Lomɛŋ 3:21 - Eka Eswhī

²¹ Á piīŋ ŋgɔ́ tsetsɔŋɔ, mbɔ Ndém a lē ntswi páʼ, yí ghʉʉ̄ épúp, tɛ́ ntɔ́ŋ á ŋiŋ lɛ, ŋiŋ ndeŋ ndeŋ. A te fhó ánɛ páʼ, ŋgaŋ a kuʼteé lepé ɛ́. Meŋwaʼne lepé mbɔɔ meŋwaʼne metswi‑ŋke Ndém, é le té njhʉ̄, ńtswī á yímpɛ ajʉʼ anu jʉɔ mɛ́t.

Lomɛŋ 3:21 Iomraidhean Croise

Lúkási 24:44

Ḿbiŋ ndé á mbū pɔ́p ŋ́gɛ: «Á páʼa ŋgɔ́ anu zīi meŋ ndɛɛ́ eshúŋɔ á wɛ́, afʉʼ zīi ḿpɛ kɛɛ́ nzóko. Meŋ nde shúŋ á wɛ́ ŋ́gɛ: «Ajūɔ tsem zīi mɛ́ le tí ánɛ meŋ, á ke pɔŋté á legɔ̄ mbo poo. Á akɔ̄ lɛ́ zīi, á ntē aŋwaʼne Mɔɔ́sɛ, pɔ́ etsi metswi‑ŋke Ndém, mbɔɔ á ntē aŋwaʼne azɔp ntshi. »

Jáaŋ 1:45

Fílíio á gʉɔ njʉ́ɔ á Natanayɛl, ńdé á mbū yí ŋ́gɛ: «Pek é njʉ́ɔ á ŋiŋ yīi, mɛ́ le tí menu ánɛ yí, á ntē aŋwaʼne lepé Mɔɔ́sɛ, mbɔɔ á ntē aŋwaʼne metswi‑ŋke Ndém lā. Ŋiŋ mɛ́t a á Yɛɛ́so ŋiŋ Naázalɛt, ŋ́gɔ́ á méŋ Yosɛ́p. »

Mefaʼ Meziŋ-ntō 10:43

Yɛɛ́so mɛ́t, tɛ́ metswi‑ŋke Ndém metsem, é le lé ánɛ lezēŋ tsí ŋ́gɛ, ŋiŋ a fíɛ́ nnɛ̄t ŋgyá mé yí, mbɔ Ndém a a shʉʼ elekne mefa ŋgaŋ, melaʼ mí. »

Mefaʼ Meziŋ-ntō 15:11

Táʼ, ajū mīi ḿpɛ é si mvéŋɛ, á gɔ́ áa lɛ, Ndém a le zapá ánɛ apɔŋɔ́ ntē te ndhʉ zīi, Atsyapuɔ Yɛɛ́so a wɛɛ̄ ánɛ pímpɛ, ŋ́ghʉ̄ ḿpɛ tswɛ́t, ńzéŋ ŋghʉ̄ epuɔ mɛ́t é tswɛ́t azɔ́p ndeŋ ndeŋ épúp. »

Mefaʼ Meziŋ-ntō 26:22

Táʼ, Ndém a ké ŋgɔ́ si ŋkáptɛ á gá kápte, tɛ eshʉ̄ʼ ntshí ánɛ ayáʼa. Meŋ mbīiŋ nnɔ̄ŋ ntswiʼnɛ eshúŋɔ ajū mīi, meŋ á si nzhɛ́ɛ ánɛ Yɛɛ́so, á mbū epuɔ metsem, á mbū ewɔŋkhʉ̄ mbɔɔ á mbū melʉɛ. Meŋ ka etswīʼne amɔ̄ʼ anu, ánɛ azi metswi‑ŋke Ndém mbɔɔ Mɔɔ́sɛ é le lé ŋ́gɛ, á pɔŋteé á lefū eshʉ̄ʼ ɛ́.

Mefaʼ Meziŋ-ntō 28:23

Mekém mɛ́t e lé épúp, pɔ́ a Pɔ́ɔl e táŋ aleʼé zīi, pɔ́ a pɔ́p e zéŋ epote. Á láʼ aleʼé mɛ́t, pɔ́ shʉʼ ntswɛ́tte á yí á mba yí. Ŋ́gē eshʉʼ tsetsɔŋɔ, ḿbú nzá tɛ ntɔ́k á aleʼé mvhɔ. Pɔ́ɔl á zi nzemɛ́nzēm, ŋ́kɛ́ʼte menu eshúŋ á wɔ́p tɛ ŋkó eseéŋ‑njhʉ̄. Éshúŋ á wɔ́p anu ánɛ Lefɔ Ndém. Ḿbiŋ ŋgē efaʼ eshhʉ̄ á leghʉ tɛ pɔ́ méŋwɛ̄t e evéŋ anu ánɛ Yɛɛ́so, éfók anu ánɛ lepé Mɔɔ́sɛ mbɔɔ á ntē aŋwaʼne metswi‑ŋke Ndém, tɛ́ eshúŋ á wɔ́p.

Lomɛŋ 1:17

Ŋke mbɔŋ mɛ́t mé zi ntswī páʼ, Ndém a gē etɔ́ŋ á ŋiŋ lɛ, ŋiŋ ndeŋ ndeŋ, á tsia épúp. A fhoó ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto, ńdáʼ efɛ́ fɛ́ tɛ nzōko. Á gɔ́ páʼ mɛ́ leé á ntē aŋwaʼne Ndém ŋ́gɛ: «Ŋiŋ a a láʼ egē ekwaʼ egɔ́ éwú, égɔ́ áa ŋiŋ yīi, a á fɛ́ nnɛ̄t ŋgyá á mbū Ndém, Ndém á tɔ́ŋ á yí lɛ, ŋiŋ ndeŋ ndeŋ. »

Lomɛŋ 1:2

A le té njhʉ̄, ńdɔ̄k nchu metswi‑ŋke pí, ńdāʼne ŋke mbɔŋ mɛ́t á ntē aŋwaʼne yí.

Lomɛŋ 16:26

Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 3:28

Pek ké ŋgɔ́ si ŋkwāŋa azék ŋ́gɛ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, éfhó ánɛ páʼ, ŋgaŋ a á fɛ́ nnɛ̄t ŋgyá mé Yɛɛ́so, a te fhó ánɛ páʼ, ŋgaŋ a kuʼteé lepé ɛ́.

Lomɛŋ 5:19

Taʼ ŋiŋ a lɛ te nchu Ndém júʼ, á tsia épúp, Ndém á pú ntɔ́ŋ epuɔ menɔŋ metsem lɛ, megaŋ mefa. Ndeŋ ndeŋ épúp, taʼ ŋiŋ a le júʼ nchu Ndém, á tsia épúp, Ndém á tɔ́ŋ atʉtʉ epuɔ lɛ, epuɔ ndeŋ ndeŋ.

Lomɛŋ 5:21

Púp, páʼ mefa é pɔɔ́ŋ mete á leghʉ, ŋiŋ á kwhʉ́ lā, ndeŋ ndeŋ épúp, Ndém á pɔɔ́ŋ mete á lelɔk apɔŋɔ́ ntē te ndhʉ zí, ńtɔ́ŋ epuɔ menɔŋ lɛ, epuɔ ndeŋ ndeŋ. Ŋ́ghʉ̄, pɔ́ zápa ánɛ Atsyapuɔ yímpɛ Yɛɛ́so Klísto, ńtā á lezēŋ yí.

Lomɛŋ 9:30

Ḿpɛ gɔ efhó ánɛ ajʉɔ anu, ńdé ŋ́gɛ akɔ̄? Ḿpɛ gɔ elé ŋ́gɛ, epuɔ pīi é té epuɔ Yúda á, épuɔ pīi é lɛ te nɔ̄ŋ efāʼa á wɔ́p á legɔ̄ epuɔ ndeŋ ndeŋ, á mvhɔ Ndém ɛ́, Ndém a le fhó ánɛ wɔ́p á lefɛ̄ nnɛ̄t ŋgyá mé Yɛɛ́so, ńtɔ́ŋ á wɔ́p lɛ, epuɔ ndeŋ ndeŋ.

1 Kɔlɛŋte 1:30

Yí Ndém mé le tswāŋ á wɛ́ a Yɛɛ́so Klísto. Ŋ́ghʉ̄ɛ épúp páʼā, ŋ́gɛ Yɛɛ́so Klísto a egɔ́ á mbū pímpɛ, ŋ́gɔ́ á ŋiŋ yīi a zíʼnɛ azhɛ̄‑anu zīi, á fhɔ́ɔ á mbū yí Ndém. Á zeéŋ ŋgɔ́ melaʼ Yɛɛ́so mɛ́t, tɛ́ ḿpɛ é epuɔ ndeŋ ndeŋ á mvhɔ Ndém. Mbɔ Yɛɛ́so a le cūʼ á yímpɛ, ánɛ mefa, ḿpɛ é tswhi ŋgɔ́ epuɔ Ndém.

2 Kɔlɛŋte 3:9

Ndém a le gē eyá lepé á mbū epuɔ menɔŋ, shʉ́shɔ́k yi á nɔŋ ŋwāŋnɛ, lepé mɛ́t mé shʉʼ ŋghʉ̄, á tswá epuɔ menɔŋ. A gɔ le néŋ té ghʉ, shʉ́shɔ́k yi á tswhi ŋwāŋne á mbū epuɔ pīi, é si ŋghʉ̄ɛ afaʼ, ńdɔkɔ ntshónɛ epuɔ, á legɔ̄ ndeŋ ndeŋ á mvhɔ yí í.

2 Kɔlɛŋte 5:21

Klísto a lɛ á te fa, Ndém á piŋ ŋgyá apiʼ mefa mímpɛ á mbū yí, ńdɔkɔ ŋ́gɛ ḿpɛ elɔ̄k páʼ, ḿpɛ lɛtneē ánɛ Klísto, ńcʉ́ʼ epuɔ ndeŋ ndeŋ á mvhɔ Ndém.

Galat 3:8

Ndém a le té njhʉ̄, ńdé á ntē aŋwaʼne yí ŋ́gɛ, yí e láʼ eghʉ, epuɔ pīi é té epuɔ Yúda á, e ecʉ́ʼ epuɔ ndeŋ ndeŋ, éfhó ánɛ wɔ́p á lefɛ̄ nnɛ̄t ŋgyá á mbū yí. A le lé épúp, ńtswī ŋke mbɔŋ wuɔ á mbū Ablaham ŋ́gɛ, yí e láʼ ezápa ánɛ yí, énéŋ mbwɛ́né ánɛ elāʼ ntsem.

Galat 5:5

Ŋ́gɔ́ mé pek, mbɔ pek é si nzwíʼtɛ ŋ́gɛ, Ndém a eshʉʼ ntɔ́ŋ á wék lɛ epuɔ ndeŋ ndeŋ á mvhɔ yí, melaʼ mīi pek lē efɛ́ nnɛ̄t zek ŋgyá á mbū Klísto. Azwakne Ndém mé si ntswítɛ á wék á lezwīʼte épúp.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

1 Piɛ 1:10

Ŋ́gɔ́ mé Ndém á leghʉ epuɔ tswɛ́t, mbɔ metswi‑ŋke Ndém é le fāʼ páʼ a láʼ etɔ́k épúp. Ńtúŋ atseŋ, tɛ́ nté njhʉ̄ eshúŋ á wɛ́ anu mbɔŋ té ndhʉ jʉɔ mɛ́t zīi, Ndém a le zapáā, á lelāʼ ŋghʉ̄ ánɛ pɛ.

2 Piɛ 1:1

Meŋ Simɔŋ Piɛ, ŋ́gɔ́ á ŋgaŋ afaʼ Yɛɛ́so Klísto, ńzéŋ ŋgɔ́ á nziŋ‑ntō yi, mé tíi akɛtte jʉɔ páʼa. Ńtíi á mbū epuɔ pīi, é lē efɛ́ nnɛ̄t ŋgyá á mbū Yɛɛ́so, páʼ pek lā. Lefɛ̄ nnɛ̄t ŋgyá mé Yɛɛ́so, á azō ntē nzwiŋ tɛʼ, á mbū pɛ, mbɔɔ á mbū pek. Yɛɛ́so Klísto mé le ghʉ̄ épúp ánɛ pímpɛ, melaʼ mīi, a lɔɔ̄k á ndeŋ ndeŋ, tɛ́ ŋghʉ̄ azō ánɛ awíɛ awíɛ. A á Ndém yímpɛ, ńzéŋ ŋgɔ́ á Ŋghʉɛ‑mɛ́‑tswɛ́t.