Lomɛŋ 3:29 - Eka Eswhī

²⁹ Á le wíʼe á té épúp ɔ́, mbɔ Ndém a gɔ áa Ndém epuɔ Yúda ndaʼ. Mbɔ a te á Ndém epuɔ pīi, é té epuɔ Yúda á. Ŋgáŋ, Ndém a zeéŋ ŋgɔ́ á Ndém epuɔ pīi, é té epuɔ Yúda á.

Lomɛŋ 3:29 Iomraidhean Croise

Matío 22:32

“Meŋ a á si ŋgɔ́ á Ndém Ablaham, ŋ́gɔ́ á Ndém Izak, ńzéŋ ŋgɔ́ á Ndém Yakɔ́p lɛ̄?” Ndém a te si ŋgɔ́ á Ndém mepfhō ɔ́, a gɔ́ áa Ndém epuɔ mete. »

Matío 28:19

Púp, pɛ egʉ̄ɔ á ŋgɔŋ ŋgɔŋ, ŋ́ghʉ̄ epuɔ menɔŋ e ecʉ́ʼ megaŋ nnɔ pá, ńnōʼ á wɔ́p á ntshi ánɛ lezēŋ Mɔʼɔ́, ánɛ lezēŋ Mɔ́, mbɔɔ ánɛ lezēŋ Azwakne Ndém,

Mefaʼ Meziŋ-ntō 10:34

Piɛ á lɛ ŋŋáʼa nchu yí, ńdé á mbū Kɔɔnɛye pɔ́ a epuɔ pí ŋ́gɛ: «Tsetsɔŋɔ, meŋ á chʉ́ nnɛ̄t nzhɛ́ ndeŋ ndeŋ ŋ́gɛ, Ndém a te ŋiŋ tɛ̄ʼte.

Mefaʼ Meziŋ-ntō 22:21

Atsyapuɔ á zéŋ ndé á mbū meŋ ŋ́gɛ: “Ké efhó á tésɔŋ ega ntó tó, meŋ méŋwɛ̄t e tó á wú tɛ ŋgia e esāk, á mbū epuɔ pīi, é té epuɔ Yúda á.”»

Mefaʼ Meziŋ-ntō 26:17

Meŋ a tó á wú á mbū epuɔ Yúda, mbɔɔ á mbū melāʼ ndɛʼɛ. Meŋ mé gʉɔ mé ŋkápte wu, tɛ ŋgɔ́ yīi, amɔ̄ʼ azō á gɔ le á wú ghʉ.

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Lomɛŋ 1:16

Esē é té si ŋkúu á gá á letswi ŋke mbɔŋ ɔ́. É si ŋgɔ́ mete Ndém á lelɔk ŋghʉ̄, tɛ mbɔɔ awɔ́ lɛ́ yīi, a á fɛ́ nnɛ̄t ŋgyá á mbū Yɛɛ́so, á tswɛ́t. Epuɔ Yúda é zi mvhɔ, ńtswɛ́t, emɔ̄ʼ epuɔ é páte.

Lomɛŋ 10:12

Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 15:16

Á gɔ́ páʼ, a le lɔ̄k á gá ŋghʉ̄ á ŋgaŋ afaʼ Yɛɛ́so Klísto, á mbū epuɔ pīi é té epuɔ Yúda á. Ńchʉ́ á gá ŋ́gɛ, meŋ etswī ŋke mbɔŋ Ndém, tɛ́ Azwakne Ndém a eghʉ̄, epuɔ pīi é té epuɔ Yúda á, e ecʉ́ʼ páʼ epɔʼ yīi, mɛ́ é yá á mbū Ndém, tɛ é pɔŋ á yí lā.

Galat 3:14

Klísto a le ghʉ̄ épúp, ńdɔkɔ ŋ́gɛ, etsō mbɔŋ tɛ nzáne tsīi, Ndém a le phʉ́ á mbū Ablaham, a efhó ánɛ páʼ epuɔ pīi, é té epuɔ Yúda á, é fɛɛ́ nnɛ̄t ŋgyá á mbū Yɛɛ́so Klísto, ŋ́gyá etsō mbɔŋ mɛ́t á mbū pɔ́p azɔ́p. Klísto a lɛɛ́ nzéŋɛ ndɔkɔ ŋ́gɛ, páʼ ḿpɛ é fɛɛ́ nnɛ̄t ŋgyá á mbū yí lā, Ndém a eyá á yímpɛ Azwakne zí zīi, a le phʉ́ʉ̄.

Efɛze 3:6

Ntsem mɛ́t, e ejʉɔ: epuɔ pīi é té epuɔ Yúda á, é zapaá ánɛ ŋke mbɔŋ, ńdɛ̄tne ánɛ Yɛɛ́so Klísto, ŋ́gwɛ̄ azɔ́p akim, páʼ epuɔ Yúda lā, ánɛ ajū mīi, Ndém a le phʉ́ʉ̄. Á páʼā, pɔ́ lɔkɔ mbúu ncʉ́ʼɛ á taʼ mbe nnɛ̄t, pɔ́ a epuɔ Yúda, éfú ewɛ azɔ́p ajū mīi, Ndém a le laʼnēē.

Kɔlɔs 3:11

Púp, mɛ́ le zéŋ ŋghʉ̄ á tɛʼte ŋ́gɛ, ŋiŋ Glɛk a awuɔ, ŋiŋ Yúda á gɔ́ ewuɔ ɔ́. Ŋ́gɛ, ŋiŋ yīi mɛ́ lē ntém á yí a awuɔ, ŋiŋ yīi mɛ́ la á yí tém ɛ́, á gɔ́ ewuɔ ɔ́. Ŋ́gɛ, ŋiŋ alāʼ ndɛʼɛ a awuɔ, epuɔ pīi pɔ́ naáŋ páʼ mena mbaʼ lā, é gɔ́ epuɔ ɔ́. Ŋ́gɛ, apuʼ a ajʉɔ, ŋiŋ yīi a naáŋ á ŋga athū yí, á gɔ́ ewuɔ ɔ́. Klísto mé puú ŋgɔ́ ndaʼ mɛgém anu, ńnáŋ á ntē epuɔ metsem pīi, pɔ́ fɛɛ́ nnɛ̄t ŋgyá mé yí.