Lomɛŋ 3:28 - Eka Eswhī

²⁸ Pek ké ŋgɔ́ si ŋkwāŋa azék ŋ́gɛ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, éfhó ánɛ páʼ, ŋgaŋ a á fɛ́ nnɛ̄t ŋgyá mé Yɛɛ́so, a te fhó ánɛ páʼ, ŋgaŋ a kuʼteé lepé ɛ́.

Lomɛŋ 3:28 Iomraidhean Croise

Jáaŋ 5:24

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ a júʼɔ ashuŋne zá ŋkúʼte, éfɛ́ nnɛ̄t ŋgyá á mbū Ndém páʼ, a le tó á gá, mbɔ ŋgaŋ a á ndáʼ nzī á leta á lezēŋ yí. Ŋgaŋ a te e láʼ epí asāʼ á, a á ndáʼ ntswɛ́t á lewhʉ̄, tɛ nzī á leta á lezēŋ Ndém.

Jáaŋ 6:40

Ajū mīi Mɔʼɔ́ ga a á si ŋkɔ̄ŋɔ, a ajʉɔ: ŋiŋ ntsem yīi, a á jʉ́ɔ á gá meŋ Méŋ yi, éfɛ́ nnɛ̄t ŋgyá mé meŋ, a a fú eta á lezēŋ Ndém. Meŋ ndáʼ ánɛ nzoknzem aleʼé, ŋ́ghʉ̄ a ezím ánɛ lewhʉ̄. »

Lomɛŋ 3:26

Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

Lomɛŋ 4:5

Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 8:3

Ndém a le ghʉ̄ épúp, á gɔ́ ajū mīi, lepé Mɔɔ́sɛ é lɛ te kūʼ á leghʉ ɛ́, melaʼ mīi, lepwɛ̄t ŋiŋnɔŋ, a le ghʉ̄ʉ̄, ŋiŋ a te kūʼ á lekūʼte lepé ɛ́. Ndém a le gē efók mefa epuɔ menɔŋ, ńtó á kwaʼ Méŋ yi, á wɛ mbe nnɛ̄t, páʼ ezi epuɔ menɔŋ, mégaŋ mefa. A le zapá ánɛ mbe nnɛ̄t zi mɛ́t, tɛ́ mbík mefa epuɔ menɔŋ.

1 Kɔlɛŋte 6:11

É páʼa, ḿbú ŋgɔ́ ecū mīi, emɔ̄ʼ epuɔ á nnɔ pɛ, é lɛɛ́ mbúu ŋghʉ̄ɛ. Táʼ, Azwakne Ndém yímpɛ, á le sōk mefa mɛ́, ŋ́ghʉ̄ pɛ ecʉ́ʼ epuɔ Ndém, ńzéŋ ŋghʉ̄ pɛ ecʉ́ʼ epuɔ ndeŋ ndeŋ, ńzápa ánɛ Atsyapuɔ Yɛɛ́so Klísto, tɛ́ ŋghʉ̄ épúp.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 3:24

Á lɛ páʼā, lepé é lɔk ŋgɔ́ páʼ ŋiŋ yīi, a tshií lezēk tsí ánɛ pímpɛ, ńdɔkɔ nzwíʼtɛ afʉʼ zīi, Klísto a a láʼ eshʉʼe, éghʉ ḿpɛ e efhó ánɛ lefɛ̄ nnɛ̄t yímpɛ ŋgyá á mbū yí, ŋ́gɔ́ epuɔ ndeŋ ndeŋ á mvhɔ Ndém.

Galat 3:8

Ndém a le té njhʉ̄, ńdé á ntē aŋwaʼne yí ŋ́gɛ, yí e láʼ eghʉ, epuɔ pīi é té epuɔ Yúda á, e ecʉ́ʼ epuɔ ndeŋ ndeŋ, éfhó ánɛ wɔ́p á lefɛ̄ nnɛ̄t ŋgyá á mbū yí. A le lé épúp, ńtswī ŋke mbɔŋ wuɔ á mbū Ablaham ŋ́gɛ, yí e láʼ ezápa ánɛ yí, énéŋ mbwɛ́né ánɛ elāʼ ntsem.

Efɛze 2:9

A te fhó ánɛ mefaʼ mɛ́ ɛ́, ńdɔkɔ ŋ́gɛ, ndɛ́ʼ ŋiŋ á lɔk épúp ŋŋīa.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Tíit 3:7

Ndém a lɛ́ ŋghʉ̄ɛ épúp páʼā, ŋ́gɛ ḿpɛ efhó ánɛ apɔŋɔ́ ntē te ndhʉ zí, ńcʉ́ʼ epuɔ ndeŋ ndeŋ, éfú ntā á lezēŋ yí, páʼ ḿpɛ gɛ nzwíʼtɛ épúp.

Jáak 2:18

Ŋiŋ a gɔ elé ŋ́gɛ: «Emɔ̄ʼ epuɔ é éwú, éfɛ́ nnɛ̄t ŋgyá á mbū Yɛɛ́so Klísto. Emɔ̄ʼ é ghʉ mefaʼ tɛ́ ndɔk ntswī. » Mbɔ meŋ a tsɔ́ʼ á mbū yí égɛ: «Tswi á gá ewu lefɛ̄t nnɛ̄t, té lɔk mefaʼ. Meŋ mbīŋ ndɔ̄k mefaʼ, ńtswī á wú á légɛ, meŋ fɛɛ́ nnɛ̄t ŋgyá á mbū Yɛɛ́so Klísto. »

Jáak 2:20

Atsetseŋ, o ó si ŋkɔ̄ŋɔ ŋ́gɛ, mɛ́ etswī á wú á légɛ, ŋiŋ a fíɛ́ nnɛ̄t ŋgyá á mbū Yɛɛ́so Klísto, té lɔk mefaʼ ntswī, mbɔ lefɛ̄ nnɛ̄t mɛ́t, a gɔ́ áa ŋŋiké lɛ́?

Jáak 2:24

Pɛ elɔ̄kɔ njʉ́ɔ á légɛ, mefaʼ ŋiŋ mé ghʉʉ̄, Ndém á véŋ ŋ́gɛ, ŋiŋ a á ŋiŋ ndeŋ ndeŋ. A te lɛ̄ ŋgɔ́ áa lefɛ̄ nnɛ̄t ndaʼ á.