Lomɛŋ 3:2 - Eka Eswhī

² Ŋiŋ Yúda, a jhʉʉ́ apɛ ntɔ́k á ŋiŋ yīi, a te ŋiŋ Yúda á, ánɛ meshhʉ̄ tɛ nzáne. Á zi ŋgē egɔ́, mbɔ Ndém a le ghʉ̄ melaʼne mí áa mbū pɔ́p.

Lomɛŋ 3:2 Iomraidhean Croise

Jáaŋ 5:39

Pɛ é si ntúŋɔ atseŋ aŋwaʼne Ndém, melaʼ mīi, pɛ é si ŋkwāŋa ŋ́gɛ, pɛ gɔ ezápa éwú, tɛ́ efú ntā á lezēŋ Ndém. Aŋwaʼne Ndém á ké ŋgɔ́ si eshúŋɔ azí á ŋiŋ yīi, meŋ á ewiɛ́.

Mefaʼ Meziŋ-ntō 7:38

A zeéŋ ŋgɔ́ áa yí Mɔɔ́sɛ yīi, pɔ́ cɔʼ Ndém é le shuŋné á ndo lekwɛ̄t Sinayi, á afʉʼ zīi wɔ maŋgānjʉʼ pímpɛ, é le cuʼté á késáatswɛt pɔ́ a alāʼ. Á tswí mbé Ndém á mbū yí, ŋ́gyá á mbū pímpɛ. Emiɛ́ mé ghʉʉ̄ ḿpɛ é gɔ́ éwú.

Lomɛŋ 1:2

A le té njhʉ̄, ńdɔ̄k nchu metswi‑ŋke pí, ńdāʼne ŋke mbɔŋ mɛ́t á ntē aŋwaʼne yí.

Lomɛŋ 2:18

Wu yīi o ó si nzhɛ́ɛ ajū mīi Ndém a á si ŋkɔ̄ŋɔ, mbɔ lepé Mɔɔ́sɛ é lē nzíʼne á wú, á lesāŋ tɛ ŋkāŋ ajū mīi, á mbɔŋ.

Lomɛŋ 3:1

Tɛ á piŋɛ ŋgɔ́ épúp, mbɔ ŋiŋ a gɔ ezɛ́te ŋ́gɛ, ŋiŋ Yúda a jhʉʉ́ apɛ akɔ̄, ńtɔ́k á ŋiŋ yīi, a te ŋiŋ Yúda á? Ŋ́gɛ letēm ŋiŋ, á tswiteé ánɛ akɔ̄?

Lomɛŋ 3:3

A zi ŋgɔ́ éyi, emɔ̄ʼ epuɔ á nnɔ pɔ́p, é le sɛ̄t nzem Ndém, mbɔ wɔ́p á lesɛt nzem Ndém, á gɔ eghʉ̄ʉ, Ndém á sɛt nzem zɔp lɛ́?

Lomɛŋ 9:4

Pɔ́ é si ŋgɔ́ epuɔ Islaɛl, mbɔ Ndém a le kāŋ á wɔ́p ndɔk ŋghʉ̄ epɔ̄ pí. Pɔ́ a pɔ́p é gɔ́ nnɔ, á nɔŋ ntswīi á wɔ́p á shʉ́shɔ́k yi. Pɔ́ a pɔ́p é kʉɔ́ʼ á ntií ntiī eka, á yá mbé á mbū pɔ́p, éshúŋ á wɔ́p páʼ, mɛ́ gɔ ewūʼte á yí épúp, ḿbhʉ́ á wɔ́p metsō tɛ záne.

1 Kɔlɛŋte 9:17

Á ŋgwíʼe ŋgɔ́ éyi, meŋ méŋwɛ̄t mé le kāŋ afaʼ letswi ŋke mbɔŋ, mbɔ á mbɔŋ ŋ́gɛ, mɛ́ eyá ntsɔʼɔ́ afaʼ gá. Páʼ á ké mbiŋ ŋgɔ́ azō, mbɔ Ndém a le lɔ̄k ŋŋyɛt á gá ŋyɛt lā, meŋ a ŋímne eghʉ páʼ, a le tsekné á mbū meŋ épúp.

2 Kɔlɛŋte 5:19

Yí méŋwɛ̄t a le zapá ánɛ Klísto, ŋ́ghʉ̄, pɔ́ a epuɔ menɔŋ é cʉ́ʼ á taʼ nchu páʼā, a te zéŋ mefa mɔ́p esáŋ á. Ńtsékne ashuŋne á lelɔk ŋghʉ̄, pɔ́ á epuɔ menɔŋ é cʉ́ʼ á taʼ nchu, á mbū pek.

Galat 2:7

Epuɔ puɔ mɛ́t, é le jʉ́ɔ páʼ Ndém a le tsekné á letswi ŋke mbɔŋ á mbū epuɔ pīi, é té epuɔ Yúda á, á mbū meŋ, ńdeŋ ndeŋ páʼ, a le tsekné á letswi ŋke mbɔŋ á mbū epuɔ Yúda, á mbū Piɛ.

1 Timotɛ 6:20

Timotɛ ga, pá á wú á lelɔk ajū mīi, Ndém a ke tsekné á mbū wu, ŋghʉ̄ mega. Pá meshuŋne mīi é cʉ́ʼɛ á letswīte á ŋiŋ, é tɔʼ epuɔ á lefɛ̄ nnɛ̄t ŋgyá á mbū Ndém. Ḿbá meshuŋne mīi, epuɔ é gē eshúŋ, ńnɔŋ ŋkwāŋa ŋ́gɛ, ashuŋne megaŋ azhɛ̄‑anu.

Eble 5:12

Á le gɔ́, á ge egɔ́ páʼa, mbɔ pɛ lē ndáʼ ncʉ́ʼ meziʼnɛ. Á piīŋ ŋgɔ́ tsetsɔŋɔ, mɛ́ zɛ́t mbɔ́ŋte á lezēŋ nzíʼne á wɛ́ epɔ̄ metsō, ánɛ anu Ndém. Á pú ŋgɔ́ gɔ́ɔ, tɛ mɛ́ e cʉ́ʼɛ eyáa á wɛ́ áa lepē, mbɔ á ŋgɔ́ yīi a ke gɔ́, mɛ́ cʉ́ʼɛ ŋgyáa á wɛ́ áa etsō lejhʉ̄ tsīi, é si ntētɛ.

1 Piɛ 4:11

A gɔ́ éyi Ndém a le yá eyi nthū ŋiŋ, é gɔ́ á yí á lezhɛ̄ á leshūŋne, ŋgaŋ á shúŋne ndɔ̄k ńtswī ŋke Ndém. Ŋ́gɔ́ éyi, eyi nthū mmɔʼ ŋiŋ é á letswīte emɔ̄ʼ epuɔ, á lɔk áa mete mīi, Ndém a le yá á yí, tɛ́ ntswíte. Pɛ eghʉ̄ épúp, tɛ́ epuɔ metsem e ezápa ánɛ Yɛɛ́so Klísto, ŋ́gūʼte á Ndém ánɛ ajūɔ tsem. Yɛɛ́so wuɔ mɛ́t mé saáʼ ajūɔ tsem. Awuʼte a egɔ́ á mbū yí, á meŋguʼ meŋguʼ. Á páʼa.

Menjʉɔ te lí 19:10

Meŋ ndɛ̄ɛ ntswíʼte á mekhu yí, ŋ́ŋɔ́ʼne tɛ athū á pfeŋ esī, ŋ́gɔ̄ á ŋguʼté á yí, tɛ́ á lé mé meŋ ŋ́gɛ: «Ndɛ́ʼ o eghʉ̄ épúp. Meŋ á azá ŋgaŋ afaʼ Ndém páʼ wu, mbɔɔ páʼ epɔ̄ memía pú pīi, pɔ́ ziŋɛ ánɛ mekhu Yɛɛ́so. Ndém tɛ́ o pɔŋteé á lewuʼte. » Anuúnē zīi Yɛɛ́so a le ziʼné epuɔ, aziɛ́ mé tshoneé á ŋiŋ á letswi ŋke yí.

Menjʉɔ te lí 22:6

Cɔʼ Ndém, á zéŋ ndé á mbū meŋ ŋ́gɛ: «Meshuŋne muɔ, é ajʉʼ éwú ŋgɔ́ épúp, ŋ́gɔ́ á anuúnē. Atsyapuɔ Ndém páʼ a le yá Azwakne zí á mbū metswi‑ŋke pí lā, a le tó á cɔʼ yi á mbū wɔ júʼ‑nchu yí ŋ́gɛ, a eshʉʼ ntswī á wɔ́p ajū mīi, a pɔŋteé á leshʉʼ, tɛ á cʉʼɛ́ eshʉʼ shʉʼe. »