Lomɛŋ 3:25 - Eka Eswhī

²⁵ Ndém a le véŋ ŋ́gɛ, a ekwhʉ́ ndɔk ésōk mefa ŋiŋ ntsem yīi, a á fɛ́ nnɛ̄t ŋgyá á mbū yí. Ndém a le ghʉ̄ épúp, ńdɔkɔ ntswīi páʼ yí gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp. A lɛ efʉʼ mvhɔ páʼā, ńnáʼ ŋkʉ̄ŋɛ lezēk tsí ánɛ mefa epuɔ menɔŋ.

Lomɛŋ 3:25 Iomraidhean Croise

Jáaŋ 6:47

Kwaʼ anuúnē anuúnē, meŋ shúŋɔ á wɛ́ ŋ́gɛ, ŋiŋ yīi a á fɛ́ nnɛ̄t ŋgyá mé meŋ, a á ndáʼ nzī á leta á lezēŋ Ndém.

Mefaʼ Meziŋ-ntō 14:16

A lɛ afʉʼ mvhɔ, ńtshī epuɔ menɔŋ á ntē melāʼ ndɛʼɛ ntsem nnéŋ, pɔ́ ghʉ ajū mīi pɔ́ kɔŋ.

Mefaʼ Meziŋ-ntō 15:18

A le ghʉ̄ʉ̄, epuɔ menɔŋ é zhɛ́ menu muɔ mɛ́t, tɛ efhó tɛ ŋguʼ léée.”»

Mefaʼ Meziŋ-ntō 17:30

Epuɔ menɔŋ é lɛ afʉʼ mvhɔ, ḿbūŋnɛ á Ndém. Ndém a te si ŋŋāka á wɔ́p melaʼ épúp ɔ́, táʼ, tsetsɔŋɔ, a á si ntswīi á mbū epuɔ menɔŋ egʉ́ɛ egʉ́ɛ ŋ́gɛ, pɔ́ pɔŋteé á legɔ̄ nnɛ̄t zɔp, ŋ́gwáʼ atswhī tepɔŋ zɔ́p.

Mefaʼ Meziŋ-ntō 2:23

Yɛɛ́so wuɔ mɛ́t, pɛ ke gɔ̄ á yí, ŋ́gyá á mbū wɔ te zhɛ́‑Ndém, pɔ́ kwɛte á yí ánɛ mbaŋne paŋné, á kwhʉ́. Á gɔ́ anu zīi, Ndém a le té njhʉ̄ nzápa, ńnɔŋ nzhɛ́ɛ á légɛ, a láʼ egɔ́ épúp.

Mefaʼ Meziŋ-ntō 3:18

Emuɔ menu mɛ́t é ke gē etɔ́k páʼā, Ndém yí méŋwɛ̄t mé ghʉɛ. A le té njhʉ̄, ńdɔ̄k nchu metswi‑ŋke pí metsem ndé ŋ́gɛ, Nzaʼ‑Ŋkhʉ, a a láʼ ejʉ́ɔ ŋgʉɔ̄ʼ.

Mefaʼ Meziŋ-ntō 4:28

Pɔ́ le táŋ menāŋ ánɛ yí páʼā, á lɔk mbō páʼ wu Ndém, o le lɔ̄k mete mú, ńzápa épúp ánɛ lekɔŋ wu, tɛ efhó tɛ afʉʼ.

Lomɛŋ 2:4

O ghʉɛ épúp, á gɔ́ yīi, o lɔkɔ ŋgwáka á Ndém, tɛ́ á ké ŋgɔ́ á kwaʼ ŋiŋ mbɔŋ, ŋ́gɔ́ á ŋiŋ yīi a kwɛɛ́t ntē, a te gákne ntswá á ŋiŋ ŋgʉɔ athʉ́ lepé ɛ́. O ka zhɛ́ á légɛ, Ndém a á épúp páʼā, ńdɔkɔ ŋgyáa á wú meshhʉ̄ á legɔ nnɛ̄t ju, ŋ́gwáʼ á atswhī tepɔŋ jú lɛ̄?

Lomɛŋ 3:26

Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 5:11

É té ndaʼ épúp ɔ́. Ḿpɛ é si ŋkāʼtɛ á mvhɔ Ndém, melaʼ Atsyapuɔ yímpɛ Yɛɛ́so Klísto, á yí yīi a á tsetsɔŋɔ, mbɔ a lē ŋghʉ, ekém yímpɛ a Ndém é kó á ŋgyā.

Lomɛŋ 5:18

Púp, páʼ mefa mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tswá epuɔ menɔŋ metsem ŋgʉɔ athʉ́ lepé lā, ndeŋ ndeŋ épúp, mefaʼ ndeŋ ndeŋ mīi, taʼ ŋiŋ a le ghʉ̄ʉ̄, é le ghʉ̄ʉ̄, Ndém á tɔ́ŋ epuɔ menɔŋ metsem lɛ, epuɔ ndeŋ ndeŋ. A etsīa épúp, pɔ́ efú ntā á lezēŋ yí.

Lomɛŋ 5:9

A le kwhʉ́ épúp, tɛ́ Ndém á tsia épúp, ńtɔ́ŋ á yímpɛ lɛ epuɔ ndeŋ ndeŋ. Klísto mɛ́t, a gɔ epīiŋ ŋghʉ̄ páʼ lā, ńnéŋ té ghʉ, ḿpɛ etswɛ́t azāŋalɔ́ŋ Ndém ḿ?

1 Kɔlɛŋte 5:7

Pɛ efhó á ntē pɛ, éfók mefa mīi é si ŋgɔ́ páʼ levwi mɛ́t lā, ńcʉ́ʼ epuɔ meswhī, melaʼ mīi, ŋgaŋ mefa a te zɛ́t á nnɔ pɛ ɛ́. Meŋ á si nzhɛ́ɛ á légɛ, Ndém a le zapá ánɛ lewhʉ̄ Yɛɛ́so Klísto, ŋ́ghʉ̄ ḿpɛ ecʉ́ʼ epuɔ meswhī. Yɛɛ́so mɛ́t, a á si ŋgɔ́ á mɔ́ njʉnjhʉ yīi, mɛ́ le zwhíī, ńdɔk njhʉ́ lekāk Páska.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Efɛze 1:7

Méŋ yi mɛ́t a le lɔ̄k metshi mí, ńzó athū zímpɛ, ŋ́ghʉ̄, Ndém á fhó ánɛ mía apɔŋɔ́ ntē te ndhʉ zí, ńdēkne mefa mímpɛ.

Efɛze 2:13

Á piīŋ ŋgɔ́ tsetsɔŋɔ, pɛ pīi pɛ le tshí tɛ éwú, ánɛ Ndém, mbɔ Ndém a le fhó ánɛ páʼ, pɛ lɛtneē ánɛ Yɛɛ́so Klísto, ńdɔ̄k metshi Klísto mɛ́t, ŋ́ghʉ̄ pɛ náŋ mbáte á yí.

1 Timotɛ 1:15

Anu zīi meŋ gɔ á ndʉ́ɛ́ la, á ajʉʼ éwú, ŋ́gɔ́ épúp, ŋ́gɔ́ azi epuɔ metsem é gɔ evéŋ mé taʼ ntē: Yɛɛ́so Klísto, a le shʉ̄ʼ á ŋgɔŋ, ŋ́gɔ̄ á ŋghʉɛ́, megaŋ mefa e etswɛ́t. Meŋ á páʼa, ŋ́gɔ́ ŋgaŋ mefa té mmɔʼ.

Eble 10:4

Metshi mefɔŋ pɔ́ emi memvhō, é pú ŋgɔ́ le kūʼ á lesok mefa á léée.

Eble 11:14

Epuɔ pīi, pɔ́ shuŋneé páʼa mɛ́t, á páʼā ndɔkɔ ntswīi ndeŋ ndeŋ ŋ́gɛ, pɔ́ é si efāʼa á amɔ̄ʼ alāʼ ndɛʼɛ zīi, a gɔ́ á kwaʼ azɔ́p.

Eble 11:17

Á le fhó ánɛ páʼ, Ablaham a le fɛ́ nnɛ̄t épúp, ŋ́gyá á mbū Ndém, Ndém á zwíʼ á yí, ńdé á mbū yí ŋ́gɛ, a elɔ̄k á méŋ yi Izak, ńnɔ̄ŋ epɔʼ á mbū yí. Á véŋ, ńnɔŋ ŋgɔ̄ elɔk á tséŋ méŋ yí Izak enɔŋ epɔʼ, tɛ́ mbɔ Ndém a le ké ŋghʉ̄ alaʼne á mbū yí,

Eble 11:7

Á le fhó ánɛ páʼ, Noe a le fɛ́ nnɛ̄t épúp, ŋ́gyá á mbū Ndém, Ndém á shúŋne á mbū yí, ńdɔk ntswɛ̄te á yí, ánɛ menu mīi, é le nɔ̄ŋ ŋgɔ̄ á eshʉʼɛ̄, tɛ mɛ́ piŋ nzī nzɛ́t áa te jʉ́ɔ. Á júʼ anu zīi, Ndém a á lé, ḿvéŋ té miʼte, ŋ́ŋyɛ̄tte á mía mía mɛtúa ntshi, ńdɔk ŋghʉ̄, pɔ́ a epuɔ atseŋ ŋgyā pí metsem, é kó éwú, ńtswɛ́t. Á lɔk épúp, ńtswī á légɛ, avoʼ epuɔ á si ŋgɔ́ epuɔ tepɔŋ. A le fɛ́ nnɛ̄t épúp, Ndém á tɔ́ŋ á yí lɛ ŋiŋ ndeŋ ndeŋ.

Eble 9:28

Púp, Klísto a le yá athū nnɛ̄t zí, á taʼ legʉɔ páʼā, ńdɔkɔ esōko mefa atʉtʉ epuɔ. A a fú ezéŋ eshʉʼ mmɔʼ legʉɔ, é le gɔ́ melaʼ mefa á, a gɔ́ á leghʉ, epuɔ pīi, pɔ́ nnɔŋ nzwíʼtɛ á yí, e etswɛ́t.

Eble 9:5

Emɔ̄ʼ metsō é tshíte á ndo akʉp eka mɛ́t, ŋ́gɔ́ páʼ mekeke emɔ̄ʼ ntií mecɔʼ Ndém lā, ńnɔŋ ŋwāŋnɛ lɛ sɛ́t, ńdɔkɔ ntswīi á légɛ, Ndém a á ajʉʼ mɛ́t. Mbap mɔ́p é nɔŋ ŋkʉ̄ŋɛ á ajʉʼ zīi, mɛ́ pfɛttɛ metshi mena éwú, ńdɔkɔ esōko mefa epuɔ. Meŋ ké ŋgɔ́ le kɛ́ʼte ecʉɔ etsō mɛ́t, anāŋ anāŋ tsetsɔŋɔ, éshúŋ á wɛ́ ɛ́.

1 Jáaŋ 1:10

Ḿpɛ lʉ́ɛ́ ŋ́gɛ, ḿpɛ te megaŋ mefa á, mbɔ á páʼā, ḿpɛ nɔ̄ŋ ndɔ̄kɔ á Ndém, ńtɔ́ŋɔ á ŋgaŋ mela, ashuŋne zí á lɔkɔ te ŋgɔ́ɔ á ntē pímpɛ ɛ́.

1 Jáaŋ 2:2

A á si ŋgɔ́ á ŋiŋ yīi, a le yá athū nnɛ̄t zí, Ndém á lɔk esōk mefa mímpɛ. A lɛ te sōk mefa mímpɛ ndaʼá, a le sōk mefa epuɔ ŋgɔŋ ntsem.

1 Jáaŋ 4:10

Ḿpɛ ejʉ́ɔ ajū mīi, ŋkɔŋ e é si ŋgɔ́ eziɛ́: ḿpɛ mé lɛ te zī á lekɔŋ á Ndém ɛ́, yí mé le zī á lekɔŋ á yímpɛ, ńtó á tséŋ Méŋ yi ŋ́gɛ, a eshʉʼ ŋgyá á athū nnɛ̄t zí, ńdɔk esōk mefa mímpɛ.

Menjʉɔ te lí 1:5

Yɛɛ́so Klísto a á si ŋgɔ́ á ŋiŋ yīi, a tswiī á légɛ anu Ndém á anuúne. Ŋ́gɛ a eghʉ̄ anu mbɔŋ té ndhʉ ánɛ pɛ, ńnéŋ apwɛne á ntē pɛ. A á si ŋgɔ́ mvhɔ ŋiŋ yīi, Ndém a le ghʉ̄ á zím ánɛ lewhʉ̄. Ŋ́gɔ́ á efɔ mefɔ á esī atsetsáʼ. Á kɔɔ̄ŋ á yímpɛ, a le lɔ̄k metshi mí, ésōk mefa mímpɛ.

Menjʉɔ te lí 13:8

Epuɔ metsem pīi, pɔ́ é ndo esī atsetsáʼ, pɔ́ tswíʼte, ŋ́ŋɔ́ʼne tɛ ethū tsɔ́p é pfeŋ esī, ŋ́gūʼte á yí, épuɔ metsem pīi Mɔ́ Njhʉnjhʉ, páʼ mɛ́ le zwhí lā, a lɛ te tí nzēŋ mɔ́p tɛ efhó anɔŋɔ́‑ŋgɔŋ, á ntē aŋwaʼne nzēŋ epuɔ pīi, é wɛɛ̄ lenāŋ leswhī ɛ́.

Menjʉɔ te lí 20:15

Mɛ́ le zéŋ mbú ḿmāʼ á ŋiŋ ntsem yīi, lezēŋ tsí é lɛ te nti tií á ntē aŋwaʼne nzēŋ epuɔ pīi, pɔ́ wɛɛ̄ lenāŋ leswhī ɛ́, á ntē mía mía mmók.

Menjʉɔ te lí 5:9

Mena lekua mɛ́t pɔ́ epɔ̄ melʉɛ, é nɔŋ nzɔ̄pɔ azɔp eswhī ndʉ́ɛ́ ŋ́gɛ: «O kuūʼ á wú á letswī aŋwaʼne, ŋ́ŋɛ́ʼte elɛ, melaʼ mīi, mɛ́ le zwhí á wú, o elɔ̄ɔk metshi mú, ńcūʼ epuɔ ŋgyá á mbū Ndém. Épuɔ ánɛ aziɛ́ atseŋ ŋgyā lɛ́, épuɔ pīi é shúŋɔ tɛ mbɔɔ aziɛ́ alāʼ lɛ́, épuɔ elāʼ ntsem, épuɔ ŋgɔŋ ntsem.