Lomɛŋ 3:22 - Eka Eswhī

²² Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

Lomɛŋ 3:22 Iomraidhean Croise

Lúkási 15:22

Á zɛ́t té mak á leshūŋne, mɔʼɔ́ yi á tswi á mbū megaŋ afaʼ pí ŋ́gɛ: “Pɛ egákne ŋgʉɔ efāʼ nzhó mbɔŋ, ńdɔk eshʉ̄ʼ ḿmāʼ ánɛ yí. Éfāʼ á kwáŋ mbɔŋ, ńzwík á apū yí. Éfāʼ meláŋ membɔŋ, ńzwík á mekhu yí.

Mefaʼ Meziŋ-ntō 11:12

Azwakne Ndém á lé mé meŋ ŋ́gɛ, pek a pɔ́p e egʉ̄ɔ, tɛ ndɛ́ʼ meŋ ntɛ̄ʼte á wɔ́p. Epɔ̄ memía pwɔ̄ ntokó, é le gʉ̄ɔ azɔ́p. Mɛ́ le gʉ̄ɔ tɛ ŋkó á mba Kɔɔnɛye, pek a pɔ́p metsem é pú ŋkó á ŋgyā.

Mefaʼ Meziŋ-ntō 15:9

A le zéŋ esok ntē wɔ́p, melaʼ mīi pɔ́ é fɛ́ nnɛ̄t ŋgyá á mbū Yɛɛ́so. A te ghʉ̄ atɛʼte á tsetsɛlɛ ḿpɛ a pɔ́p ɔ́.

Mefaʼ Meziŋ-ntō 3:16

Mete Yɛɛ́so mɛ́t mé ghʉ, tɛ́ ŋkeluʼ jʉɔ zīi, pɛ jʉ́ɔ á yí, ńzhɛ́ á yí la, á te páʼa. Éfhó ánɛ wék lefɛ̄ nnɛ̄t ŋgyá mé Yɛɛ́so. Wék á lefɛ̄ nnɛ̄t ŋgyá á mbū yí, mé ghʉ tɛ́ ŋkeluʼ jʉɔ é te, páʼ pɛ jʉ́ɔ á ziŋɛ lāa.

Lomɛŋ 1:17

Ŋke mbɔŋ mɛ́t mé zi ntswī páʼ, Ndém a gē etɔ́ŋ á ŋiŋ lɛ, ŋiŋ ndeŋ ndeŋ, á tsia épúp. A fhoó ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto, ńdáʼ efɛ́ fɛ́ tɛ nzōko. Á gɔ́ páʼ mɛ́ leé á ntē aŋwaʼne Ndém ŋ́gɛ: «Ŋiŋ a a láʼ egē ekwaʼ egɔ́ éwú, égɔ́ áa ŋiŋ yīi, a á fɛ́ nnɛ̄t ŋgyá á mbū Ndém, Ndém á tɔ́ŋ á yí lɛ, ŋiŋ ndeŋ ndeŋ. »

Lomɛŋ 10:12

Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 10:4

Lepé Mɔɔ́sɛ é le gʉ̄ɔ tɛ ntsóʼne áa ánɛ Klísto, tɛ́ Ndém a etɔ́ŋ epuɔ metsem pīi, pɔ́ fɛɛ́ nnɛ̄t ŋgyá á mbū Klísto lɛ, epuɔ ndeŋ ndeŋ.

Lomɛŋ 2:1

A zi mbú ŋgɔ́ áa awɔ́ lɛ́, ńnɔŋ nthúɔ alɔ́ʼ ŋiŋ, mbɔ mɛ́ gɔ le á yí tsá, melaʼ mīi, wu yīi o ó si nthúɔ alɔ́ʼ epuɔ, ḿbiŋ nnɔ̄ŋ ŋghʉ̄ɛ ajú páʼ pɔ́p, á páʼā, o lɔkɔ ntshíɛ athʉ́ á akhu wu mbīi.

Lomɛŋ 3:30

Á épúp melaʼ mīi, taʼ Ndém mé éwú. Yí mé e láʼ ezápa ánɛ lefɛ̄ nnɛ̄t epuɔ pīi, mɛ́ lé tém á wɔ́p, mbɔɔ epi mɛ́ la á wɔ́p tém ɛ́, étɔ́ŋ á wɔ́p lɛ epuɔ ndeŋ ndeŋ.

Lomɛŋ 4:16

Púp, Ndém a le gē eghʉ alaʼne, á cʉte áa epuɔ pīi, e láʼ efɛ́ nnɛ̄t eyá mé yí, tɛ́ a etsīa épúp, alaʼne a egɔ́ ajū mīi, Ndém a yáa ndémndēm á mbū ndhu Ablaham ntsem. A á le lɛ̄ ŋgyá áa mbū epuɔ pīi, pɔ́ ziīŋ páʼ lepé é si nzɛ́ttɛ ɛ́, a eyá mbɔɔ á mbū epuɔ pīi, é fɛɛ́ nnɛ̄t ŋgyá á mbū yí, páʼ Ablaham mɔʼɔ́ yímpɛ metsem, a le fɛ́ azí épúp.

Lomɛŋ 8:1

Púp, tsetsɔŋɔ, epuɔ pīi pɔ́ lɛtneē ánɛ Yɛɛ́so Klísto, Ndém a gɔ le zéŋ ntswá á wɔ́p ŋgʉɔ athʉ́ lepé ɛ́

Lomɛŋ 9:30

Ḿpɛ gɔ efhó ánɛ ajʉɔ anu, ńdé ŋ́gɛ akɔ̄? Ḿpɛ gɔ elé ŋ́gɛ, epuɔ pīi é té epuɔ Yúda á, épuɔ pīi é lɛ te nɔ̄ŋ efāʼa á wɔ́p á legɔ̄ epuɔ ndeŋ ndeŋ, á mvhɔ Ndém ɛ́, Ndém a le fhó ánɛ wɔ́p á lefɛ̄ nnɛ̄t ŋgyá mé Yɛɛ́so, ńtɔ́ŋ á wɔ́p lɛ, epuɔ ndeŋ ndeŋ.

1 Kɔlɛŋte 12:13

Ńdɔkɔ ŋ́gɛ, mɛ́ le nōʼ á yímpɛ metsem á ntshi páʼā, mete ndaʼ Azwakne Ndém, é ghʉ, ḿpɛ púu ncʉ́ʼ á taʼ mbe nnɛ̄t. Tɛ o láʼa ké gɔ́ á ŋiŋ Yúda kɛ́ á ŋiŋ yīi, a te ŋiŋ Yúda á. Tɛ o láʼa ké gɔ́ ŋkwa, kɛɛ́ á ŋiŋ yīi, a naáŋ á ŋga athū yí lɛ́ɛ, mbɔ taʼ Azwakne mé le kó ánɛ pímpɛ.

1 Kɔlɛŋte 4:7

Wu yīi, o ó si ŋkwāŋa ŋ́gɛ, o tɔɔ́k emɔ̄ʼ epuɔ, o ó awɔ́? O wɛɛ̄ akɔ̄ zīi, Ndém mé lɛ te á wú yá ā? Páʼ ajūɔ tsem zīi, o wɛ̄ɛ, Ndém mé le pú ŋgyá á wú lā, melaʼ akɔ̄, o piŋɛ ndɔ̄kɔ azō mɛ́t ŋŋáʼnɛ, páʼ o ó lɔk mbʉʼ ju tɛ́ ŋgwɛ̄ ɛ́?

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 2:20

Meŋ naáŋ á ŋgɔŋ páʼā, meŋ mé té zɛ́t nnáŋ éwú ú, Klísto mé zápa ánɛ meŋ, ńnáŋ éwú. Gá á lenāŋ á ŋgɔŋ, a á si ŋgɔ́ á gá á lefɛ̄ nnɛ̄t ŋgyá á mbū Méŋ Ndém. A le kɔ̄ŋ á gá, tɛ ŋgyá athū nnɛ̄t zí melaʼ má.

Galat 3:22

Ndém a leé á ntē aŋwaʼne yí ŋ́gɛ, epuɔ metsem á ndo esī atsetsáʼ, é si ŋgɔ́ apuʼ mefa, tɛ́ Ndém a etsīa épúp, ŋ́gyá ajū mīi, a le laʼnēē, á mbū epuɔ pīi, é fɛɛ́ nnɛ̄t ŋgyā á mbū Yɛɛ́so Klísto.

Galat 3:28

Á tsia épúp, pɛ metsem lɔkɔ ncʉ́ʼɛ á taʼ azō á mvhɔ Ndém, tɛ mɛ́ le zéŋ ntɛ̄ʼte ŋ́gɛ, ŋiŋ Yúda a awuɔ, ŋiŋ Glɛk á gɔ́ ewuɔ ɔ́. Ŋ́gɛ ŋkwa e ejʉɔ, ŋiŋ yīi a naáŋ á ŋga athū yí á gɔ́ ewuɔ ɔ́. Ŋ́gɛ menzwí a awuɔ, ŋiŋ mbaŋa á gɔ́ ewuɔ ɔ́, mbɔ pɛ é zápa ánɛ Yɛɛ́so Klísto, ńcʉ́ʼ á taʼ.

Efɛze 3:12

Ḿpɛ lɛtneē ánɛ Klísto, ńnɔŋ efíɛ́ nnɛ̄t ŋgyáa á mbū yí. Púp, ḿpɛ gɔ etshóte nnɛ̄t mbáte á Ndém, ésa saá, ńnɔŋ mmāʼa ŋgua zímpɛ ŋgyáa á mbū yí.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Kɔlɔs 3:11

Púp, mɛ́ le zéŋ ŋghʉ̄ á tɛʼte ŋ́gɛ, ŋiŋ Glɛk a awuɔ, ŋiŋ Yúda á gɔ́ ewuɔ ɔ́. Ŋ́gɛ, ŋiŋ yīi mɛ́ lē ntém á yí a awuɔ, ŋiŋ yīi mɛ́ la á yí tém ɛ́, á gɔ́ ewuɔ ɔ́. Ŋ́gɛ, ŋiŋ alāʼ ndɛʼɛ a awuɔ, epuɔ pīi pɔ́ naáŋ páʼ mena mbaʼ lā, é gɔ́ epuɔ ɔ́. Ŋ́gɛ, apuʼ a ajʉɔ, ŋiŋ yīi a naáŋ á ŋga athū yí, á gɔ́ ewuɔ ɔ́. Klísto mé puú ŋgɔ́ ndaʼ mɛgém anu, ńnáŋ á ntē epuɔ metsem pīi, pɔ́ fɛɛ́ nnɛ̄t ŋgyá mé yí.

Jáak 2:23

Á lɛ épúp páʼā, tɛ́ á lɔk mbō páʼ, mɛ́ le tí á ntē aŋwaʼne Ndém ŋ́gɛ: «Ablaham a le fɛ́ nnɛ̄t ŋgyá á mbū Ndém, Ndém á jʉ́ɔ épúp, ńtɔ́ŋ á yí lɛ ŋiŋ ndeŋ ndeŋ, ńtɔ́ŋ á yí lɛ esoó yi. »