Lomɛŋ 3:11 - Eka Eswhī

¹¹ Ŋ́gɛ, ŋiŋ yīi, a wɛɛ̄ leghi a te éwú ú. Ŋiŋ yīi a kɔɔ̄ŋ ŋ́gɛ pɔ́ Ndém e egɔ́ nnɔ, á gɔ́ te éwú ú.

Lomɛŋ 3:11 Iomraidhean Croise

Matío 13:19

Ndo mɛnzhɛ zīi, emɔ̄ʼ mesa etsō é le whʉtē éwú lā, é si ŋgɔ́ epuɔ pīi, é juúʼ anu Lefɔ Ndém, pɔ́ té kúʼte. Sɛ́ta á lɛ eshʉ̄ʼ efhó á ntē pɔ́p, éfók azi pɔ́ nzi njúʼ.

Lomɛŋ 1:22

Pɔ́ le nɔ̄ŋ ŋkwāŋa ŋ́gɛ pɔ́ é megaŋ azhɛ̄‑anu, káʼā, ḿbiŋ ŋgɔ́ áa epia.

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 3:10

Mɛ́ le tí á ntē aŋwaʼne Ndém ŋ́gɛ: «Ŋiŋnɔŋ yīi a á ndeŋ ndeŋ, a te éwú ú, tɛ tsɔ taʼ.

Lomɛŋ 3:12

Epuɔ menɔŋ metsem é lē mbú ntém nzem zi. Ńcʉ́ʼ megaŋ anu tepɔŋ metsem. Tsɔ ŋiŋ a te anu mbɔŋ ghʉ̄ʉ, tsɔ áa taʼ ŋiŋ.

Lomɛŋ 8:7

Epuɔ pīi pɔ́ ziīŋ páʼ, mbe nnɛ̄t zɔp mé si ntshónɛ á wɔ́p, pɔ́ é si ŋgɔ́ megaŋ mbo Ndém. Pɔ́ té lepé Ndém kúʼte, ńzi ŋgɔ́ yīi, pɔ́ gɔ le éwú kuʼ.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.