Lomɛŋ 3:26 - Eka Eswhī

²⁶ Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

Lomɛŋ 3:26 Iomraidhean Croise

Lúkási 1:80

Méŋ Sakalía wuɔ mɛ́t, a le gē enɔŋ etswhíɛ, ńnɔŋ nzápa ntē yí ánɛ Ndém. Ńtswhí tɛ nnáʼ ŋgɔ́ azō, ŋ́gʉɔ nnáŋ á késáatswɛt, á ajʉʼ zīi mɛ́ gɛ te náŋa éwú ú. Tɛ ndáʼ ŋkó á afʉʼ zīi, a le ghʉ̄ʉ̄, epuɔ Islaɛl é zhɛ́ á yí.

Lomɛŋ 3:25

Ndém a le véŋ ŋ́gɛ, a ekwhʉ́ ndɔk ésōk mefa ŋiŋ ntsem yīi, a á fɛ́ nnɛ̄t ŋgyá á mbū yí. Ndém a le ghʉ̄ épúp, ńdɔkɔ ntswīi páʼ yí gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp. A lɛ efʉʼ mvhɔ páʼā, ńnáʼ ŋkʉ̄ŋɛ lezēk tsí ánɛ mefa epuɔ menɔŋ.

Lomɛŋ 3:27

Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 4:5

Ḿbiŋ ŋgɔ́ mé ŋiŋ yīi, a ka amɔ̄ʼ afaʼ ghʉ̄ɛ, ḿbiŋ nnɔ̄ŋ efíɛ́ nnɛ̄t ŋgyáa á mbū Ndém, páʼ a gɔ eghʉ̄ʉ, ŋgaŋ mefa, á cʉ́ʼ á ŋiŋ ndeŋ ndeŋ, mbɔ Ndém mɛ́t a gɔ efhó ánɛ lefɛ̄ nnɛ̄t ŋgaŋ, ńtɔ́ŋ á yí lɛ ŋiŋ ndeŋ ndeŋ.

Lomɛŋ 8:33

Awɔ́ a gɔ eswīiŋ epuɔ pīi, Ndém mé kaŋ á wɔ́p é? Ŋgaŋ a te éwú ú. Ndém mé tɔɔ́ŋ á ŋiŋ é lɛ ŋiŋ ndeŋ ndeŋ.

Menjʉɔ te lí 15:3

Pɔ́ nɔŋ nzɔ̄pɔ ntshi yīi, Mɔɔ́sɛ ŋgaŋ afaʼ Ndém a le zɔ̄pē. Ńzéŋ nɔŋ nzɔ̄pɔ ntshi yīi, Mɔ́ Njʉnjhʉ a le zɔ̄p azí. Pɔ́ nɔŋ nzɔ̄pɔ ndʉ́ɛ́ ŋ́gɛ: «Atsyapuɔ Ndém, Atsyantsɔp, mefaʼ mú é zánee, ḿbú mbɔ̄ŋ tɛʼ. Efɔ ŋgɔŋ ntsem, eju ntií leghʉ anu, e gɔ́ áa ndeŋ ndeŋ, ŋ́gɔ́ anuúne.