde gɔ́ meŋ ńde zhɛ́ á légɛ, kegʉɔʼ a te pɔ̄ɔŋ, té gɔ́ yīi, lepé é lé ŋ́gɛ: «Te wɛ á kegʉɔʼ ɔ́. »

Lomɛŋ 9:14

Á páʼā ndɔkɔ ndʉ́ɛ́ ŋ́gɛ akɔ̄? Ŋ́gɛ Ndém a te á ŋiŋ ndeŋ ndeŋ ɛ́ lɛ̄? Ŋgáŋ, á té épúp ɔ́.

1 Kɔlɛŋte 6:15

Pɛ te si nzhɛ́ɛ á légɛ, mbe nnɛ̄t zɛ é si ŋgɔ́ mejʉʼ nnɛ̄t Klísto lɛ́? Ndɛ́ʼ ŋiŋ á piŋ mbúte á ajʉʼ nnɛ̄t Klísto, ánɛ azi ŋgaŋ agā. Ŋgáŋ, ndɛ́ʼ ŋiŋ á gɔ́ aleʼé, ŋ́ghʉ̄ ntií anu épúp.

2 Kɔlɛŋte 1:18

Anu zīi meŋ shúŋɔ, meŋ tshií á mvhɔ Ndém tɛ́ eshúŋɔ. Anu zīi pek le shúŋ á wɛ́, á té si ŋgɔ́ á ŋŋ, ńzéŋ ŋgɔ́ á ŋ́ŋŋ́ ŋ́,

Galat 2:17

Ḿpɛ epiŋ ŋkó á lefaʼ á légɛ, Ndém a ezápa ánɛ Klísto, ńtɔ́ŋ á yímpɛ lɛ, epuɔ ndeŋ ndeŋ, epuɔ é piŋ ndɔ̄k á yímpɛ nzóko ntɔ́ŋɔ megaŋ mefa, mbɔ á lɔkɔ ndʉ́ɛ́ ŋ́gɛ, Klísto a á si ntshónɛ epuɔ nnéŋɛ á mbū mefa lɛ́? Ŋgáŋ, á té épúp ɔ́.

Galat 2:21

Meŋ te si ŋkɔ̄ŋɔ á gá á lewāʼ apɔŋɔ́ ntē te ndhʉ zīi Ndém a wɛɛ̄ ánɛ meŋ ɛ́, melaʼ mīi, á ŋgwíʼe ŋgɔ́ éyi Ndém a gē etɔ́ŋ á ŋiŋ lɛ, ŋiŋ ndeŋ ndeŋ, éfhó ánɛ yí á lekūʼte lepé, mbɔ á lɔkɔ ndʉ́ɛ́ ŋ́gɛ, Klísto a le kwhʉ́ páʼā, á gɔ́ áa anu te athū.

Galat 6:14

Ŋ́ké ŋgɔ́ mé meŋ, mbɔ amɔ̄ʼ azō á gɔ le ghʉ̄, meŋ eŋīa té gɔ́ áa páʼ, mɛ́ le kwɛtē á Atsyapuɔ yímpɛ Yɛɛ́so Klísto, ánɛ mbaŋne paŋné ɛ́. Mɛ́ le kwɛtē á yí páʼā, ajūɔ tsem á lɔk mbú ńcʉ́ʼ á mbū meŋ, ŋ́gɔ́ áa páʼ apfhō azō lā. Meŋ méŋwɛ̄t azá, meŋ zéŋ ncʉ́ʼ páʼ apfhō azō lā, á mbū epuɔ ŋgɔŋ puɔ.

1 Timotɛ 3:16

Kwaʼ anuúnē, mía anu ndʉɔne lʉɔne yīi ḿpɛ pɔŋteé á lekūʼte, á cʉte á Yɛɛ́so, Ndém a le ghʉ̄ ḿpɛ zhɛ́, ńzéŋ nnɔ̄ŋ eshúŋɔ á yímpɛ páʼ, ḿpɛ náŋa épúp, á pɔŋ á yí. Yɛɛ́so a le cʉ́ʼ á ŋiŋnɔŋ, Azwakne Ndém á shúŋ á yímpɛ ŋ́gɛ, a á si ŋgɔ́ á ŋiŋ ndeŋ ndeŋ. Mecɔʼ Ndém é le jʉ́ɔ á yí. Epuɔ é sáʼ anu zí, á mbū ŋgɔŋ ŋgɔŋ. Mɛ́ fɛɛ́ nnɛ̄t ŋgyá mé yí, á ntē ŋgɔŋ. Ndém á kɔ́ʼne á yí, nnáŋ á ntē shʉ́shɔ́k yi.

Tíit 1:2

Ŋ́gē enáŋ épúp, ńnɔŋ nzwíʼtɛ á lefū ntā á lezēŋ Ndém, páʼ a le laʼnē épúp, tɛ nzɛ́t áa te nɔŋ ŋgɔŋ. Ndém mɛ́t a te láte.

Eble 6:18

Púp, menu mɛ́mbīa muɔ mɛ́t, Ndém a gɔ le kúmne. Ndém a púu ŋgɔ́ le á wú láte. Aziɛ́ mé ghʉ̄ʉ, ḿpɛ pīi ḿpɛ lē ŋkʉ ndʉ̄ɔne á mbap yí, é chʉ́ nnɛ̄t ŋkāk ete melaʼ épúp, ńnéŋ á ntē pímpɛ á légɛ, ḿpɛ e láʼ ewɛ ajū mīi, Ndém a le laʼnē á leyā á mbū pímpɛ.

1 Jáaŋ 5:10

Ŋiŋ a fíɛ́ nnɛ̄t ŋgyá á mbū Méŋ Ndém, ŋgaŋ á lɔkɔ mvéŋɛ á légɛ, anu zīi Ndém a shúŋɔ, á si ŋgɔ́ anuúnē. Ŋiŋ yīi a te fɛ́ nnɛ̄t ŋgyá á mbū Ndém ɛ́, ŋgaŋ a á páʼā, ńdɔkɔ ndʉ́ɛ́ ŋ́gɛ, Ndém a á ŋgaŋ mela, melaʼ mīi, ŋgaŋ a te si mvéŋɛ anu zīi, Ndém a shúŋɔ ánɛ Méŋ yí í.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.

Menjʉɔ te lí 3:7

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Filadɛlfi ŋ́gɛ: «Ŋiŋ yīi a fhɔ́ɔ á mbū Ndém, ŋ́gɔ́ á ŋgaŋ anuúne, ŋ́gwɛ̄ á kí Efɔ Ndavít, ŋ́gɔ́ á ŋiŋ yīi a tsɔ́ʼɔ, ŋiŋ a á le kɛ̄ɛ, ŋ́kɛ̄, ŋiŋ a á le tsɔ́ʼ, a á si ndʉ́ɛ́ ŋ́gɛ: