Lomɛŋ 3:23 - Eka Eswhī

²³ Epuɔ metsem é lē mbú ŋgwhʉ̄ mefa, ésá lewūʼ tsīi, é lezēŋ Ndém.

Lomɛŋ 3:23 Iomraidhean Croise

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 11:32

Ndém a le tsɔ́ʼ nzhɛ á légɛ, epuɔ menɔŋ metsem é epú ntē á athū á mbū yí, tɛ́ a etsīa épúp, a ewɛ̄ á atsāmezeŋɛ á mbū epuɔ menɔŋ metsem.

Lomɛŋ 3:19

Ḿpɛ ké nzhɛ́ á légɛ, akʉ̄ɛ akʉ̄ɛ zīi mɛ́ le tí á ntē aŋwaʼne lepé Ndém, á cʉteē áa epuɔ pīi, pɔ́ le pɔŋté é lekūʼte lepé mɛ́t. Ndém a lɛɛ́ ŋgyáa lepé, ńdɔkɔ efāʼa ŋ́gɛ, epuɔ menɔŋ metsem, e eláŋte nchu wɔ́p, ńzhɛ́ á légɛ, yí pɔŋteé á letswā á ŋiŋ ntsem, á ndo esī atsetsáʼ, ŋgʉɔ athʉ́ lepé.

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 5:2

Yɛɛ́so Klísto mɛ́t mé le tsɔ́ʼ nzhɛ, Ndém á lɔk ntswī apɔŋɔ́ ntē te ndhʉ zí ánɛ pímpɛ, melaʼ mīi, ḿpɛ fɛɛ́ nnɛ̄t ŋgyá á mbū yí. Ḿpɛ kuʼteé páʼ, Ndém a le tswī apɔŋɔ́ ntē te ndhʉ zí mɛ́t tɛ á te, tɛ́ ndɔk nnáŋ. Ajū mīi á si ŋghʉ̄ɛ ḿpɛ ekāʼtɛ, á si ŋgɔ́ páʼ, ḿpɛ é si ntsáa, ńnɔŋ nzhɛ́ɛ á légɛ, a láʼ egɔ́ épúp, á légɛ, ḿpɛ e láʼ ekó á ntē lewūʼ Ndém.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

1 Tesalonik 2:12

Pek kɛ te néŋ té semte á wɛ ɛ́. Pek te néŋ te yá á wɛ́ ŋgate ɛ́. Ńchʉ́ nnɛ̄t nték á wɛ́, ŋ́gɛ pɛ ezīŋ ánɛ mɛnzhɛ yīi, Ndém a á si ŋkɔ̄ŋɔ. Yí mé si ntɔ́ŋɔ á wɛ́ ŋ́gɛ, pɛ eshʉ̄ʼ ŋkó á ntē Lefɔ yí, mbɔɔ á ntē lewūʼ tsí.

2 Tesalonik 2:14

É melaʼ páʼa mɛ́t, tɛ́ Ndém a le tsīa ánɛ ŋke mbɔŋ yīi, pek le tswī á mbū pɛ, ńtɔ́ŋ á wɛ́ ndɔk ŋghʉ̄ epuɔ pí, ŋ́gɛ pɛ ekó á ntē shʉ́shɔ́k Atsyapuɔ yímpɛ Yɛɛ́so Klísto.

Eble 4:1

Ndém a le laʼnē á mbū pímpɛ ŋ́gɛ, ḿpɛ e láʼ enáŋ á ajʉʼ zīi, a naáŋ éwú, ézwite. Ḿpɛ elāk athū zímpɛ á légɛ, ndɛ́ʼ ŋiŋ á nnɔ pɛ, á láʼ nnéŋ té kó azí, ánɛ ajʉʼ azwite jʉɔ mɛ́t.

1 Piɛ 4:13

Á cʉ́ʼɛ épúp, ntē wɛ́ é gáŋte, páʼ pɛ é si njʉ́ɔ ŋgʉɔ̄ʼ, páʼ Klísto a le jʉ́ɔ azí épúp. Tɛ́ a eláʼ aleʼé zīi, Klísto a ghʉɛ mɛ́ jʉ́ɔ á shʉ́shɔ́k yi, ntē wɛ́ e echʉ́ nnɛ̄t ŋgáŋte ŋkák.

1 Piɛ 5:1

Meŋ ŋgyáa ntekné jʉɔ tsetsɔŋɔ páʼa, á mbū epɔ̄ melʉɛ pīi é nnɔ pɛ, ánɛ alúŋ epuɔ Yɛɛ́so. Meŋ méŋwɛ̄t azá, meŋ á mɔ́ ndʉɛ, ńzéŋ ŋgɔ́ á njhʉɛ‑njʉɔ́ ánɛ ŋgʉɔ̄ʼ zīi, Klísto a le jʉ́ɔ̄. Meŋ a fú ewɛ azá akim ánɛ shʉ́shɔ́k Klísto, á aleʼé zīi Ndém a ghʉɛ, mɛ́ jʉ́ɔ á shʉ́shɔ́k mɛ́t. Meŋ á si ntékɛ á wɔ́p ndʉ́ɛ́ ŋ́gɛ:

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.