Lomɛŋ 3:27 - Eka Eswhī

²⁷ Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

Lomɛŋ 3:27 Iomraidhean Croise

Málkúsi 16:16

Ŋiŋ yīi a á véŋ ŋke mbɔŋ mɛ́t, mɛ́ noʼ á yí á ntshi, a a shʉʼ etswɛ́te. Ŋiŋ yīi a ka véŋ ɛ́, a eláʼ ndákne.

Jáaŋ 3:36

Ŋiŋ yīi, a fɛɛ́ nnɛ̄t ŋgyá á mbū Méŋ yi mɛ́t, a á ndáʼ nzī á leta á lezēŋ Ndém. Ŋiŋ yīi a te si njúʼɔ nchu Méŋ yi mɛ́t ɛ́, a te e fú ewɛ lenāŋ cʉɔ mɛ́t ɛ́. Ndém a naáŋ efʉʼ metsem, ńzáŋ á lɔ́ŋ á mbū yí. »

Lomɛŋ 10:5

Mɔɔ́sɛ a le tíī, ánɛ ŋiŋ á legē egɔ́ á ŋiŋ ndeŋ ndeŋ, éfhó ánɛ yí á lekūʼte lepé, ŋ́gɛ: «Ŋiŋ yīi a kuʼteé lepé, a a láʼ elɔk lepé mɛ́t tɛ́ egɔ́ éwú. »

Lomɛŋ 11:6

Ndém a le fhó ánɛ apɔŋɔ́ ntē te ndhʉ zí, tɛ́ ntsɔ́ʼ á wɔ́p, a lɛ te fhó ánɛ mefaʼ mɔ́p ɔ́. A le wíʼe, éfhó ánɛ mefaʼ mɔ́p, mbɔ apɔŋɔ́ ntē te ndhʉ zí, á té zɛ́t á apɔŋɔ́ ntē ɛ́.

Lomɛŋ 2:17

Wu yīi o ó si ndʉ́ɛ́ ŋ́gɛ, o ó ŋiŋ Yúda, ńnɔŋ ntsēŋnɛ ánɛ lepé Mɔɔ́sɛ, ńnɔŋ ndɔ̄kɔ á Ndém ŋkāʼtɛ.

Lomɛŋ 2:23

O ó si ndɔ̄kɔ lepé Mɔɔ́sɛ ŋkāʼtɛ, ḿbiŋɛ ndɔ̄kɔ á wú á legɔ̄ le zīŋ páʼ lepé mɛ́t é si ndʉ́ɛ́, ńtsēŋtɛ lezēŋ Ndém.

Lomɛŋ 3:19

Ḿpɛ ké nzhɛ́ á légɛ, akʉ̄ɛ akʉ̄ɛ zīi mɛ́ le tí á ntē aŋwaʼne lepé Ndém, á cʉteē áa epuɔ pīi, pɔ́ le pɔŋté é lekūʼte lepé mɛ́t. Ndém a lɛɛ́ ŋgyáa lepé, ńdɔkɔ efāʼa ŋ́gɛ, epuɔ menɔŋ metsem, e eláŋte nchu wɔ́p, ńzhɛ́ á légɛ, yí pɔŋteé á letswā á ŋiŋ ntsem, á ndo esī atsetsáʼ, ŋgʉɔ athʉ́ lepé.

Lomɛŋ 3:26

Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

Lomɛŋ 4:2

Ndém a le wíʼe, ŋ́gē etɔ́ŋ á Ablaham lɛ ŋiŋ ndeŋ ndeŋ, éfhó ánɛ mefaʼ mí, mbɔ Ablaham a le gɔ́, á lɔk épúp ŋŋīa. A le pīŋ ŋgɔ́ a á le kūʼ á leŋia á mvhɔ Ndém ɛ́.

Lomɛŋ 7:21

Meŋ yīi, meŋ á si ŋké ntsáa á leghʉ anu mbɔŋ, meŋ á si mbiŋɛ njʉ́ɔ, leghʉ anu tepɔŋ mé azaŋne á mbū meŋ.

Lomɛŋ 7:23

Táʼ, meŋ á si mbiŋɛ njúʼɔ, amɔ̄ʼ azō á gɔ́ á ntē meŋ, ńnɔŋ ndʉɔ́ʼɔ ajū mīi, emɔ̄ʼ ntē gá é si mvéŋɛ ŋ́gɛ, meŋ eghʉ̄. Azō mɛ́t, á si ŋghʉ̄ɛ, meŋ cʉ́ʼɛ apuʼ mefa, páʼ é lē mbú njhʉ́ á gá lā.

Lomɛŋ 7:25

Awuʼte a egɔ́ áa mbū Ndém, á yí yīi, a a láʼ etsia ánɛ Atsyapuɔ yímpɛ Yɛɛ́so Klísto, ékú á gá. Á páʼā, meŋ gɔ́ á ntē meŋ, ŋ́kúʼte lepé Ndém, ŋ́gɔ́ ánɛ emɔ̄ʼ ntē gá, ŋ́gɔ́ apuʼ mefa.

Lomɛŋ 8:2

melaʼ mīi, mete mīi Azwakne Ndém á zapaá ánɛ Yɛɛ́so Klísto, ńdɔk ŋghʉ̄ mɛ́ gɔ́ éwú, é lē ŋkú á wú á mbū mete mīi, é tshónɛ epuɔ nnéŋɛ ánɛ mefa, mbɔɔ á mbū lewhʉ̄.

Lomɛŋ 9:11

Mɛ́ le zɛ́t te zhí ewɔŋkhʉ̄ mɛ́t, pɔ́ zɛ́t á levem, tɛ nzɛ́t áa te zhɛ́ á leghʉ anu mbɔŋ ká azi tepɔŋ. Ndém páʼ, á gē eghʉ azō, yí méŋwɛ̄t mé sáŋ, ŋ́ghʉ̄ páʼ, a á kɔŋ épúp,

Lomɛŋ 9:31

Mbiŋ ŋgɔ́ mé epuɔ Islaɛl, mbɔ pɔ́ le nɔ̄ŋ efaʼa á wɔ́p á lefhō ánɛ lekūʼte lepé, tɛ́ ŋgɔ́ epuɔ ndeŋ ndeŋ á mvhɔ Ndém, ḿbiŋ ndáʼ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́.

Lomɛŋ 9:32

Pɔ́ lɛ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́ melaʼ akɔ̄? Melaʼ mīi, pɔ́ lɛ te fāʼ á wɔ́p á lefhō ánɛ lefɛ̄ nnɛ̄t ŋgyá á mbū Yɛɛ́so, tɛ́ ŋgɔ́ epuɔ ndeŋ ndeŋ á mvhɔ Ndém ɛ́. Pɔ́ le fāʼ á wɔ́p áa lefhō ánɛ mefaʼ mɔ́p. Pɔ́ le ghʉ̄ épúp, ŋ́kwɛ̄ eshhʉ̄ wɔ́p ánɛ «tɔ́ yīi, mɛ́ kwatɛ éwú ŋgwhʉ̄ɛ á esī. »

1 Kɔlɛŋte 4:7

Wu yīi, o ó si ŋkwāŋa ŋ́gɛ, o tɔɔ́k emɔ̄ʼ epuɔ, o ó awɔ́? O wɛɛ̄ akɔ̄ zīi, Ndém mé lɛ te á wú yá ā? Páʼ ajūɔ tsem zīi, o wɛ̄ɛ, Ndém mé le pú ŋgyá á wú lā, melaʼ akɔ̄, o piŋɛ ndɔ̄kɔ azō mɛ́t ŋŋáʼnɛ, páʼ o ó lɔk mbʉʼ ju tɛ́ ŋgwɛ̄ ɛ́?

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.