Lomɛŋ 3:31 - Eka Eswhī

³¹ Ḿpek é páʼā, ńdɔkɔ ndʉ́ɛ́ ŋ́gɛ, lepé é té zɛ́t á azō ɔ́, melaʼ mīi, pek fɛɛ́ nnɛ̄t ŋgyá á mbū Klísto lɛ́? Ŋgáŋ, a cʉ́ʼɛ épúp, mbɔ pek é si mvéŋɛ ŋ́gɛ, mɛ́ pɔŋteé é lekūʼte lepé tɛ é te.

Lomɛŋ 3:31 Iomraidhean Croise

Matío 15:6

a á le zók nzéŋɛ ŋghʉ̄ɛ mekuʼ mɔʼɔ́ yi í.” Púp, pɛ elɔ̄ɔk á mɛt alāʼ wɛ yīi, pɛ é si nzíʼnɛ epuɔ, ḿbík ashuŋne Ndém.

Matío 3:15

Tɛ́ Yɛɛ́so á tsɔ́ʼ á mbū yí ŋ́gɛ: «Véŋ ŋ́gɛ, a egɔ́ épúp tsetsɔŋɔ. O o ghʉ épúp, tɛ́ pɔkɔ elɔk ŋghʉ̄, anu tsem zīi Ndém a le léē, a ezīŋ ndeŋ ndeŋ. » Jáaŋ á lɛ mvéŋ.

Matío 5:17

«Ndɛ́ʼ pɛ ekwāaŋ ŋ́gɛ, meŋ kɛɛ́ eshʉʼɛ á ŋgɔŋ, á mbík mbé mīi, Ndém a le yá á mbū Mɔɔ́sɛ, mbɔɔ anu zīi, metswi‑ŋke Ndém é le léē. Ŋgáŋ, meŋ kɛɛ́ te shʉ̄ʼɛ á mbíkɛ ɛ́. Meŋ kɛɛ́ eshʉʼɛ, éghʉ mɛ́ ecūŋte njúʼ.

Matío 5:20

Á épúp, tɛ́ meŋ shúŋɔ á wɛ́ ŋ́gɛ, ajū mīi Ndém a á si ŋkɔ̄ŋɔ ŋ́gɛ mɛ́ eghʉ̄, pɛ gɔ te ghʉ̄ tɛ ntɔ́k wɔ kɛ́ʼte‑mbé Ndém, mbɔɔ epuɔ Falísia á, ŋgáŋ, mbɔ pɛ te e fú ekó á ntē Lefɔ Ndém ɛ́.

Lúkási 20:16

A a shʉʼ egʉɔ egɔte epuɔ puɔ mɛ́t, ézwhíte á wɔ́p, étswí ŋkāʼ yí, étsékne á mbū epuɔ mendɛʼɛ. » Alāʼ á júʼ épúp tɛ ndé ŋ́gɛ: «Ndɛ́ʼ ntií anu páʼa, é zi ndáʼ ŋghʉ̄. »

Lomɛŋ 10:4

Lepé Mɔɔ́sɛ é le gʉ̄ɔ tɛ ntsóʼne áa ánɛ Klísto, tɛ́ Ndém a etɔ́ŋ epuɔ metsem pīi, pɔ́ fɛɛ́ nnɛ̄t ŋgyá á mbū Klísto lɛ, epuɔ ndeŋ ndeŋ.

Lomɛŋ 2:20

ŋ́gɔ á nziʼnɛ epuɔ pīi, é zɛɛ́t te wɛ leghi, ŋ́gɔ á nziʼnɛ wɔ te tswhi nzhɛ́ azō. O ó si njʉ́ɔ ŋ́gɛ, o ó épúp melaʼ mīi, o ó si njʉ́ɔ lepé Mɔɔ́sɛ, páʼ mɛgém anu á lelɔk nzhɛ́ azō, mbɔɔ lelɔk ŋgwɛ̄ anuúnē.

Lomɛŋ 3:4

Ŋgáŋ, á té épúp ɔ́, mɛ́ pɔŋteé á lezhɛ̄ á légɛ, Ndém a á si ŋgɔ́ á ŋgaŋ anuúnē, epuɔ menɔŋ tɛ mmī, é piŋ ŋgɔ́ megaŋ mela. Á zi ŋgē egɔ́, mbɔ mɛ́ le tí á ntē aŋwaʼne Ndém ŋ́gɛ: «Á pɔŋ ŋ́gɛ, mɛ́ etsīa ánɛ ashuŋne jú, wu Ndém, ńzhɛ́ á légɛ, o ó ŋiŋ ndeŋ ndeŋ, ŋ́gɔ́ yīi mɛ́ ŋak á wú, o ejhʉ́. »

Lomɛŋ 3:6

Ŋgáŋ, á té épúp ɔ́. Á le wíʼe ŋgɔ́ épúp, mbɔ Ndém a a fú eghʉ páʼ lā, tɛ́ ezáʼ ntsaŋ zɔp a epuɔ menɔŋ ŋ̄?

Lomɛŋ 4:14

Á ŋgwíʼe ŋgɔ́ éyi, epuɔ pīi é ziīŋ páʼ lepé Mɔɔ́sɛ é si nzɛ́ttɛ, mé láʼ egɔ́ ndaʼ epuɔ pīi, pɔ́ wɛɛ̄ ajū mīi, Ndém a le phʉ́ʉ̄, mbɔ lefɛ̄ nnɛ̄t ŋgyá á mbū Ndém, a puú te zɛ́t azō ɔ́. Ajū mīi Ndém a le laʼnēē, á lɔkɔ te nzɛ́tɛ ɛ́.

Lomɛŋ 7:22

Meŋ á páʼā ndɔkɔ ŋ́gɛ, lepé tsīi, é fhɔ́ɔ á mbū Ndém, é tɛ á ntē meŋ, ḿbɔ̄ŋ á gá tɛʼ.

Lomɛŋ 7:25

Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 8:4

A lɛɛ́ ŋghʉɛ épúp, ńdɔkɔ ŋ́gɛ, ḿpɛ ekūʼ á leziŋ páʼ lepé é si nzɛ́ttɛ. Á yímpɛ pīi, ḿpɛ te zɛ́t nnáŋa páʼ mbe nnɛ̄t zímpɛ é si ntshónɛ á yímpɛ ŋ́gɛ, ḿpɛ enáŋ épúp ɔ́, ńcʉ́ʼɛ ńnáŋa áa páʼ, Azwakne Ndém á kɔɔ̄ŋ épúp.

1 Kɔlɛŋte 9:21

Meŋ gʉɔ̄ tɛ ŋkó á nnɔ epuɔ pīi, pɔ́ gɛ te njúʼu lepé Mɔɔ́sɛ ɛ́, ńcʉ́ʼɛ nnáŋa áa páʼ pɔ́p la, ńdɔkɔ efāʼa ŋ́gɛ wɔ te júʼ‑lepé, e efɛ́ nnɛ̄t ŋgyá á mbū Atsyapuɔ Yɛɛ́so. Meŋ te ndɔ̄kɔ ŋ́gɛ, meŋ gɛ te njúʼu lepé Ndém ɛ́, ŋgáŋ, meŋ gɛ njúʼu, melaʼ mīi, Klísto a puú ŋgɔ́ etsá lepé tsem.

Galat 2:19

Ŋ́gɔ́ mé meŋ, mbɔ á gɔ́ azō tɛ ncʉ̄te lepé, mɛ́ zhɛ́ á légɛ meŋ ndē ndáʼ ŋkwhʉ́, lepé é lē ndáʼ ŋghʉ̄ meŋ kwhʉ́. Meŋ ghʉ̄ɛ épúp, ńdɔkɔ efāʼa á gá á lenāŋ á ŋgɔŋ, ŋ́ghʉ̄ mefaʼ Ndém. Mɛ́ le gē ekwɛte á Klísto ánɛ mbaŋne paŋné páʼā, ḿbú ŋkwɛ̄te á gá azá.

Galat 2:21

Meŋ te si ŋkɔ̄ŋɔ á gá á lewāʼ apɔŋɔ́ ntē te ndhʉ zīi Ndém a wɛɛ̄ ánɛ meŋ ɛ́, melaʼ mīi, á ŋgwíʼe ŋgɔ́ éyi Ndém a gē etɔ́ŋ á ŋiŋ lɛ, ŋiŋ ndeŋ ndeŋ, éfhó ánɛ yí á lekūʼte lepé, mbɔ á lɔkɔ ndʉ́ɛ́ ŋ́gɛ, Klísto a le kwhʉ́ páʼā, á gɔ́ áa anu te athū.