Lomɛŋ 3:30 - Eka Eswhī

³⁰ Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 3:30 Iomraidhean Croise

Lomɛŋ 2:26

A piŋɛ ŋgɔ́ éyi, ŋiŋ yīi mɛ́ la á yí tém ɛ́, a á si nzīŋɛ páʼ lepé Mɔɔ́sɛ é zɛteé épúp, mbɔ Ndém a te e tɔ́ŋ á yí lɛ, ŋiŋ yīi mɛ́ lē ntém á yí lɛ̄?

Lomɛŋ 2:27

Púp, ŋiŋ yīi mɛ́ é si ndɔ̄kɔ menēk njʉ́ɔ, mbɔ mɛ́ la á yí tém ɛ́, á piŋ nnɔ̄ŋ ŋkúʼtɛ lepé Mɔɔ́sɛ, a a shʉʼ mmaʼ esē á athū wu yīi, mɛ́ lē ntém á wú, o nɔŋ nzhɛ́ɛ lepé, ḿbiŋ nnɔ̄ŋ te nzīŋɛ páʼ lepé mɛ́t, é si nzɛ́tɛ ɛ́.

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 3:28

Pek ké ŋgɔ́ si ŋkwāŋa azék ŋ́gɛ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, éfhó ánɛ páʼ, ŋgaŋ a á fɛ́ nnɛ̄t ŋgyá mé Yɛɛ́so, a te fhó ánɛ páʼ, ŋgaŋ a kuʼteé lepé ɛ́.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

Lomɛŋ 4:9

Anu jʉɔ mɛ́t, ánɛ legɔ̄ eshhʉ̄ mbɔŋ, á páʼā, ńdɛ ncʉ̄te áa epuɔ pīi, mɛ́ le tém á wɔ́p lɛ́? Ŋgáŋ, á zéŋ ncʉte mbɔɔ epuɔ pīi, mɛ́ la á wɔ́p tém ɛ́. Pek é zi ndé ŋ́gɛ: «Ablaham a le fɛ́ nnɛ̄t ŋgyá á mbū Ndém, Ndém á tsia épúp, ńtɔ́ŋ á yí lɛ, ŋiŋ ndeŋ ndeŋ. »

Galat 3:20

Mɛmekém a gɛ mbīŋɛ ŋgɔ́ áa tsetsɛlɛ tsɔ epuɔ mémpīa, a te eyi taʼ ŋiŋ ɛ́. Ndém yíléyī mé le pīŋ ŋghʉ̄ alaʼne, á mbū Ablaham.

Galat 3:28

Á tsia épúp, pɛ metsem lɔkɔ ncʉ́ʼɛ á taʼ azō á mvhɔ Ndém, tɛ mɛ́ le zéŋ ntɛ̄ʼte ŋ́gɛ, ŋiŋ Yúda a awuɔ, ŋiŋ Glɛk á gɔ́ ewuɔ ɔ́. Ŋ́gɛ ŋkwa e ejʉɔ, ŋiŋ yīi a naáŋ á ŋga athū yí á gɔ́ ewuɔ ɔ́. Ŋ́gɛ menzwí a awuɔ, ŋiŋ mbaŋa á gɔ́ ewuɔ ɔ́, mbɔ pɛ é zápa ánɛ Yɛɛ́so Klísto, ńcʉ́ʼ á taʼ.

Galat 3:8

Ndém a le té njhʉ̄, ńdé á ntē aŋwaʼne yí ŋ́gɛ, yí e láʼ eghʉ, epuɔ pīi é té epuɔ Yúda á, e ecʉ́ʼ epuɔ ndeŋ ndeŋ, éfhó ánɛ wɔ́p á lefɛ̄ nnɛ̄t ŋgyá á mbū yí. A le lé épúp, ńtswī ŋke mbɔŋ wuɔ á mbū Ablaham ŋ́gɛ, yí e láʼ ezápa ánɛ yí, énéŋ mbwɛ́né ánɛ elāʼ ntsem.

Galat 5:6

Ńdɔkɔ ŋ́gɛ, ŋiŋ a lɛtnɛ ánɛ Yɛɛ́so Klísto, mbɔ letēm á ŋiŋ pɔ́ legɔ̄ le á yí tém, é pú ŋgɔ́ le á yí tswíte. Mía anu a gɔ́ áa á yí á lefɛ̄ nnɛ̄t ŋgyá á mbū Klísto, lefɛ̄ nnɛ̄t mɛ́t á tshóne á yí á lekɔŋ epuɔ menɔŋ.

Galat 6:15

Ajū mīi á mbū meŋ ŋgɔ́ á mía azō, á té si ŋgɔ́ á letēm ŋiŋ, kɛ á legɔ̄ le á yí tém lɛ́ ɛ́. Á si ŋgɔ́ áa lewɛ lenāŋ leswhī.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

1 Timotɛ 2:5

Meŋ ndʉ́ɛ́ páʼa melaʼ mīi, taʼ Ndém mé éwú, taʼ nziŋ‑ekém mé zéŋ ŋgɔ́ éwú, á tsetsɛlɛ Ndém pɔ́ epuɔ menɔŋ. Ŋ́gɔ́ á ŋiŋnɔŋ, á Yɛɛ́so Klísto,