Lomɛŋ 3:20 - Eka Eswhī

²⁰ É melaʼ épúp tɛ́, Ndém a te e láʼ efhó ánɛ páʼ, ŋiŋ a ghʉʉ̄ páʼ lepé ntsem é si nzɛ́ttɛ, tɛ́ etɔ́ŋ á ŋgaŋ lɛ, ŋiŋ ndeŋ ndeŋ ɛ́. Lepé é tswiteé áa lelɔk nzhɛ́ ajū mīi, mɛ́ é fa.

Lomɛŋ 3:20 Iomraidhean Croise

Mefaʼ Meziŋ-ntō 13:39

Awíɛ awíɛ yīi, a á fɛ́ nnɛ̄t ŋgyá á mbū Yɛɛ́so, a a láʼ etswɛ́t ánɛ mefa mí.

Lomɛŋ 2:13

Á páʼā, epuɔ pīi, é juúʼ lepé Mɔɔ́sɛ juúʼ ndaʼ, Ndém a te e láʼ etɔ́ŋ á wɔ́p lɛ, epuɔ ndeŋ ndeŋ ɛ́. Epuɔ pīi é ké mbiŋ njúʼ lepé mɛ́t, ŋ́kúʼte, a etɔ́ŋ á wɔ́p lɛ, epuɔ ndeŋ ndeŋ.

Lomɛŋ 3:28

Pek ké ŋgɔ́ si ŋkwāŋa azék ŋ́gɛ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, éfhó ánɛ páʼ, ŋgaŋ a á fɛ́ nnɛ̄t ŋgyá mé Yɛɛ́so, a te fhó ánɛ páʼ, ŋgaŋ a kuʼteé lepé ɛ́.

Lomɛŋ 4:13

Ndém a le ghʉ̄ alaʼne á mbū Ablaham pɔ́ ndhu zi, ŋ́gɛ yí e láʼ eyá ŋgɔŋ ntsem á mbū pɔ́p. Ndém a lɛ te gē eghʉ alaʼne mɛ́t, éfhó ánɛ páʼ, Ablaham a kuʼteé lepé Mɔɔ́sɛ ɛ́. A le gē eghʉ, éfhó ánɛ páʼ, a á tsia ánɛ Ablaham á lefɛ̄ nnɛ̄t ŋgyá á mbū yí, yí tɔ́ŋ á yí lɛ, ŋiŋ ndeŋ ndeŋ.

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 5:13

Ndém a le zī ŋgē eyá lepé á mbū Mɔɔ́sɛ, mefa é gɔ́ áa ŋgɔŋ. Á piŋ ŋgɔ́ páʼ, lepé é le zɛ́t te gɔ́ éwú lā, á nɔŋ ŋkʉ̄ŋɛ lezēk ánɛ mefa epuɔ menɔŋ.

Lomɛŋ 5:20

Ndém a le pīŋ ŋgyá lepé tsí, ńdɔkɔ efāʼa ŋ́gɛ, epuɔ menɔŋ e ecuŋte njʉ́ɔ páʼ, pɔ́ é megaŋ mefa é épúp. Táʼ, afʉʼ zīi mefa é zá, apɔŋɔ́ ntē te ndhʉ Ndém á zá ntɔ́k.

Lomɛŋ 7:11

Páʼ lepé é le ghʉ̄ʉ̄, meŋ zhɛ́ ajū mīi mefa é aziɛ́ lā, mefa mɛ́t, é le pīŋ mbɔpte á gá, ńtshóne á gá ŋgyá á mbū lewhʉ̄.

Lomɛŋ 9:32

Pɔ́ lɛ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́ melaʼ akɔ̄? Melaʼ mīi, pɔ́ lɛ te fāʼ á wɔ́p á lefhō ánɛ lefɛ̄ nnɛ̄t ŋgyá á mbū Yɛɛ́so, tɛ́ ŋgɔ́ epuɔ ndeŋ ndeŋ á mvhɔ Ndém ɛ́. Pɔ́ le fāʼ á wɔ́p áa lefhō ánɛ mefaʼ mɔ́p. Pɔ́ le ghʉ̄ épúp, ŋ́kwɛ̄ eshhʉ̄ wɔ́p ánɛ «tɔ́ yīi, mɛ́ kwatɛ éwú ŋgwhʉ̄ɛ á esī. »

1 Kɔlɛŋte 15:56

Eseŋ zīi lewhʉ̄ a lɔkɔ nzwhítɛ epuɔ, e é si ŋgɔ́ mefa. Ajū mīi mefa é lɔkɔ ntʉ̄ɛ̄, é gɔ́ lepé Ndém.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Galat 2:19

Ŋ́gɔ́ mé meŋ, mbɔ á gɔ́ azō tɛ ncʉ̄te lepé, mɛ́ zhɛ́ á légɛ meŋ ndē ndáʼ ŋkwhʉ́, lepé é lē ndáʼ ŋghʉ̄ meŋ kwhʉ́. Meŋ ghʉ̄ɛ épúp, ńdɔkɔ efāʼa á gá á lenāŋ á ŋgɔŋ, ŋ́ghʉ̄ mefaʼ Ndém. Mɛ́ le gē ekwɛte á Klísto ánɛ mbaŋne paŋné páʼā, ḿbú ŋkwɛ̄te á gá azá.

Galat 5:4

Pɛ pīi, pɛ é si ŋkwāŋa ŋ́gɛ, pɛ é epuɔ ndeŋ ndeŋ á mvhɔ Ndém, melaʼ mīi pɛ é kuʼteé mbé Mɔɔ́sɛ, pɛ ezhɛ́ á légɛ, pɛ lē efak nnɛ̄t ánɛ Klísto. Púp pɛ lɔ̄kɔ ntémɛ nzem, ŋ́gɛ ndɛ́ʼ Ndém á ghʉ anu mbɔŋ té ndhʉ ánɛ pɛ.

Eble 7:19

Lepé Mɔɔ́sɛ é lɛ te tswíte epuɔ menɔŋ, á legɔ̄ té alɔ́ʼ á mvhɔ Ndém ɛ́. Tsetsɔŋɔ, Ndém a le ké ŋgyá á yímpɛ amɔ̄ʼ azō, á tɔ́k lepé mɛ́t. Azō mɛ́t, á si ŋgyáa á yímpɛ á mɛnzhɛ á letshī á mvhɔ yí. Ḿpɛ enéŋ á ntē pímpɛ á légɛ, ḿpɛ é ndáʼ ŋgwɛ̄ aziɛ́ azō.